သင်္ကြန်ကာလ

April 8, 2021

သင်္ကြန်ကာလ ရေကစားခြင်းမပြုရန် သံတွဲမြို့တွင် စာထုတ်

အကြမ်းဖက်စစ်ကောင်စီက ကျင်းပတဲ့ အတာသင်္ကြန်ပွဲမှာ ပါဝင်ဆင်နွှဲခြင်းမပြုဖို့ မေတ္တာရပ်ခံကြောင်း သံတွဲလူငယ်အစည်းအရုံးက ဒီနေ့ ထုတ်ပြန်ခဲ့ပါတယ်။

အကြမ်းဖက်လက်နက်ကိုင် စစ်ကောင်စီရဲ့ သတ်ဖြတ်မှုတွေကြောင့် မြန်မာနိုင်ငံအနှံ့ သေဆုံးခဲ့သူ ၆၀၀ ကျော်ရှိပြီး ဖမ်းဆီးထိန်းသိမ်းခံရသူလည်း ၂၀၀၀ ကျော်ရှိလာတဲ့အတွက် လူသားချင်းစာနာထောက်ထားတဲ့အနေနဲ့ အခုနှစ် အတာသင်္ကြန်ကာလမှာ ရေပတ်ဆော့ကစားခြင်း မပြုလုပ်ကြဖို့ ဒီနေ့ထုတ်ပြန်တဲ့ သံတွဲလူငယ်အစည်းအရုံးရဲ့ ထုတ်ပြန်ချက်မှာ ဖော်ပြထားပါတယ်။

အကြမ်းဖက်ခေါင်းဆောင် မင်းအောင်လှိုင်ဦးဆောင်တဲ့ စစ်ကောင်စီကို ကန့်ကွက်တဲ့အနေနဲ့ အခုနှစ် အတာသင်္ကြန်ကာလမှာ ရေပက်ဆော့ကစားခြင်း မပြုဘဲ နေအိမ်အတွင်း အေးအေးဆေးဆေး အနားယူပြီး ဆန္ဒဖော်ကြဖို့ကိုလည်း သံတွဲမြို့ Generation Z အဖွဲ့ တာဝန်ရှိသူတယောက်က ဆိုပါတယ်။

ဒီနှစ်မှာ သံတွဲမြို့ဗဟိုမဏ္ဍပ်ကို သံတွဲမြို့ပြည်သူ့ဆေးရုံရှေ့မှာ ဆောက်လုပ်ဖို့ ပြင်ဆင်ခဲ့ကြပေမယ့် ဆေးရုံကခွင့်မပြုတာကြောင့် ငပလီလမ်းဆုံမှာ ပြောင်းရွှေ့ဆောက်လုပ်ဖို့ စီစဉ်ခဲ့ကြပါတယ်။ ငပလီလမ်းဆုံမှာလည်း ခုထိတော့ သင်္ကြန်မဏ္ဍပ်ဆောက်လုပ်တာ မတွေ့ရသေးဘူးလို့ ဒေသခံတွေက ဆိုပါတယ်။

ငပလီမြို့၊ ဂျိတ္တောရပ်ကွက်မှာတော့ အကြမ်းဖက်စစ်ကောင်စီကို ထောက်ခံကြတဲ့သူတွေက တစ်ရပ်ကွက်ကို မဏ္ဍပ်တခုဆောက်လုပ်ပြီး သင်္ကြန်ကိုဆင်နွှဲကြမယ်လို့လည်း သတင်းတွေ ထွက်နေပါတယ်။ စစ်ကောင်စီကို မလိုလားတဲ့ နွေဦးတော်လှန်ရေးဆင်နွှဲနေကြသူတွေကတော့ သင်္ကြန်ကာလအတွင်း ရေပက်ဆော့ကစားတာမျိုး ပြုလုပ်ကြမှာ မဟုတ်ဘူးလို့ ဒေသခံတွေကဆိုပါတယ်။

2 months Ago

April 5, 2020

သင်္ကြန်ကာလ ရန်ကုန်ရှိ ဘုန်းကြီးကျောင်းများကို ဆွမ်းကွမ်းဝေယျာဝစ္စ တိုင်းအစိုးရ ထောက်ပံ့မည်

COVID-19 ကို ကြိုတင်ကာကွယ်ဖို့နဲ့ သံဃာတော်တွေ အစုအဝေး မဖြစ်စေဖို့ မဟာသင်္ကြန် ရုံးပိတ်ရက်တွေမှာ ရန်ကုန်တိုင်းမှာရှိတဲ့ ဘုန်းကြီးကျောင်းတွေကို ဆွမ်းကွမ်း ဝေယျာဝစ္စ ၆ မျိုး လှူဒါန်းထောက်ပံ့သွားဖို့ တိုင်းအစိုးရက စီစဉ်နေပါတယ်။ ဒါနဲ့ပတ်သက်လို့ တိုင်းအစိုးရနဲ့ သံဃနာယကအဖွဲ့က ဆရာတော်တွေ ပူးပေါင်းစီစဉ်နေတာ ဖြစ်ပြီး သက်ဆိုင်ရာဘုန်းကြီးကျောင်းတွေအလိုက် သီတင်းသုံးနေတဲ့ သံဃာတော်နဲ့ သီလရှင် အရေအတွက်ကို စာရင်းကောက်ယူနေတယ်လို့ ပြောပါတယ်။  စာရင်းအတိအကျ ကောက်ယူပြီးပါက မဟာသင်္ကြန်ကာလမတိုင်ခင် ဆန်၊ ဆီ၊ ဆား စတဲ့ ပစ္စည်းလှူဒါန်းထောက်ပံ့သွားမှာဖြစ်ပြီး သံဃာတော်တွေအနေနဲ့ ဆွမ်းခံထွက်စရာ မလိုတော့ဘူးလို့ တိုင်းအစိုးရဖွဲ့ ဘဏ္ဍာရေး၊ စီမံကိန်းနဲ့ စီးပွားရေးကော်မတီအတွင်းရေးမှူး ဦးလှသိန်းက ပြောပါတယ်။  တာမွေမြို့နယ်မှာတော့ ဘုန်းကြီးကျောင်းပေါင်း ၇၃ ကျောင်းရှိပြီး သံဃာတော် ၁၆၃၆ ပါးနဲ့ သီလရှင် ၄ ပါး တို့ သီတင်းသုံးနေထိုင်နေပါတယ်။ ဒါ့အပြင် ဒီကိစ္စနဲ့ပတ်သက်ပြီး သင်္ဃန်းကျွန်းမြို့နယ်ကိုတော့ အတိအကျ ညွှန်ကြားချက် ထုတ်ပြန်ထားတာ မရှိသေးဘူးလို့ မြို့နယ်အထွေထွေအုပ်ချုပ်ရေးဦးစီးဌာနမှူးက ပြောပါတယ်။ သင်္ဃန်းကျွန်းမြို့နယ်မှတော့ ဘုန်းကြီးကျောင်းပေါင်း ၁၈၅ ကျောင်းရှိပြီး သံဃာတော်ပေါင်း ၃၅၃၅ ပါးရှိပြီး သီလရှင် ၈၅၄ ပါးရှိတယ်လို့ ဆိုပါတယ်။
1 year Ago
More News
Up