ဝမ်းတွင်းမြို့

June 23, 2022

ဝမ်းတွင်းမြို့နယ်တွင် စစ်ကောင်စီတပ် မိုင်းဆွဲတိုက်ခိုက်ခံရ

မန္တလေးတိုင်း၊ မိတ္ထီလာခရိုင်၊ ဝမ်းတွင်းမြို့နယ် ကြွက်ကန်ကျေးရွာ အရှေ့ဘက်မှာ ရွာငံမြို့နယ် သဘာဝပတ်ဝန်းကျင်နဲ့ သားငှက်တိရစ္ဆာန်ထိန်းသိမ်းရေး ဦးစီးဌာနမှ ဦးစီးမှူး မင်းခိုင်ဦးကို သေနတ်နဲ့ ပစ်သတ်ခဲ့ပြီး အလောင်းလာကောက်တဲ့ စစ်ကောင်စီတပ်ဖွဲ့ဝင်တွေကို မိုင်းဆွဲ တိုက်ခိုက်ခဲ့တယ်လို့ Wundwin Township Revolution Force (WTRF) က ထုတ်ပြန်ပါတယ်။

ဦးစီးမှူး မင်းခိုင်ဦးကို ဇွန် ၂၂ ရက် မွန်းတည့် ၁၂ နာရီလောက်က သေနတ်နဲ့ ပစ်ခတ်ရှင်းလင်းခဲ့ရာ နေရာမှာတင် သေဆုံးတယ်လို့ သိရပါတယ်။

ဒါ့အပြင် ညနေ ၃ နာရီလောက်မှာ ဦးစီးမှူးရဲ့အလောင်းကို လာသယ်တဲ့ စစ်ကောင်စီတပ်ဖွဲ့ဝင် ၆ ဦးပါတဲ့ ကားကို ဝမ်းတွင်းမြို့နယ် ရွဲသီးကျေးရွာအနီးမှာ မိုင်းဆွဲတိုက်ခိုက်ခဲ့ပြီး ကားမီးလောင်ပျက်စီးကာ ကားပေါ်ပါလာတဲ့ ၆ ဦးလုံး သေဆုံးသွားတယ်လို့ ထုတ်ပြန်ချက်ထဲမှာ ဖော်ပြထားပါတယ်။

“ဗိုလ်ကြီးရာထူးနဲ့ တပ်မှအသွင်ပြောင်းလာသူ ရွာငံမြို့နယ် သဘာဝပတ်ဝန်းကျင်နဲ့ သားငှက်တိရစ္ဆာန် ထိန်းသိမ်းရေးဦးစီးဌာန ဦးစီးမှူး မင်းခိုင်ဦးဟာ ရှမ်းပြည်နယ်အတွင်းမှာ နေထိုင်တဲ့ တော်လှန်ရေးအင်အားစုတွေနဲ့ သစ်ခုတ်ပြည်သူတွေကို စစ်ကောင်စီနဲ့ ပူးပေါင်းပြီး ပျူစောထီးတွေဖွဲ့စည်းကာ သစ်တောအရာရှိတွေ အသွင်ယူ တောင်ပေါ်အနှံ့ဖြန့်ကျက်ပြီး အမျိုးမျိုးထောက်လှမ်းရှာဖွေ ဒုက္ခပေးတာကြောင့် သုတ်သင်ရှင်းလင်းခဲ့တာ” လို့ WTRF အဖွဲ့က ပြောပါတယ်။

2 days Ago

June 18, 2022

ဝမ်းတွင်းမြို့ အထည်စက်ရုံတွင် အမျိုးသား ၁ ဦး ဓာတ်လိုက်သေဆုံး

မန္တလေးတိုင်း၊ ဝမ်းတွင်းမြို့ အမှတ်(၂)ရပ်ကွက် အထည်စက်ရုံတရုံမှာ ဇွန် ၁၇ ရက် မနက်ပိုင်းက ဓာတ်လိုက်သေဆုံးသွားတယ်တယ်လို့ ဒေသခံတွေထံက သိရပါတယ်။

ဓာတ်လိုက်သေဆုံးခဲ့သူဟာ အသက် ၃၉ နှစ် အရွယ် ကိုအောင်နိုင် ဖြစ်ပြီး  ရေစိုနေတဲ့လက်နဲ့ လျှပ်စစ်မီးခလုတ်ဖွင့်ရာကနေ သေဆုံးခဲ့တာလို့ ဒေသခံတဦးကပြောပါတယ်။  

"လက်ကလည်း ရေစိုနေတယ် ခြေထောင်ကလည်း မြေကြီးနဲ့ ထိနေတော့ ဓာတ်လိုက်တာ နေရာတင် သေဆုံးတယ်။ မီးလာတဲ့အချိန် အလုပ်ပြီးအောင် လုလုပ်နေရတော့ အမှုမဲ့ အမှတ်မဲ့ ဖြစ်သွားပုံရတယ်။ မျက်နှာနဲ့ ကြောပြင်တွေ ညိုမဲ ဒဏ်ရာတွေ ရကုန်တယ်။ ပရဟိတအဖွဲ့တွေကပဲ ဆေးရုံပို့ပေးတယ်။"

ကိုအောင်နိုင်သေဆုံးတာ ဓမ္မတာအတိုင်း ဟုတ်မဟုတ် ဝမ်းတွင်းမြို့မရဲစခန်းမှာ သေမှုသေခင်း အမှုဖွင့်ပြီး စုံစမ်းစစ်ဆေးနေပါတယ်။

7 days Ago
More News
Up