ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနက CDM လုပ်နေကြတဲ့အရာထမ်း၊ အမှုထမ်း ၆၃ ဦးကို တာဝန်ကနေ ယာယီရပ်ဆိုင်းကြောင်း မတ်လ ၂၂ ရက်နေ့ရက်စွဲနဲ့ တရားမဝင်စစ်ကောင်စီက ထုတ်ပြန်ပါတယ်။
အဲ့ဒီ အရာထမ်း၊ အမှုထမ်း ၆၃ ဦးဟာ လုံလောက်သော အကြောင်းပြချက်မရှိပဲ တာဝန်ချိန်ပျက်ကွက်ခြင်း၊ ခွင့်စည်းကမ်းကိုဖောက်ဖျက်ပြီးခွင့်မဲ့ပျက်ကွက်နေခြင်းဆိုတဲ့ အကြောင်း ပြချက်နဲ့ တာဝန်မှရပ်ဆိုင်းတာဖြစ်တယ်လို့ ဖော်ပြထားပါတယ်။
တာဝန်မှရပ်ဆိုင်းခံရသူတွေထဲမှာ ဒုတိယညွှန်ကြားရေးမှူး၊ လက်ထောက်ညွှန်ကြားရေမှူး၊ ဦးစီးအရာရှိများ၊ ဒုဦးစီးမှူးများကနေ ရုံးအကူထိ စုစုပေါင်း ၆၃ဦးဖြစ်ပါတယ်။
