ဝန်ထမ်း

November 5, 2021

ထီးလင်းမြို့နယ် ထွေအုပ်နှင့် ဌာန ၄ ခုက ဝန်ထမ်းများ နုတ်ထွက်

မကွေးတိုင်း ထီးလင်းမြို့နယ်က အထွေထွေအုပ်ချုပ်ရေးဦးစီးဌာနက ရပ်ကျေးစာရေးဝန်ထမ်းတွေ အပါအဝင် ဌာနဆိုင်ရာ ၄ ခုက ဝန်ထမ်းတွေဟာ အခုလ နိုဝင်ဘာလဆန်းပိုင်းကစလို့ နုတ်ထွက်သွားကြတယ်လို့ သိရပါတယ်။

နုတ်ထွက်သွားကြတဲ့ ဝန်ထမ်းတွေဟာ မြို့နယ်ထွေ/အုပ်ရုံးက ရပ်ကျေးစာရေးတွေ၊ ပြည်သူ့ဆေးရုံက ကျန်းမာရေးဝန်ထမ်းတွေ၊ ပညာရေးဌာနက ဆရာ၊ ဆရာမတွေနဲ့ ကျေးလက်ရုံး ဝန်ထမ်းတွေ ဖြစ်ကြတယ်လို့ သိရပါတယ်။

မြို့နယ်ထွေအုပ်ရုံးနဲ့နီးစပ်သူတဦးက “ရပ်ကျေးစာရေးတွေ ထွက်စာတင်ကြတာ ၂၀ ကျော်ရှိတယ်။ နောက်ထပ်လည်း ထွက်ကြဦးမယ်။ ဝန်ထမ်းတွေလည်း အကြမ်းဖက်စစ်တပ်ရဲ့ဒဏ်ကို မခံနိုင်ကြ တော့ဘူး” လို့ ပြောပါတယ်။

ထီးချိုင့်ပြည်သူ့ဆေးရုံက ဆရာဝန်အပါအဝင် ကျန်းမာရေးဝန်ထမ်းအားလုံးနီးပါး နုတ်ထွက်သွား ကြတာကြောင့် ဆေးရုံပိတ်ထားတယ်လို့လည်း သိရပါတယ်။

''ဆရာဝန်နဲ့ ဆေးရုံဝန်ထမ်းတွေအကုန်နီးပါး အလုပ်ကနေနုတ်ထွက်သွားကြလို့တဲ့ ဆေးရုံ ပိတ်ထားတာမြင်ခဲ့တယ်။ ကျောင်းဆရာမတွေနဲ့ ကျေးလက်ရုံးကစာရေးတွေလည်း နုတ်ထွက်စာ တင်သွားကြတယ်လို့ သိထားရတယ်” လို့ ထီးချိုင့်မြို့ခံတဦးက ပြောပါတယ်။

နုတ်ထွက်သွားကြတဲ့ မြို့နယ်ပညာရေးဌာနက ပညာရေးဝန်ထမ်းတွေနဲ့ ကျေးလက်ရုံးတွေက ဝန်ထမ်းအင်အားစာရင်း ကိုသိရှိနိုင်ဖို့ ဒီဗွီဘီက ဆက်လက်စုံစမ်းနေပါတယ်။

ဂန့်ဂေါ၊ ကျော၊ ထီးလင်း၊ ကျောက်ထု၊ ဆော မြို့နယ် ၅ ခုက စစ်ကောင်စီ ဒေါက်က်တိုင်ဌာနဆိုင်ရာရုံးတွေမှာ ရုံးတက်နေတဲ့ ဝန်ထမ်းတွေကို နိုဝင်ဘာ ၅ ရက် နောက်ဆုံးထားပြီး နုတ်ထွက်ကြဖို့ Yaw Defense Force (YDF) က နိုဝင်ဘာ ၁ ရက်က ထုတ်ပြန်ကြေညာပြီးနောက်ပိုင်း အခုလို နုတ်ထွက်ကြတာလို့  ဒေသခံတွေဆီက သိရပါတယ်။

