သစ်ခွဲသားများ

February 7, 2017

အင်းတော်မြို့နယ်တွင် တရားမဝင် သစ်ခွဲစက် ၃ လုံးနှင့် သစ်ခွဲသားများ ဖမ်းမိ

စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်မှာ ဖေဖော်ဝါရီ ၅ ရက် မနက်က တရားမဝင် သစ်စက်နဲ့အတူ သစ်ခွဲသားတွေကို ပိုင်ရှင်မဲ့ ဖမ်းဆီးရမိခဲ့ပါတယ်။ အင်းတော်မြို့နယ်၊ လယ်ပြင်ကျေးရွာအုပ်စု၊ ဂဟဲကျေးရွာနဲ့ ရွာဟောင်းကျေးရွာအနီး ကလုံ သစ်တောကြိုးဝိုင်းအတွင်း တရားမဝင်သစ်ခွဲစက်လည်နေတဲ့ သတင်းအရ သစ်တောနဲ့ ရဲ ပူးပေါင်းအဖွဲ့က တရားမဝင် သစ်ခွဲစက်တွေကို ရှာဖွေ ဖမ်းမိခဲ့တာလို့ ဆိုပါတယ်။ ကျွန်းခွဲသားဆိုက်စုံ ၂၃၉ ချောင်း ၃ ဒသမ ၄၉၁၄ တန်၊ ကျွန်းသစ် ၈ လုံး ၂ ဒသမ ၁၃၀ တန်၊ သစ်ခွဲစက် ၃ လုံးနဲ့ ဆက်စပ်ပစ္စည်းတွေကို ဖမ်းမိခဲ့တာပါ။ ဒါ့အပြင် ဂဟဲကျေးရွာနဲ့ ရွာဟောင်းကျေးရွာအနီးက တဲအတွင်းမှာ အင်သစ်ခွဲသား ဆိုက်စုံ ၁၅၃ ချောင်း ၃ ဒသမ ၄၄၈၄ တန် ဖမ်းမိခဲ့ပါတယ်။ ဖမ်းဆီးရမိခဲ့တဲ့ တရားမဝင် သစ်ခွဲစက်နဲ့ သစ်ခွဲသားတွေကို နိုင်ငံတော်ဘဏ္ဍာအဖြစ် သိမ်းယူထားပြီး အမြန်ဆုံး ရွှေ့ပြောင်းသယ်ယူနိုင်ဖို့ ဆောင်ရွက်နေတယ်လို့ အင်းတော်မြို့နယ် သစ်တောဦးစီးဌာနမှ သိရှိရပါတယ်။ သတင်း - သီဟဆွေ(ကသာ)
4 years Ago
Up