ဝါရှင်တန်ဒီစီ

November 16, 2020

ဝါရှင်တန်ဒီစီ၌ သမ္မတဒေါ်နယ်ထရမ့် ထောက်ခံသူများနှင့် တန်ပြန်ဆန္ဒပြသူများ ရန်ပွဲဖြစ် 

အမေရိကန်နိုင်ငံရဲ့ မြို့တော် ဝါရှင်တန်ဒီစီမှာ အမေရိကန်သမ္မတ ဒေါ်နယ်ထရမ့်ကို ထောက်ခံဆန္ဒပြသူတွေနဲ့ တန်ပြန်ဆန္ဒပြသူတွေကြား နိုဝင်ဘာ ၁၄ မှာ ရန်ပွဲဖြစ်ခဲ့လို့ လူ ၁ ယောက် ဓားထိုးခံရပြီး လူ ၁၀ ယောက်ထက်မနည်း အဖမ်းခံရပါတယ်။ ဝါရှင်တန်မြို့လယ်ကောင်တလျှောက် ချီတက်ပွဲမှာ ထရမ့်ကို ထောက်ခံသူ ထောင်သောင်းချီ ပါဝင်ချီတက်ခဲ့ပြီး ထရမ့်ရဲ့ လေသံအတိုင်း ရွေးကောက်ပွဲမှာ မသမာမှုတွေ ရှိတယ်လို့ သံယောင်လိုက် ကြွေးကြော်ကြပါတယ်။ ဓားထိုးခံရတဲ့သူကို ကုသရေးဌာနဆီ ပို့ထားပြီးပြီလို့ မီးသတ်နဲ့ အရေးပေါ် ဆေးဘက်ဌာန ပြောခွင့်ရက ပြောပါတယ်။ ထရမ့်ကို ထောက်ခံသူတွေထဲက တချို့က နံပါတ်တုတ်တွေ ကိုင်လာပြီး တန်ပြန် ဆန္ဒပြသူတွေနဲ့ ည ၈ နာရီလောက်မှာ ထိပ်တိုက်တွေ့ ရန်ဖြစ်ခဲ့တာလို့ သဝါရှင်တန်ပို့စ် သတင်းစာက ရေးပါတယ်။ တိုက်ခိုက်မှု ၂ မှု၊ အရာရှိကို တိုက်ခိုက်မှု ၁ မှုနဲ့ လက်နက်ကိုင် စည်းမျဉ်းချိုးဖောက်မှု ၄ မှု အပါအဝင် အမှုတွေနဲ့ လူ ၁၀ ယောက်ကို မွန်းလွဲပိုင်းမှာ ရဲဌာနက ဖမ်းထားတယ်လို့ မြို့ရဲ့ ရဲဌာန ပြောခွင့်ရက ရိုက်တာ သတင်းဌာနကို ပြောပါတယ်။
5 months Ago
Up