ထီးလင်းမြို့နယ်၊ လောင်းဘို (ချောင်းပေါက်)  ကျေးရွာမှာနေထိုင်တဲ့ ထွေ/အုပ်စာရေး ကိုချမ်းသာ ရဲ့ အမျိုးသမီးနဲ့ ၁၀ နှစ်အရွယ်သားဖြစ်သူတို့ဟာလည်း  ဇူလိုင် ၂၈ ရက်က အသတ်ခံရတယ်လို့ သိရပါတယ်။

4 weeks Ago

October 16, 2021

ကိုဗစ်ကာကွယ်ဆေးမထိုးချင်သည့် Boeing လေယာဉ်ကုမ္ပဏီဝန်ထမ်းများ ဆန္ဒပြ

Boeing လေယာဉ်ကုမ္ပဏီ၀န်ထမ်း ၂၀၀ လောက်ဟာ လေယာဉ်ကုမ္ပဏီက  ကိုဗစ်-၁၉ ကာကွယ်ဆေးထိုးခိုင်းနေတဲ့အပေါ် အောက်တိုဘာ ၁၅ ရက် က ဆန့်ကျင်ကန့်ကွက် ဆန္ဒပြခဲ့ကြပါတယ်။ 

အမေရိကန် အလုပ်သမားတွေအတွက် သမ္မတဂျိုးဘိုင်ဒန် ထုတ်ပြန်တဲ့အမိန့်အရ ဒီဇင်ဘာ ၈ ရက် နောက်ဆုံးထားပြီး သူ့၀န်ထမ်း ၁၂၅၀၀၀ ကို ကိုဗစ်ကာကွယ်ဆေးထိုးဖို့ လိုအပ်လိမ့်မယ်လို့ Boeing ကုမ္ပဏီက ပြောကြားထားတာဖြစ်ပါတယ်။

ခုသီတင်းပတ်အစောပိုင်းမှာ Boeing ကုမ္ပဏီဝန်ထမ်းတွေဟာ ကာကွယ်ဆေးထိုးထားတဲ့ အထောက်အထားပြမပြနိုင်ရင် မသန်စွမ်းမှုတခုခု ဒါမှမဟုတ် ဘာသာရေးဆိုင်ရာ ယုံကြည်ချက်တခုခုကို အခြေခံတဲ့ ကျိုးကြောင်းဆီလျော်တဲ့ ထောက်ခံချက်တခုခုကို ဒီဇင်ဘာ ၈ ရက် နောက်ဆုံးထားပြီး ပြသနိုင်ရမယ်လို့ ပြောထားပါတယ်။ 

ဆန္ဒပြပွဲမှာ ၀န်ထမ်းအတော်များများကတော့ သူတို့ ကင်းလွတ်ခွင့်တွေ လျှောက်ထားတယ်လို့ ပြောပါတယ်။ 

လုပ်သက် အနှစ် ၂၀ လောက်ရှိတဲ့ ဘိုးအင်းနည်းပညာဒီဇိုင်းပညာရှင်တယောက်ကတော့ ကိုဗစ်-၁၉ ကာကွယ်ဆေးထိုးရမှာထက်စာရင် အလုပ်သစ်တခုပဲ ရှာလိုက်တော့မယ်လို့ ဆိုပါတယ်။

နောက်တယောက်ကလည်း  မဖြစ်မနေ ဆေးထိုးခိုင်းရင်တော့ စောစော အငြိမ်းစားယူလိုက်တော့မယ်လို့ ပြောပါတယ်။ 

Boeing ကုမ္ပဏီ ပြောရေးဆိုခွင့်ရှိသူကတော့ ဒီကိစ္စ မှတ်ချက်ပေးဖို့ တောင်းဆိုချက်ကို ချက်ချင်း မတုံ့ပြန်သွားပါဘူး။ 

အမေရိကန်လူဦးရေအတော်များများက လုံခြုံစိတ်ချရပြီး ကျယ်ကျယ်ပြန့်ပြန့်ရနိုင်တဲ့ ကာကွယ်ဆေးတွေ အထိုးမခံဘဲ ဆက်လက်တင်းခံနေကြတာကြောင့် ဘိုင်ဒန်အစိုးရအဖွဲ့ဟာ ကိုရိုနာဗိုင်းရပ်စ် ကူးစက်ရောဂါကို အနိုင်ယူဖို့ ရုန်းကန်နေရပါတယ်။ 

2 months Ago
More News
Up