သက်တမ်းတိုး

June 28, 2021

မက်ဆီကို အမြန်ဆုံးသက်တမ်းတိုးရန် ဘာစီလိုနာညှိနိူင်း

ဘာစီလိုနာအသင်းဟာ စာချုပ်သက်တမ်းကုန်ဆုံးတော့ အသင်းခေါင်းဆောင်မက်ဆီကို သက်တမ်းတိုးဖို့ လုပ်ဆောင်နေပါတယ်။ 

ဇူလိုင် ၁ ရက်မှာ အသင်းနဲ့ တရားဝင်စာချုပ်သက်တမ်း ကုန်ဆုံးတော့မယ့်မက်ဆီကို ၂ နှစ်စာချုပ် ချုပ်ဆိုဖို့ ဘာစီလိုနာအသင်းက ဆန္ဒရှိနေတာပါ။ 

ဘာစီလိုနာ အသင်းဥက္ကဋ္ဌလာပေါ်တေး ကိုယ်တိုင် မက်ဆီရဲ့ဖခင်ဖြစ်သူ၊ အေးဂျင့်ဖြစ်သူ တို့နဲ့ ဆွေးနွေးခဲ့ပြီးဖြစ်တယ်လို့ ဆိုပါတယ်။  ဒါပေမဲ့ ဇွန် ၂၆ရက်နေ့အထိ သဘောတူညီမှု တစ်စုံတစ်ရာမရရှိသေးဘူးလို့ သိရပါတယ်။ 

အသက် ၃၄ နှစ်ရှိ မက်ဆီကို ပီအက်စ်ဂျီနဲ့ မန်စီးတီးအသင်းတွေကလည်း ခေါ်ယူဖို့ စိတ်ဝင်စားနေကြတာပါ။

7 months Ago

January 1, 2021

ဂျက်ဆီလင်ဂတ်နှင့် မန်ယူ ၁ နှစ်သက်တမ်းတိုး

မန်ယူအသင်းဟာ ကွင်းလယ်တိုက်စစ်ကစားသမား ဂျက်ဆီလင်ဂတ်ကို တစ်နှစ်သက်တမ်း တိုး စာချုပ်ချုပ်ဆို လိုက်ပါတယ်။  အသက် ၂၈ နှစ်ရှိ အင်္ဂလန်ကစားသား လင်ဂတ်ဟာ အခုနှစ်ရာသီမှာ  ၉ မိနစ်သာ ကစားရသေးပြီး ဘရိုက်တန်နဲ့ လိဂ်ဖလားပွဲစဉ်မှာပဲ ကစားခွင့်ရခဲ့တာပါ။  ဇန်နဝါရီအပြောင်းအရွှေ့မှာ လင်ဂတ်ကို ခေါ်ယူလိုတဲ့ အသင်းတွေရှိပေမဲ့ စာချုပ်ပါ အချက်အလက်တွေနဲ့အညီ နောက်ထပ်တစ်နှစ်သက်တမ်းတိုးခွင့်ကို မန်ယူအသင်းက အသုံးချခဲ့ တာပါ။  လင်ဂတ်ဟာ ၂၀၂၂ ခုနှစ်မှာ စာချုပ်သက်တမ်းကုန်ဆုံးမှာဖြစ်ပြီး အလွတ်ပြောင်းရွှေ့ကြေးနဲ့ ထွက်ခွာနိုင်တာကို မန်ယူအသင်းက ရှောင်လွဲနိုင်ခဲ့တာပါ။  နည်းပြဆိုးလ်ရှားကတော့ လင်ဂတ်အနေနဲ့ ပွဲကစားခွင့် သိပ်မရခဲ့တာက ကိုဗစ်-၁၉ ရောဂါပိုး တွေ့သူနဲ့ ထိတွေ့ခဲ့တာကြောင့် သီးသန့်နေထိုင်ခဲ့ရလို့ ဖြစ်တယ်လို့ အရင်တစ်ပတ်က ရှင်းပြခဲ့ပါတယ်။ 
1 year Ago
More News
Up