သစ်ကိုင်းကျိုးကျ

May 18, 2022

လေပြင်းတိုက် သစ်ကိုင်းကျိုးကျသဖြင့် နတ်ချောင်းစစ်ရှောင် ၁၄ နှစ်အရွယ် မိန်းကလေး သေဆုံး

စစ်ကိုင်းတိုင်း၊ ကလေးမြို့နယ်မှာ မေ ၁၇ ရက် နေ့လယ်က နတ်ချောင်း စစ်ဘေးရှောင်စခန်းမှာ လေပြင်းတိုက်ခတ်ပြီး တဲပေါ် သစ်ကိုင်းကျိုးကျတာကြောင့် အသက် ၁၄ နှစ်အရွယ် မိန်းကလေးငယ်တယောက် သေဆုံးသွားပါတယ်။

စစ်ရှောင်တွေကို ကူညီပေးနေတဲ့ ဦးဇင်းတပါးက “သူတို့ညီအမနှစ်ယောက်က တဲထဲမှာ နေခဲ့တာ၊ သူ့မိဘတွေက ရဟန်းခံအတွက် အလုပ်ရှုပ်နေကြတာ။ လေက တအားတိုက်တာ၊ မိုးကလည်းသည်း၊ သစ်ကိုင်းက ကျိုးကျပြီး ရင်ဘတ်ပေါ်ကျသွားပုံရတယ်။ ချက်ချင်းမဆုံးပေမဲ့ အချိန်မမီတော့ ခဏအသက်ဆယ်ပြီး ဆုံးသွားတယ်" လို့ ဒီဗွီဘီကို မိန့်ပါတယ်။

နတ်ချောင်းကျေးရွာက စစ်ရှောင်တွေဟာ ကျေးရွာကနေအိမ်တွေ မီးရှို့ဖျက်ဆီးခံထားရတာကြောင့် ဘေးလွတ်ရာ ဒေသတွေမှာ နေထိုင်နေကြရတာပါ။

သေဆုံးတဲ့ မိသာစုးဝင်တွေကတော့ ကျေးရွာတွင်းက ရန်ကင်းဘုန်းကြီးကျောင်းထဲမှာ ယာယီတဲထိုးနေထိုင်ကြတယ်လို့ ဆိုပါတယ်။

သေဆုံးသွားသူမှာ မယုလှိုင်သင်းဖြစ်ပြီး ညီအမ ၂ ယောက်စလုံးကို ထိမှန်ခဲ့ပေမဲ့ အမဖြစ်သူကတော့ အသက်အန္တရာယ် မထိခိုက်ကြောင်း၊ စစ်ဘေးရှောင်စခန်းအတွင်း ဆေးအဖွဲ့ရှိပေမဲ့ ဆေးဝါးကိရိယာ မပြည့်စုံတဲ့အတွက် အသက်မကယ်နိုင်ဘူးလို့ ဦးပဉ္ဇင်းက မိန့်ပါတယ်။

လေပြင်းတိုက်တာကြောင့် တဲတချို့ ပျက်စီးသွားတယ်လို့လည်း သိရပါတယ်။

စစ်ကောင်စီတပ်တွေဟာ နတ်ချောင်းကျေးရွာက ဒေသခံနေအိမ်တွေကို မီးရှို့ဖျက်ဆီးတာ ၃ ကြိမ်တိုင်ရှိပြီဖြစ်ပြီး နေအိမ် ၂၀၀ ကျော် မီးလောင်ဆုံးရှုံးထားပါတယ်။

