သက်ထားသူဇာ

April 28, 2022

အာရှချန်ပီယံရှစ် ကြက်တောင်ပြိုင်ပွဲတွင် ဂျပန်ပြိုင်ဘက်ကိုအနိုင်ရပြီး သက်ထားသူဇာ နောက်တဆင့်တက်

ဖိလစ်ပိုင်နိုင်ငံမှာ ကျင်းပနေတဲ့ ၂၀၂၂ ခုနှစ် အာရှချန်ပီယံရှစ် ကြက်တောင်ပြိုင်ပွဲ အမျိုးသမီးတဦးချင်း ပထမအဆင့်ပွဲစဉ်မှာ မြန်မာကြက်တောင်မယ် သက်ထားသူဇာဟာ  ဂျပန်နိုင်ငံမှ အိုခူဟာရကို အနိုင်ရပြီး ဒုတိယအဆင့်ကို တက်ရောက်နိုင်ခဲ့ပါတယ်။

သက်ထားသူဇာဟာ ပထမပွဲကို ၂၁-၁၈ နဲ့ အနိုင်ယူပြီးနောက် ဒုတိယပွဲမှာတော့ ပြိုင်ဘက်  ဆီဒင်အဆင့် ၃ ရှိ အိုခူဟာရက ပြိုင်ပွဲမှ နုတ်ထွက်သွားတာကြောင့် နောက်တဆင့်ကို တက်ရောက်နိုင်ခဲ့တာ ဖြစ်ပါတယ်။

သူဟာ ဒုတိယအဆင့်ပွဲစဉ်အဖြစ် ဧပြီ ၂၈ ရက်မှာ တရုတ်တိုင်ပေမှ ရှုဝမ်ချီနဲ့ ဆက်လက်ယှဉ်ပြိုင်ရမှာ ဖြစ်ပါတယ်။

7 months Ago

July 27, 2021

ကြက်တောင်မယ် သက်ထားသူဇာ အိုလံပစ်ပြိုင်ပွဲ အုပ်စုအဆင့်မှ ထွက်ရ

ဂျပန်နိုင်ငံ တိုကျိုမြို့မှာ ဇူလိုင် ၂၇ ရက် ဒီနေ့မနက်က ကျင်းပတဲ့  အိုလံပစ်ပြိုင်ပွဲ အမျိုးသမီး တဦးချင်း ကြက်တောင်ရိုက်ပြိုင်ပွဲ အုပ်စု (M) ပွဲစဉ်မှာ  မြန်မာကြက်တောင် ရိုက် အားကစားမယ် သက်ထားသူဇာက ပြိုင်ဘက် ဘယ်လ်ဂျီယံတင်းနစ်မယ်ကို ၂ ပွဲ ပြတ်ရှုံးနိမ့်ပြီး အုပ်စုအဆင့်က ထွက်ခဲ့ရပြီ ဖြစ်ပါတယ်။ 

ကမ္ဘာ့အဆင့် ၆၅ ရှိတဲ့ သက်ထားသူဇာဟာ အုပ်စုပထမအကျော့ပွဲစဉ်အနေနဲ့ ကမ္ဘာ့အဆင့် ၂၃ ရှိတဲ့ အင်ဒိုနီးရှားပြိုင်ဘက် ဂရက်ဂိုရီယာ မာရစ်ကာ တွန်းဂျွန်နဲ့ ယှဉ်ပြိုင်ခဲ့ရတာဖြစ်ပြီး ပထမပွဲငယ်မှာ (၂၁-၁၁)မှတ်၊ ဒုတိယ ပွဲငယ်မှာလည်း (၂၁- ၈)မှတ်နဲ့ ရှုံးနိမ့်ခဲ့တာ ဖြစ်ပါတယ်။ 

ဒုတိယတကြိမ် အုပ်စုပွဲစဉ်မှာတော့ သက်ထားသူဇာဟာ ကမ္ဘာ့အဆင့် ၃၈ ရှိတဲ့ ဘယ်လ်ဂျီယံတင်းနစ်မယ် တန်လီရန်းနဲ့ ယှဉ်ပြိုင်ခဲ့ရတာဖြစ်ပြီး ပထမပွဲငယ်မှာ (၂၁-၆) မှတ်၊ ဒုတိယပွဲငယ်မှာလည်း (၂၁- ၈)မှတ်နဲ့ ထပ်မံရှုံးနိမ့်ခဲ့တာ ဖြစ်ပါတယ်။ 

ဒီပွဲစဉ်တွေမှာတော့ အုပ်စုထဲက ပထမရသူတစ်ဦးတည်းသာ နောက်တဆင့်ကို တက်နိုင်မှာမို့ သက်ထားသူဇာကတော့ ဒီအဆင့်နဲ့တင် နောက်လှည့်ပြန်ခဲ့ရပြီ ဖြစ်ပါတယ်။    

လက်ရှိ ကျင်းပနေတဲ့ တိုကျိုအိုလံပစ်ပြိုင်ပွဲမှာ မြန်မာနိုင်ငံကိုယ်စားပြု အားကစားသမား ၂ ယောက်သာ ပါဝင်ယှဉ်ပြိုင်တာဖြစ်ပြီး  သေနတ်ပစ်အားကစားသမား ရဲထွန်း နောင်ဟာလည်း အမျိုးသား ၁၀ မီတာ လေသေနတ် ပစ္စတိုပြိုင်ပွဲမှာ အဆင့် ၁၄ သာရလို့  ပြိုင်ပွဲက ထွက်ခဲ့ရပြီ ဖြစ်ပါတယ်။

1 year Ago
More News
Up