ဝန်ကြီးချုပ်နေရာ

September 9, 2021

ဂျပန်ဝန်ကြီးချုပ်နေရာအတွက် ဂျပန်လွှတ်တော်အမတ် ဆာနာအဲတာ့ခအိချိ ဝင်ပြိုင်မည်

ဂျပန်ဝန်ကြီးချုပ် ယိုရှိဟိဒဲစုင ရဲ့နေရာကို ