ဝေဖန်

December 7, 2020

အစ္စရေးအစိုးရကို ဆော်ဒီတော်ဝင်မင်းသား ဝေဖန်

ဆော်ဒီအာရေဗျတော်ဝင်မိသားစုရဲ့ အကြီးတန်း မိသားစုဝင်က အစ္စရေးအစိုးရကို ဒီဇင်ဘာ ၆ ရက် ထိပ်သီး ညီလာခံအတွင်း ဝေဖန်ပြစ်တင်လိုက်ပါတယ်။ အရှေ့အလယ်ပိုင်းမှာရှိတဲ့ အနောက်နိုင်ငံရဲ့ နောက်ဆုံး ကိုလိုနီအစိတ်အပိုင်းလို့လည်း အစ္စရေးကို ခေါ်ဝေါ် လိုက်ပါတယ်။ ပါလက်စတိုင်းတွေကို ရည်ညွှန်းရင်း အစ္စရေးဟာ သူတို့ကျွန်ပြုထားတဲ့ နယ်မြေထဲက ထောင်ချီတဲ့ ဒေသခံတွေကို ဖမ်းဆီးပြီး လုံခြုံရေးဆိုင်ရာ စွပ်စွဲချက်တွေအရ ထိန်းသိမ်းရေးစခန်းတွေထဲမှာ သူတို့ကို အကျဉ်းချထားတယ်လို့ ဆော်ဒီမင်းသား တာကီ အယ်လ် ဖိုင်ဆယ်က ဘာရိန်းနိုင်ငံမှာ ကျင်းပတဲ့ IISS မနာမာဆွေးနွေးပွဲအတွင်း ပြောလိုက်တာပါ။ အယ်လ်ဖိုင်ဆယ်ဟာ အရင်က အမေရိကန်နိုင်ငံဆိုင်ရာ ဆော်ဒီသံအမတ်ကြီးလည်း ဖြစ်သလို ထောက်လှမ်းရေးအကြီးအကဲဟောင်းလည်း ဖြစ်ပါတယ်။ အစ္စရေးဟာ ဆော်ဒီအာရေဗျကို မကောင်းဆိုးဝါးအဖြစ် ပုံဖော်ပြီး အသရေဖျက်ဖို့ ကြိုးစား ခဲ့တယ်လို့လည်း သူက စွပ်စွဲပါတယ်။ အစ္စရေးမှာရှိတဲ့ အာရပ်လူနည်းစု၊ ပါလက်စတိုင်းအနွယ် အစ္စရေးနိုင်ငံသားတွေကို ရည်ညွှန်းရင်း ဂျူးမဟုတ်တဲ့ ဒေသခံတွေမှာ ဥပဒေလက်အောက်မှာ တန်းတူညီမျှတဲ့ အခွင့်အရေး မရကြဘူးလို့လည်း သူက ပြောပါတယ်။ ဆော်ဒီမင်းသား ဖိုင်ဆယ်ဟာ အခု ဘယ်အစိုးရရုံးကိုမှ တာဝန်ယူမထားပေမဲ့ ဘုရင် ဖိုင်ဆယ် သုတေသနနဲ့ အစ္စလာမစ် လေ့လာရေးဌာန ဥက္ကဋ္ဌအဖြစ် သြဇာကြီမားနေဆဲပါ။ အယ်လ်ဖိုင်ဆယ် မိန့်ခွန်းပြောပြီးပြီးချင်း ဖိုရမ်မှာ မိန့်ခွန်းပြောတဲ့ အစ္စရေးနိုင်ငံခြားရေး ဝန်ကြီး ဂါဘီ အက်ရှ်ကန်နာဇီကတော့ ဆော်ဒီမင်းသားရဲ့ မှတ်ချက်တွေဟာ အရှေ့အလယ်ပိုင်း ဒေသအတွင်း ဖြစ်နေတဲ့ အပြောင်းအလဲတွေနဲ့ စိတ်ဓာတ်ကို ထင်ဟပ်မှု မရှိဘူးလို့ တုံ့ပြန် ပြောဆိုခဲ့ပါတယ်။
1 year Ago

