သက်သေ

April 8, 2021

စစ်တပ်ကျူးလွန်ထားသည့် လူ့အခွင့်အရေးချိုးဖောက်မှုသက်သေ ၂၇၀,၀၀၀ ကျော်ရှိဟု CRPH ထုတ်ပြန်

မြန်မာနိုင်ငံမှာ အာဏာသိမ်းစစ်တပ်နဲ့ရဲတပ်ဖွဲ့က ပြည်သူတွေအပေါ် လူ့အခွင့်အရေး ချိုးဖောက်မှု ကျူးလွန်ခဲ့တဲ့ သက်သေအထောက်အထားပေါင်း ၂၇၂,၂၀၉ ကျော်ကို လက်ခံရရှိထား တယ်လို့ ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

ဒီအထောက်အထားတွေအရ စစ်တပ်က အရပ်သား ပြည်သူလူထုကို နိုင်ငံအနှံ့ အ စီအစဉ်ချမှတ်ပြီး ကျယ်ကျယ်ပြန့်ပြန့် ပစ်မှတ်ထား တိုက်ခိုက်နေကြောင်း ပြသနေတယ် လို့ ထုတ်ပြန်ချက်ထဲမှာ ဖော်ပြပါတယ်။

ဧပြီ ၇ ရက်က မြန်မာနိုင်ငံ ဥပဒေရေးရာကိုယ်စားလှယ်တွေနဲ့ မြန်မာနိုင်ငံအတွက် လွတ်လပ်တဲ့ စုံစမ်းစစ်ဆေးမှု ဆိုင်ရာယန္တယား IIMM အဖွဲ့ အကြီးအကဲတွေ ပထမအ ကြိမ် တွေ့ဆုံမှု အပြီးမှာ ခုလိုထုတ်ပြန်ထားတာဖြစ်ပြီး ၂၀၂၁ ခုနှစ် ဖေဖော်ဝါရီ ၁ ရက်နေ့ နဲ့ အဲဒီနောက်ပိုင်း ကာလတွေမှာ စစ်တပ်က ကျူးလွန်တဲ့ ရက်စက်ကြမ်းကြုတ်မှုတွေနဲ့ ပတ်သက်ပြီး အပြန်အလှန် ဆွေးနွေးတာတွေ ပူးပေါင်းဆောင်ရွက်မှု နည်းလမ်းတွေကို ပြောဆိုခဲ့ကြတယ်လို့ ဆိုပါတယ်။

          ဒီလိုတွေ့ဆုံမှုကို တရားဝင် ပါလီမန်က ခန့်အပ်ထားတဲ့  ပြည်ထောင်စု လွှတ်တော် ကိုယ်စားပြုကော်မတီ(CRPH)ကတဆင့် ဆောင်ရွက်တာဖြစ်ပြီး ဆက်လက်ပြီးတော့ တွေ့ဆုံဆွေးနွေးမှုတွေအတွက်လည်း လာမယ့် ရက်တွေထဲ စီစဉ်ထားတယ်လို့ ဆိုပါ တယ်။

          ကုလသမဂ္ဂရဲ့ မြန်မာနိုင်ငံဆိုင်ရာ လွတ်လပ်သောစုံစမ်းစစ်ဆေးမှုယန္တရား (IIMM) ဟာ စစ်အာဏာသိမ်းတဲ့ ဖေဖော်ဝါရီ ၁ ရက်နေ့ကစတင်ပြီး မြန်မာနိုင်ငံမှာ ဖြစ်ပွားနေတဲ့ ဖြစ်ရပ်တွေကို အနီးကပ် စောင့်ကြည့်နေတာ ဖြစ်ပါတယ်။

လွန်ခဲ့တဲ့ ၂၀၁၁ ခုနှစ်မှစတင်ပြီး မြန်မာနိုင်ငံမှာ ဖြစ်ပွားခဲ့တဲ့ အကြီးလေးဆုံး နိုင်ငံ တကာရာဇဝတ်မှုတွေနဲ့ နိုင်ငံတကာဥပဒေချိုးဖောက်မှုတွေ ကျူးလွန်တဲ့ အထောက်အထားတွေကို ထိန်းသိမ်းပြီး စိစစ်သုံးသပ်ဖို့ မြန်မာနိုင်ငံဆိုင်ရာယန္တရားကို ကုလသမဂ္ဂ လူ့အခွင့်အရေးကောင်စီက ၂၀၁၈ ခုနှစ်မှာ ဖွဲ့စည်းတည်ထောင်ခဲ့တာ ဖြစ်ပါတယ်။

ဒီယန္တရားက သက်သေအထောက်အထားတွေကို စိစစ်သုံးသပ်ဖို့နဲ့ နိုင်ငံအဆင့် ဒါမှမဟုတ် နိုင်ငံတကာတရားရုံးတွေမှာ ရာဇဝတ်မှုကျူးလွန်မှုအတွက် တာဝန်ရှိတဲ့ လူပုဂ္ဂိုလ်တွေကို တရားစွဲဆိုမှုတွေပြုလုပ်ရာမှာ လွယ်ကူချောမွေ့စေဖို့ အထောက်အကူပြုတဲ့ အမှုတွဲတွေကိုလည်း တည်ဆောက်ပိုင်ခွင့်ရှိတယ်လို့ ဆိုပါတယ်။

