ဝီကီလိခ်

A d v e r t i s e m e n t With Us

January 5, 2021

ဝီကီလိခ် တည်ထောင်သူအား နိုင်ငံရေး ခိုလှုံခွင့်ပေးမည်ဟု မက္ကဆီကိုသမ္မတ ပြော

ဝီကီလိခ် တည်ထောင်သူ ဂျူလီယန်အက်ဆန်ကို နိုင်ငံရေးခိုလှုံခွင့်ပေးဖို့ အသင့်ရှိတယ်လို့ မက္ကဆီကိုသမ္မတ လိုပက်ဇ်အော်ဘရေဒိုက ဇန်နဝါရီ ၄ ရက်မှာ ပြောပါတယ်။  ဒါ့အပြင် အက်ဆန်ကို အမေရိကန်ဆီ လွှဲမပေးတဲ့ ဗြိတိန်တရားသူကြီး ဆုံးဖြတ်ချက်ကို ထောက်ခံတယ်လို့ သူက ဆိုပါတယ်။  မစ္စတာအာဆန်ကို လွှတ်ပြီး မက္ကဆီကိုမှာ နိုင်ငံရေး ခိုလှုံခွင့်ပေးလို့ ရ၊ မရ ဗြိတိန်အစိုးရကို မေးမြန်းသွားမယ်လို့ ပုံမှန်သတင်းစာရှင်းလင်းပွဲအတွင်း သမ္မတ အော်ဘရေဒိုက ပြောခဲ့တာပါ။  လွန်ခဲ့တဲ့ တစ်နှစ်ကလည်း အာဆန်ကို လွှတ်ပေးဖို့ ဗြိတိန်အစိုးရကို အော်ဘရေဒိုက တိုက်တွန်းခဲ့ပြီး ဝီကီလိခ်အထောက်အထားတွေက ကမ္ဘာ့အာဏာရှင်တွေရဲ့ လုပ်ရပ်တွေကို ပြသတယ်လို့ သူက ပြောဆိုခဲ့ပါတယ်။
2 months Ago

September 8, 2020

ဝီကီလိခ် တည်ထောင်သူ ဂျူလီယန်အက်ဆန်ကို အမေရိကန်သို့ လွှဲပေးရန်ကိစ္စ ဗြိတိန် ပယ်ချ

ဝီကီလိခ် တည်ထောင်သူ ဂျူလီယန်အက်ဆန်က အမေရိကန်နိုင်ငံဆီ သူ့ကို လွှဲပေးမယ့်ကိစ္စကို အချိန်ထပ်ပေးဖို့ ကြိုးပမ်းခဲ့ပေမယ့် ဗြိတိန် တရားရုံးက ပယ်ချလိုက်ပါတယ်။ စက်တင်ဘာ ၇ ရက် ကြားနာမှုအတွင်း အက်ဆန်က သူ့ကို အမေရိကန်ဆီ လွှဲမပေးဖို့ တရားဝင် ငြင်းဆန်ခဲ့ပါတယ်။ ဝီကီလိခ် တည်ထောင်သူ အက်ဆန်ဟာ ဇွန်လတုန်းက အမေရိကန် အာဏာပိုင်တွေက ထုတ်ပြန်ခဲ့တဲ့ ပိုမိုကျယ်ပြန့်တဲ့ အစားထိုးစွဲချက်သစ်နဲ့ ရင်ဆိုင်နေရပါတယ်။  စွဲချက်သစ်မှာ အစိုးရ ကွန်ပျူတာတွေကို ဖောက်ထွင်းဖို့ ကြံစည်မှု၊ သူလျှိုမှု စတဲ့ ပြစ်မှု ၁၈ ခု ပါဝင်ပါတယ်။ အမေရိကန် အာဏာပိုင်တွေရဲ့ စွပ်စွဲချက်အသစ်တွေနဲ့ပတ်သက်လို့ စဉ်းစားဖို့ရာ ဇန်နဝါရီလက အချိန်ထပ်ပေးဖို့ အက်ဆန်ရဲ့ ရှေ့နေက လျှောက်လဲခဲ့ပေမယ့် တရားသူကြီးက ပယ်ချခဲ့ပါတယ်။  အက်ဆန်ဟာ အမေရိကန်အစိုးရရဲ့ အာဏာအလွဲသုံးစားမှုကို ဖော်ထုတ်တဲ့ လွတ်လပ်စွာ ထုတ်ဖော်ပြောဆိုရေး ချန်ပီယံဆိုပြီး နှစ်သက်သူတွေက ရှုမြင်ပါတယ်။  ဒါပေမဲ့ ဆင်ဆာမဖြတ်ရသေးတဲ့ စာရွက်စာတမ်းတွေကို ထုတ်ဝေပြီး အက်ဆန်ဟာ ထောက်လှမ်းရေးသတင်းရင်းမြစ်တွေရဲ့ အသက်အန္တရာယ်ကို ထိခိုက်အောင် လုပ်တယ်လို့  ဝေဖန်သူတွေက ပြောပါတယ်။
6 months Ago
Up