ဝိုင်းမော်မြို့

June 16, 2022

ဝိုင်းမော်မြို့နယ်၊ တာ​လောကြီး-ရွှေ​ညောင်ပင်လမ်းတွင် ​ရေကြီးပြီး ကုန်တင်ကားများပိတ်မိ

ကချင်ပြည်နယ်၊ ဝိုင်းမော်မြို့နယ်၊ တာ​လောကြီး-​ရွှေ​ညောင်ပင်လမ်းမ​ပေါ်မှာ ဇွန် ၁၅ ရက်​ကစပြီး  လက်ရှိထိ ​ရေကြီးပြီး ကုန်တင်ကား အစီး ၂၀ လောက် ​​ရေနစ်မြုပ်ပိတ်မိ​နေ​တယ်လို့ ကုန်တင်ယာဥ်​မောင်းတွေက ပြောပါတယ်။

ကုန်တင်ယာဥ်​မောင်းတဦးက “တာ​လောကြီး-​ရွှေ​ညောင်ပင်လမ်းမ​ပေါ်မှာ ကား​တွေ အခု နစ်​နေတယ်။ အခုဖြစ်​နေတာ။ မ​နေ့ကည​နေနဲ့ အခုနဲ့​ပေါ့၊ လက်ရှိ ကား​တွေနစ်​နေတာ။ ကားခန့်မှန်း​ခြေ အစီး ၂၀ ​လောက်ရှိမယ်။ ကုန်တင်ကား​တွေ​ရော ဂျပ်ဖာကား​တွေ​ရော” လို့ ​ပြောပါတယ်။

မြစ်ရေကြီးလာတာကြောင့် ကားလမ်းမကြီး​ပေါ်ထိ ​ရေလျှံကာ တာ​လောကြီး၊ ဦး​လောက်တို့မှာ မြစ်​ရေကြီးကာ ကုန်းလမ်းပိတ်​နေပြီး တချို့​တွေက စက်​လှေ​တွေနဲ့ သွားလာကြရတယ်လို့ ဆိုပါတယ်။

လက်ရှိမှာ​တော့ အစားအ​သောက်ရောင်းတာ မရှိတဲ့အတွက် အခက်အခဲ ဖြစ်​နေကြရတယ်လို့ ယာဥ်​မောင်း​တွေက ​ပြောပါတယ်။

​နောက် ယာဥ်​မောင်းတဦးကလည်း “ကားဆရာ​တွေ​တော့ ကား​‌ပေါ် ပိတ်မိ​နေတာ​တော့ မရှိဘူး။ နီးစပ်ရာ ကုန်း​ပေါ်က နီးစပ်တဲ့တဲ​တွေမှာ အနီးဆုံး ​နေကြတာ​ပေါ့။ ကုန်း​ပေါ်မှာ ပိတ်မိ​နေတာ​ပေါ့” လို့ ​ပြောပါတယ်။

ခါတိုင်းနှစ်က ယာတွေသိမ်းတဲ့အချိန်မှ ရေကြီးတာမျိုးရှိပြီး အခုနှစ်မှာ မိုးစောလို့ တစ်သျှူးငှက်ပျောမကုန်ခင် အခုလို အခက်အခဲ ကြုံနေကြရတာလို့ ကုန်တင်ယာဉ်မောင်းတွေဆီက သိရပါတယ်။

Photo Crd-Kyaw Kyaw San

2 months Ago

November 28, 2021

ဝိုင်းမော်မြို့တွင် ယာဉ်တိုက်မှုကြောင့် လူငယ် ၄ ဦးသေဆုံး

ကချင်ပြည်နယ် ဝိုင်းမော်မြို့ နောင်တာလော‌ကျေးရွာမှာ နိုဝင်ဘာ ၂၇ ညပိုင်းက ယာဉ်တိုက်မှုဖြစ်ပွားပြီး လူငယ် လေးဦး သေဆုံးခဲ့တယ်လို့ ဒေသခံတွေက ပြောပါတယ်။

အိမ်စီးကားတစ်စီးက  အမျိုးသား တစ်ဦး မောင်းနှင်လာတဲ့ ဆိုင်ကယ်တစ်စီးကို ဝင်တိုက်မိပြီးနောက် ထပ်ဆင့်တိုက်မိရာမှာ လူငယ် အမျိုးသား လေးဦး သေဆုံးခဲ့တာလို့ ဒေသခံတဦးက ပြောပါတယ်။

"အိမ်စီးကား အမြင့်တစ်စီးက ဆိုင်ကယ်တစ်စီးကို ဝင်တိုက်တယ်။ တိုက်ပြီးမောင်းပြေးတာ ဆိုင်ကယ် နောက်တစ်စီးကို ထပ်တိုက်တယ်။ ကားက အရှိန်မထိန်းနိုင်ဘဲ စာသင်ကျောင်းရှေ့မှာ လမ်းလျှောက်နေတဲ့ လူငယ်နှစ်ယောက်ကို ထပ်တိုက်တယ်။ ၄ ဦးစလုံးသေတယ်။"

ကားနဲ့ဝင်တိုက်တဲ့အတွက် ဆိုင်ကယ်စီးသူနှစ်ဦးဟာ အခင်းဖြစ်ရာနေရာမှာ သေဆုံးခဲ့ပြီး လမ်းလျှောက်နေတဲ့ အမျိုးသားနှစ်ဦးကတော့ ဒဏ်ရာပြင်းထန်ရပြီး ဆေးရုံမှာ သေဆုံးခဲ့တာပါ။

ယာဉ်တိုက်မှုကြောင့် ကိုစည်သူ (အသက် ၂၇ နှစ်)၊ မောင်ခန့်တည်နိုင် (၉ နှစ်)၊ အသက် ၁၇ နှစ်အရွယ် မောင်သိန်းမြင့်နဲ့   မောင်ဖိုးပြား တို့ သေဆုံးခဲ့ပြီး ယာဉ်မောင်းကိုလည်း ရဲက ဖမ်းဆီးခေါ်ဆောင်သွားတယ်လို့ သိရပါတယ်။

9 months Ago
More News
Up