October 22, 2020

အာဆင်နယ်လူစာရင်း၌ အိုဇေးလ် ချန်လှပ်ခံခဲ့ရသည့်အပေါ် ပရိသတ်များ ဝေဖန်

ကွင်းလယ်လူ အိုဇေးလ်ကို ပရီးမီးယားလိဂ်နဲ့ ယူရိုပါလိဂ် လူစာရင်းကနေ ချန်လှပ်ခဲ့တဲ့ အပေါ်မှာ အာဆင်နယ်ပရိသတ်တွေက ဝေဖန်နေကြပါတယ်။  အာဆင်နယ်အသင်းဟာ ပရီးမီးယားလိဂ်နဲ့ ယူရိုပါလိဂ်ပြိုင်ပွဲတွေအတွက် ကစားသမား ၂၅ ဦး စာရင်းထုတ်ပြန်ခဲ့ရာမှာ စီနီယာကစားသမား ၂ ဦးဖြစ်တဲ့ ကွင်းလယ်လူ အိုဇေးလ်နဲ့ နောက်ခံလူ ဆိုကရားတစ်တို့ကို ချန်လှပ်ခဲ့တာ ဖြစ်ပါတယ်။  လူစာရင်းကနေ ချန်လှပ်ခံခဲ့ရတဲ့အပေါ်မှာ အိုဇေးလ်က ကြေညာချက်တစောင်ထုတ် ပြန်ခဲ့ပြီး  ၂၀၁၈ ခုနှစ်မှာ စာချုပ်သက်တမ်းတိုးပြီး အသင်းမှာ သစ္စာရှိရှိနဲ့ ဆက်နေခဲ့ပေမဲ့ တူညီတဲ့ တုံ့ပြန်မှု မရခဲ့ကြောင်း၊ အပတ်စဉ် အကောင်းဆုံးကြိုးစား လေ့ကျင့်ခဲ့ပေမဲ့ ပွဲကစားခွင့်မရ ခဲ့ကြောင်း နဲ့လူစာရင်းမှာ မပါဝင်ပေမဲ့ ပွဲကစားခွင့်ရဖို့ ဆက်လက် တိုက်ပွဲဝင်သွားမယ်လို့ ကြေညာ ချက်မှာ ပါရှိပါတယ်။  အိုဇေးလ်ရဲ့ ထုတ်ပြန်ချက်နဲ့ ပတ်သက်ပြီး အာဆင်နယ်ပရိသတ် တဦးက တွစ်တာကနေ  မှတ်ချက်ရေးသားခဲ့ပြီး အသင်းဘက်က အိုးဇေးလ်အပေါ် ပြုမှုဆက်ဆံပုံတွေဟာလည်း သဘောတူ လက်ခံစရာ မရှိကြောင်းနဲ့ အိုဇေးလ်က အသင်းရဲ့ အခမ်းနားဆုံး ကစားသမား ဖြစ်တယ်လို့ ပြောပါတယ်။  တခြားအာဆင်နယ်ပရိသတ်တဦးကတော့ အိုဇေးလ်က စရိုက်လက္ခဏာ ကောင်းမွန်သူ ဖြစ်လို့ သူ့အပေါ် လေးစားအားကျကြောင်းနဲ့ အသင်းအတွက် သစ္စာရှိရှိ ဆက်ကစားနေသူ ဖြစ်တယ်လို့ မှတ်ချက်ပေးခဲ့ပါတယ်။  နောက်ထပ် ပရိသတ်တဦးကတော့ အာဆင်နယ်အသင်းအနေနဲ့ အသင်းရဲ့ ကစားသမားအရင်းအမြစ်ကို ဖြုန်းတီးနေပြီး ဘဏ္ဍာရေးနဲ့ နိုင်ငံရေးဆိုင်ရာတွေမှာ ဘယ်လို ဖြစ်နေပါစေ အိုဇေးလ်က ပွဲအဖြေကို ပြောင်းလဲနိုင်စွမ်းရှိသူလို့ မှတ်ချက်ပေးခဲ့ပါတယ်။
1 year Ago
More News
Up