7 months Ago

August 25, 2019

ကောလင်းမြို့နယ်၌ စျေးပေါ် သစ်ကိုင်းကျိုးကျ၍ ၁ ဦးသေဆုံး၊ ၅ ဦးဒဏ်ရာရ

စစ်ကိုင်းတိုင်း၊ ကောလင်းမြို့နယ်၊ ခန်သာကျေးရွာဈေးမှာ သြဂုတ် ၂၅ ရက်နေ့ မနက်ပိုင်းက ညောင်ပင်ကိုင်းကျိုးကျတာကြောင့် စျေးရောင်းနေသူ အမျိုးသမီး ၁ ဦးသေဆုံးခဲ့ကာ ၅ ဦး ထိခိုက်ဒဏ်ရာရရှိခဲ့ပါတယ်။  သေဆုံးသူက ဂါတ်ကုန်းကျေးရွာကနေ စျေးလာရောင်းသူ အသက် ၅၆ နှစ်အရွယ် ဒေါ်ချိုဦးဆိုသူဖြစ်ပြီး မိုးရွာသွန်းတာကနေ သစ်ကိုင်း ကျိုးကျခဲ့တာလို့ သိရပါတယ်။  တခြားစျေးဝယ်လာတဲ့သူ အမျိုးသား ၁ ဦးနဲ့ အမျိုးသမီး ၄ ဦး စုစုပေါင်း ၅ ဦးမှာလည်း ခြေသလုံးရိုးကျိုးဒဏ်ရာနဲ့ ဦးခေါင်းပေါက်ပြဲဒဏ်ရာ၊ ပွန်းပဲ့ဒဏ်ရာတွေ အသီးသီးရရှိခဲ့ပြီး ဆေးရုံပို့ဆောင်ခဲ့ရတာပါ။ "မိုးက ရေတော့ပါတယ်။ တအားကြီးတော့ မသဲဘူး။ ညောင်ပင်က နှစ်ပေါင်း ရာကျော်သက်တမ်းရှိပြီ။ အခုကျိုးကျတာက မူလပင်စည်မဟုတ်ဘူး။ ၇ နှစ်သားဝန်းကျင်လောက်ရှိပြီဖြစ်တဲ့ ကိုင်းတက်က မိုးရေအလေးချိန်မနိုင်တာကနေ အိပြီး ကျိုးကျတဲ့ သဘောပါ။ သေဆုံးသူနဲ့ ဒဏ်ရာရသူတွေကိုတော့ ခန်သာ တိုက်နယ်ဆေးရုံကို ပို့ဆောင်ပေးခဲ့ရပါတယ်။"လို့ ခန်သာကျေးရွာဒေသခံ ကိုနေမျိုးဝင်းက ပြောပါတယ်။ ဒီဖြစ်စဉ်ကိုတော့ ရဲတပ်ဖွဲ့က သေမှုသေခင်းဖွင့်လှစ်ဆောင်ရွက်နေတယ်လို့ ဆိုပါတယ်။  အရင်ကတော့ အခုလိုအဖြစ်မျိုးဖြစ်တာ မရှိဘူးလို့လည်း ကောလင်းမြို့နယ် တိုင်းဒေသကြီး ကိုယ်စားလှယ် ဦးတင်စိုးက ပြောပါတယ်။ ထိခိုက်ဒဏ်ရာရသူတွေထဲက ခြေထောက်ရိုး ၂ ပိုင်းကျိုးသွားတဲ့ ဦးမျိုးနိုင်ထွန်းကိုတော့ သစ်ကိုင်းအောက်မှာ ပိနေတဲ့အတွက် ဒေသခံ ရှာဖွေကယ်ဆယ်ရေးတပ်ဖွဲ့က ခက်ခက်ခဲခဲ ကယ်ထုတ်ခဲ့ရတယ်လို့ သိရပါတယ်။  စျေးအတွင်း သစ်ကိုင်းကျိုးကျမှုကြောင့် စျေးဆိုင်ခန်း ၅ ခန်းလောက် ပျက်စီးသွားတယ်လို့ ဒေသခံတွေက ပြောပါတယ်။ ခန်သာစျေးက ကောလင်းမြို့နယ်စည်ပင်ရဲ့ ၃(ခ)နယ်မြေအတွင်းမှာ ပါဝင်တဲ့ စျေးတခုလည်း ဖြစ်ပါတယ်။ ဒီစျေးမှာတော့ ခန်သာကျေးရွာအပြင် အနီးအနားကျေးရွာတွေက စျေးသည်ဝန်းကျင် ၅၀၊ ၆၀ ခန့် နေ့စဉ် ဒေသထွက်ကုန်တွေကို လာရောက်ရောင်းချကြတာ ဖြစ်ပါတယ်။ ~~~~~~~~~~~~~~~~~~~~~~~~~~~~~~~~~~~~ Zawgyi_version ေကာလင္းၿမိဳ႕နယ္၌ ေစ်းေပၚ သစ္ကိုင္းက်ိဳးက်၍ ၁ ဦးေသဆုံး၊ ၅ ဦးဒဏ္ရာရ စစ္ကို္င္းတိုင္း၊ ေကာလင္းၿမိဳ႕နယ္၊ ခန္သာေက်း႐ြာေဈးမွာ ၾသဂုတ္ ၂၅ ရက္ေန႔ မနက္ပိုင္းက ေညာင္ပင္ကိုင္းက်ိဳးက်တာေၾကာင့‌ေ ေစ်းေရာင္းေနသူ အမ်ိဳးသမီး ၁ ဦးေသဆုံးခဲ့ကာ ၅ ဦး ထိခိုက္ဒဏ္ရာရရွိခဲ့ပါတယ္။ ေသဆုံးသူက ဂါတ္ကုန္းေက်း႐ြာကေန ေစ်းလာေရာင္းသူ အသက္ ၅၆ ႏွစ္အ႐ြယ္ ေဒၚခ်ိဳဦးဆိုသူျဖစ္ၿပီး မိုး႐ြာသြန္းတာကေန သစ္ကိုင္း က်ိဳးက်ခဲ့တာလို႔ သိရပါတယ္။ တျခားေစ်းဝယ္လာတဲ့သူ အမ်ိဳးသား ၁ ဦးနဲ႔ အမ်ိဳးသမီး ၄ ဦး စုစုေပါင္း ၅ ဦးမွာလည္း ေျခသလုံး႐ိုးက်ိဳးဒဏ္ရာနဲ႔ ဦးေခါင္းေပါက္ၿပဲဒဏ္ရာ၊ ပြန္းပဲ့ဒဏ္ရာေတြ အသီးသီးရရွိခဲ့ၿပီး ေဆး႐ုံပို႔ေဆာင္ခဲ့ရတာပါ။ "မိုးက ေရေတာ့ပါတယ္။ တအားႀကီးေတာ့ မသဲဘူး။ ေညာင္ပင္က ႏွစ္ေပါင္း ရာေက်ာ္သက္တမ္းရွိၿပီ။ အခုက်ိဳးက်တာက မူလပင္စည္မဟုတ္ဘူး။ ၇ ႏွစ္သားဝန္းက်င္ေလာက္ရွိၿပီျဖစ္တဲ့ ကိုင္းတက္က မိုးေရအေလးခ်ိန္မႏိုင္တာကေန အိၿပီး က်ိဳးက်တဲ့ သေဘာပါ။ ေသဆုံးသူနဲ႔ ဒဏ္ရာရသူေတြကိုေတာ့ ခန္သာ တိုက္နယ္ေဆး႐ုံကို ပို႔ေဆာင္ေပးခဲ့ရပါတယ္။"လို႔ ခန္သာေက်း႐ြာေဒသခံ ကိုေနမ်ိဳးဝင္းက ေျပာပါတယ္။ ဒီျဖစ္စဥ္ကိုေတာ့ ရဲတပ္ဖြဲ႕က ေသမႈေသခင္းဖြင့္လွစ္ေဆာင္႐ြက္ေနတယ္လို႔ ဆိုပါတယ္။ အရင္ကေတာ့ အခုလိုအျဖစ္မ်ိဳးျဖစ္တာ မရွိဘူးလို႔လည္း ေကာလင္းၿမိဳ႕နယ္ တိုင္းေဒသႀကီး ကိုယ္စားလွယ္ ဦးတင္စိုးက ေျပာပါတယ္။ ထိခိုက္ဒဏ္ရာရသူေတြထဲက ေျခေထာက္႐ိုး ၂ ပိုင္းက်ိဳးသြားတဲ့ ဦးမ်ိဳးႏိုင္ထြန္းကိုေတာ့ သစ္ကိုင္းေအာက္မွာ ပိေနတဲ့အတြက္ ေဒသခံ ရွာေဖြကယ္ဆယ္ေရးတပ္ဖြဲ႕က ခက္ခက္ခဲခဲ ကယ္ထုတ္ခဲ့ရတယ္လို႔ သိရပါတယ္။ ေစ်းအတြင္း သစ္ကိုင္းက်ိဳးက်မႈေၾကာင့္ ေစ်းဆိုင္ခန္း ၅ ခန္းေလာက္ ပ်က္စီးသြားတယ္လို႔ ေဒသခံေတြက ေျပာပါတယ္။ ခန္သာေစ်းက ေကာလင္းၿမိဳ႕နယ္စည္ပင္ရဲ႕ ၃(ခ)နယ္ေျမအတြင္းမွာ ပါဝင္တဲ့ ေစ်းတခုလည္း ျဖစ္ပါတယ္။ ဒီေစ်းမွာေတာ့ ခန္သာေက်း႐ြာအျပင္ အနီးအနားေက်း႐ြာေတြက ေစ်းသည္ဝန္းက်င္ ၅၀၊ ၆၀ ခန႔္ ေန႔စဥ္ ေဒသထြက္ကုန္ေတြကို လာေရာက္ေရာင္းခ်ၾကတာ ျဖစ္ပါတယ္။
3 years Ago
Up