.ဝန်ထမ်း

A d v e r t i s e m e n t With Us

February 4, 2021

အာဏာဖီဆန်ရေးလှုပ်ရှားမှုတွင် ပါဝင်သည့် ပြည်သူ့ဝန်ထမ်းများကို We Support Heroes ကူညီ မည်

       လတ်တလော စစ်တပ်ရဲ့ အာဏာသိမ်းလုပ်ရပ်ကို ကန့်ကွက်ရှုတ်ချတဲ့ အနေနဲ့ အာဏာဖီဆန်ရေးလှုပ်ရှားမှု(Civil Disobedience Movement)မှာ ပါဝင်နေကြတဲ့  ပြည် သူ့ဝန်ထမ်းတွေမှာ ကြုံတွေ့လာရနိုင်တဲ့ အခက်အခဲတွေကို We Support Heroes က ကူညီပေး သွားဖို့ ရှိနေပါတယ်။

       ဒီလှုပ်ရှားမှုမှာ ပါဝင်တဲ့ ပြည်သူ့ဝန်ထမ်းတွေအနေနဲ့ နေရေး၊ စားရေး အခက်အခဲ ဖြစ်လာခဲ့ရင် ဖော်ပြပါ ဖေ့စ်ဘွတ်ခ်အင်တာနက်လူမှုကွန်ရက်စာမျက်နှာ- https://m.facebook.com/We-Support-Heroes-177800567082406/ လင့်ခ်ကတဆင့် ဆက်သွယ်နိုင်တယ်လို့ ဆိုပါတယ်။

       ဖေဖေါ်ဝါရီလ ၁ ရက်နေ့  မနက်အစောပိုင်းက နိုင်ငံတော် သမ္မတ ဦးဝင်းမြင့်၊  နိုင် ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင်ပိုင်းတချို့ကို စစ် တပ်ကဖမ်းဆီးလိုက်ကာ နိုင်ငံတော်အာဏာသိမ်းယူလိုက်ပြီးနောက်တနေ့မှာပဲ ဒီလှုပ်ရှား မှုကို ဆေးလောကသားတွေက စတင်ခဲ့တာဖြစ်ပြီး လက်ရှိမှာတော့ တခြားကဏ္ဍအသီး သီးက ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်းပါဝင်လှုပ်ရှား နေကြတာ ဖြစ်ပါတယ်။

       တက်ကြွလှုပ်ရှားသူတဦးဖြစ်တဲ့ အဆိုတော် လင်းလင်းရဲ့ ဖေ့စ်ဘွတ်ခ်အင်တာနက် လူမှုကွန်ရက်ပေါ်မှာတော့ ပြည်သူ့ဝန်ထမ်းတွေအနေနဲ့ နေရေး၊ စားရေး အခက်အခဲတွေ အကူအညီပေးရေးနဲ့ ပတ်သက်ပြီး ခုလိုရေးသားမျှဝေထားခဲ့တာကို တွေ့ရပါတယ်။

       “နေစရာ, စားရာအတွက် ကျနော်တို့ အတက်နိုင်ဆုံး ပြင်ဆင်ဆောင်ရွက်နေပါ တယ်။ အလှူငွေများကိုတော့ လက်မခံသေးပါ။ Civil Disobedience Movement မှာ မ တရားမှုကိုဆန့်ကျင်သော ပြည်သူ့ဝန်ထမ်းများနှင့်အတူ အမြဲရပ်တည်ပါတယ်”

3 weeks Ago

January 29, 2021

ထိုင်းနိုင်ငံတွင် ဝန်ထမ်း ၁၁ သန်းကို ကိုဗစ်ထောက်ပံ့ကြေး ဘတ်ငွေ ၄,၀၀၀ စီ ပေးမည်

ထိုင်းနိုင်ငံမှာ လူမှုဖူလုံရေးအစီအစဉ်အောက်က ကိုဗစ်-၁၉ ကပ်ဘေးသင့် ပုဂ္ဂလိက ဝန်ထမ်းတွေကို ဘတ် ၄,၀၀၀ စီ ထောက်ပံ့ကြေးပေးသွားဖို့ ရှိနေတယ်လို့ အလုပ်သ မားဝန်ကြီးဌာန ဝန်ကြီး ဆူချာတ်ချုံကလင်က ပြောပါတယ်။

       ဒီထောက်ပံ့ငွေကိုတော့ အစိုးရအဖွဲ့ရဲ့ အတည်ပြုချက်ရပြီးတာနဲ့ မကြာခင်မှာပဲ အမြန်ဆုံး ပေးအပ်သွားမှာဖြစ်တယ်လို့ ဆိုပါတယ်။

       ထိုင်းလူမှုဖူလုံရေးအက်ဥပဒေပုဒ်မ ၃၃ အရ ဒီထောက်ပံ့ကြေးကို ခံစားခွင့်ရရှိတဲ့ ပုဂ္ဂလိကကုမ္ပဏီ၀န်ထမ်း ၁၁ သန်းရှိနေတယ်လို့ ဆိုပါတယ်။

       ဒီအကူအညီဟာ လနဲ့ချီပြီး ကိုဗစ်-၁၉ အကျပ်အတည်းကြား ရင်ဆိုင်ခဲ့ရတဲ့ လုပ်ငန်းတွေက အလုပ်သမားတွေ၊ ဝန်ထမ်းတွေအတွက် ထောက်ပံ့ပေးနိုင်ဖို့ ထိုင်းဝန်ကြီးချုပ် ပရာယွတ်ချန်းအိုချာရဲ့ ကနဦးညွှန်ကြားချက်ဖြစ်တယ်လို့ ဆူချာတ်က ပြောပါတယ်။

       ကိုဗစ်-၁၉ ကပ်ဘေးကာလအတွင်း အလုပ်သမားတွေ တော်တော်များများဟာ လုပ်ခလစာတွေ လျှော့ချခံရတာတွေလည်း ရှိနေတာပါ။

       ဒီထောက်ပံ့ကြေးရရှိဖို့အတွက် ဝန်ထမ်းအလုပ်သမားအနေနဲ့ ထိုင်းနိုင်ငံသားဖြစ်ရ မှာဖြစ်ပြီး ဘဏ်အပ်ငွေ ဘတ် ၅ သိန်းထက်မကျော်လွန်သူ ဖြစ်ရမယ်လို့ ဆိုပါတယ်။

4 weeks Ago
Up