ဝုဗ်

September 7, 2022

ကော်စတာကို လီဗာပူးနှင့်ပွဲအမီ အပြီးသတ်ခေါ်ယူနိုင်ရန် ဝုဗ်အသင်းကြိုးပမ်း

ဝုဗ်အသင်းဟာ တိုက်စစ်မှူး ဒီယေဂိုကော်စတာကို လီဗာပူးနဲ့ပွဲအမီ အပြီးသတ်ခေါ်ယူနိုင်ဖို့ ကြိုးပမ်းနေပါတယ်။

အသက် ၃၃ နှစ်ရှိ ချဲလ်ဆီးတိုက်စစ်မှူးဟောင်းဟာ ဝုဗ်အသင်းဆီပြောင်းရွှေ့ဖို့ သဘောတူညီထားပေမဲ့ အလုပ်လုပ်ခွင့် မရသေးတာကြောင့် ဝုဗ်အသင်းဆီ အပြီးသတ်ရောက်ဖို့ ကြန့်ကြာမှုတွေ ရှိနေတာပါ။

ကော်စတာဟာ ပြီးခဲ့တဲ့ ဒီဇင်ဘာ ၁၂ ရက်နောက်ပိုင်း ပရော်ဖက်ရှင်နယ်ပွဲတပွဲမှ မကစားခဲ့တာကြောင့် ဗြိန်တိန်နိုင်ငံရဲ့ အလုပ်လုပ်ခွင့်ပါမစ်ရဖို့ အခက်အခဲ ဖြစ်နေတာပါ။

ဒါပေမဲ့ ကော်စတာရဲ့ အလုပ်လုပ်ခွင့် လျှောက်ထားမှုကို ပယ်ချခဲ့တာ မရှိသေးဘဲ ခုံရုံးဖွဲ့ပြီး ဆုံးဖြတ်ချက်ချဖို့ ရှိပါတယ်။

ဝုဗ်အသင်းဟာ အသစ်ခေါ်ယူထားတဲ့ တိုက်စစ်မှူး ကာလက်ဇစ် ဒဏ်ရာရရှိသွားတာကြောင့် လီဗာပူးနဲ့ပွဲအမီ ကော်စတာကို အပြီးသတ်ခေါ်ယူခွင့်ရဖို့ ကြိုးပမ်းနေတာ ဖြစ်ပါတယ်။

စပိန်တိုက်စစ်မှူးဟာ ပြီးခဲ့တဲ့ရာသီက ဘရာဇီးကလပ် အက်သလက်တီကိုမင်နဲရိုးအသင်းမှာ ၁၉ ပွဲကစားခဲ့ပြီး ၅ ဂိုး သွင်းခဲ့ပါတယ်။

3 months Ago

August 25, 2022

တိုက်စစ်မှူး နက်တိုအတွက် အာဆင်နယ် တရားဝင်မကမ်းလှမ်းသေးဟု ဝုဗ်နည်းပြပြော

တိုက်စစ်ကစားသမား ပက်ဒရိုနက်တိုအတွက် အာဆင်နယ်ဘက်က တရားဝင်ကမ်းလှမ်းတာ မရှိသေးကြောင်း ဝုဗ်နည်းပြ ဘရူနိုလက်ချ်က အတည်ပြုပြောပါတယ်။

အာဆင်နယ်ဟာ နိစ်အသင်းဆီ အငှားချခဲ့တဲ့ နီကိုလပ်စ်ပေပေနေရာအတွက် ဝုဗ်တောင်ပံတိုက်စစ်ကစားသမား နက်တိုကိုခေါ်ယူဖို့ ကြိုးပမ်းနေတယ်လို့ သတင်းထွက်ပေါ်ခဲ့တာပါ။

နက်တိုနဲ့ အာဆင်နယ်တို့ရဲ့ အပြောင်းအရွှေ့သတင်းတွေ ကြားသိနေရပေမဲ့ မိမိဆီကိုတော့ သတင်းပို့လာခြင်း မရှိသေးကြောင်း၊ ကစားသမားကောင်းတွေ ရှိတဲ့အတွက် တခြားအသင်းတွေရဲ့ စိတ်ဝင်စားမှုခံရတာကလည်း မထူးဆန်းကြောင်း နည်းပြ ဘရူနိုလက်ချ်က ပြောပါတယ်။

ဝုဗ်ဟာ ကွင်းလယ်နဲ့ တိုက်စစ်ပိုင်းအတွက် ဗလင်စီယာက ဂွီဒက်စ်၊ စပို့တင်းလစ္စဘွန်းက နူနက်ဇ်တို့ကိုလည်း ခေါ်ယူထားပါတယ်။

ဒါကြောင့် နက်တိုအတွက် သတ်မှတ်ထားတဲ့ ပြောင်းရွှေ့ကြေး ပေါင်သန်း ၅၀ လောက် ပေးချေမယ်ဆိုရင် ရောင်းချဖို့ ပြင်ဆင်ထားပါတယ်။

3 months Ago
More News
Up