ဝေလငါး

January 21, 2021

အီတလီကမ်းရိုးတန်းအနီး ဝေလငါး သေ ၁ ကောင် တွေ့ရှိ

အီတလီကမ်းရိုးတန်းစောင့်တပ်ဟာ ဆိုရန်တိုဆိပ်ကမ်းနားက ပင်လယ်ထဲမှာ ဝေလငါးကလေး တကောင်ရဲ့ နောက်ကို လိုက်ကြည့်ရာကနေ နေပယ်လ်ပင်လယ်ရဲ့ တောင်ပိုင်းကမ်းရိုးတန်းနားမှာ ဝေလငါး အသေတကောင်ကို တွေ့ရှိခဲ့တယ်လို့ ရိုက်တာ သတင်းက ဖော်ပြပါတယ်။ ကမ်းရိုးတန်းစောင့်တပ်က ရေထဲ ပေါလောမျောနေတဲ့ ဝေလငါးသေးကို အနီးကပ် ကြည့်ရှုစစ်ဆေးအပြီးမှာ ကုန်းပေါ်သယ်လာပြီး ဝေလငါး သေဆုံးရတဲ့ အကြောင်းရင်းကိုသိရဖို့ ရင်ခွဲ စစ်ဆေးဖို့ ဆုံးဖြတ်ခဲ့ကြပါတယ်။ အဲဒီနောက် ဝေလငါးအရိုးစုကို ပြတိုက်မှာ ခင်းကျင်း ပြသထားမယ်လို့ ကမ်းရိုးတန်း စောင့်တပ်က ပြောပါတယ်။  ခုတော့ ကမ်းရိုးတန်းစောင့် တပ်ဖွဲ့ဝင်တွေဟာ သူတို့ကို လာခေါ်တဲ့ ဝေလငါး ကလေးကို ဆက်ပြီး စောင့်ကြည့်နေ ပါတယ်။
3 months Ago

December 14, 2020

ပိုက်ဖြင့်ငြိနေသည့် ဝေလငါးတစ်ကောင်က အော်ဟစ်အကူအညီတောင်း (ရုပ်သံ)

အလက်စကာက ငါးဖမ်းပိုက်တစ်ခုတွင်းမှာ ဖမ်းမိခဲ့တဲ့ humpback ဝေလငါးတစ်ကောင်ကို ကယ်တင်ပေးခဲ့ရပါတယ်။ ဝေလငါးဟာ ငါးဖမ်းပိုက်အတွင်းကို ရောက်ရှိလာခဲ့တာဖြစ်ပြီး ပိတ်မိနေချိန်မှာ ကျယ်လောင်စွာ အော်ဟစ် အကူအညီတောင်းခဲ့တာကိုလည်း တီနာကီစပရင်းမှာ နေထိုင်တဲ့ ဒေသခံတွေက ကြားခဲ့ရပါတယ်။ ဝေလငါးဟာ ကဏန်းပိုက်ထဲမှာရှိနေတဲ့ အစာကို စားဖို့ ကြိုးစားရင်းနဲ့ ရေပေါ် ပေါ်နေတဲ့ ပိုက်လိုင်းမှာ ငြိနေခဲ့တာလို့ အလက်စကာမှာရှိတဲ့ NOAA ငါးလုပ်ငန်းက ပြောပါတယ်။  ဒါပေမဲ့ ကယ်ဆယ်ရေးသမားတွေက ငြိနေတဲ့  ပိုက်အများစုကို ဖြတ်ပေးနိုင်ခဲ့ပြီး ကျန်နေတဲ့ ပိုက်အချို့ကို ဝေလငါးက ရုန်းထွက်လွတ်မြောက်နိုင်မယ်လို့ ယူဆထားပါတယ်။
4 months Ago
More News
Up