1 week Ago

April 7, 2021

မြန်မာစစ်တပ်ကျူးလွန်ထားသည့် လူ့အခွင့်အရေးချိုးဖောက်မှု သက်သေအထောက်အထားပေါင်း ၁၈၀,၀၀၀ ရရှိ

မြန်မာနိုင်ငံမှာ အာဏာသိမ်းစစ်တပ်နဲ့ရဲတပ်ဖွဲ့က ပြည်သူအပေါ် ကျူးလွန်ခဲ့တဲ့ သက်သေအထောက်အထားပေါင်း ၁၈၀,၀၀၀ ကို လက်ခံရရှိထားပြီး ဒီအထောက်အထားတွေအရ စစ်တပ်ဟာ  လူ့အခွင့်အရေးချိုးဖောက်မှုတွေကို ကျယ်ကျယ်ပြန့်ပြန့် ကျူးလွန်ကြောင်း ပြသနေတယ်လို့ CRPH ကကြေညာပါတယ်။

ပြည်ထောင်စုလွှတ်တော်ကိုယ်စားပြုကော်မတီ CRPH ရဲ့ ကုလသမဂ္ဂဆိုင်ရာ အထူးကိုယ်စားလှယ် ဒေါက်တာဆာဆာက ဧပြီ ၆ ရက်နေ့စွဲနဲ့ ထုတ်ပြန်ကြေညာလာတာ ဖြစ်ပါတယ်။ 

စစ်တပ်ရဲ့ လူ့အခွင့်အရေးချိုးဖောက်မှုတွေအထဲမှာ ဥပဒေမဲ့ သတ်ဖြတ်မှု ၅၄၀ ကျော်၊ ဖမ်းဆီးထားစဉ် နိုင်ငံရေးအကျဉ်းသား သေဆုံးမှု ၁၀ ဦးကျော်ရှိပြီး ဖမ်းဆီးခံထားရသူတွေကို နှိပ်စက်ညှဉ်းပန်းတာတွေရှိခဲ့တယ်လို့လည်းဆိုပါတယ်။

ဒါ့အပြင် ငြိမ်းချမ်းစွာ ဆန္ဒပြသူတွေကို သေစေနိုင်တဲ့ အင်အားအလွန်အကျွံသုံးပြီး နေရာအနှံ့အပြားမှာ ကျယ်ကျယ်ပြန့်ပြန့် တုံ့ပြန်ဆောင်ရွက်ခဲ့တာ၊ ငြိမ်းချမ်းစွာ စုဝေးခွင့်ကို ချိုးဖောက်တာ၊ တရားမဝင် ဖမ်းဆီးချုပ်နှောင်မှုကို ကျယ်ကျယ်ပြန့်ပြန့် ပြုလုပ်တာ  သတင်းထောက်တွေ ၊ သတင်းမီဒီယာကုမ္ပဏီတွေနဲ့ ဓာတ်ပုံဆရာတွေကိုလည်း ပစ်မှတ်ထား ဖမ်းဆီးတာ၊ အင်တာနက်အသုံးပြုခွင့်ကို ကန့်သတ်ပိတ်ပင်တာ၊ အင်တာနက်မှာ လွတ်လပ်စွာ ပြောဆိုခွင့်ကို ကန့်သတ်တဲ့လုပ်ရပ်တွေ လုပ်ဆောင်တာလည်းရှိခဲ့တယ်လို့ဆိုပါတယ်။ 

ဖေဖော်ဝါရီ ၁ ရက်ကစပြီး စစ်တပ်က မြန်မာပြည်သူတွေနဲ့ ရွေးကောက်ခံ လွှတ်တော်ကိုယ်စားလှယ်တွေအပေါ် ရက်စက်ကြမ်းကြုတ်မှုတွေ ကျူးလွန်နေတာနဲ့ပတ် ဒီကနေ့ ဧပြီ ၇ ရက်နေ့မှာ CRPH ရဲ့ မြန်မာနိုင်ငံ  ဥပဒေရေးရာ ကိုယ်စားလှယ်တွေနဲ့  ကုလသမဂ္ဂလူ့အခွင့်အရေးကောင်စီက ဖွဲ့စည်းပေးထားတဲ့ မြန်မာနိုင်ငံဆိုင်ရာ လွတ်လပ်တဲ့ စုံစမ်းစစ်ဆေးမှုဆိုင်ရာယန္တယား (IIMM) အဖွဲ့အကြီးအကဲတို့ တွေ့ဆုံဆွေးနွေးဖို့ရှိနေတယ်လို့ သိရပါတယ်။

1 week Ago
More News
Up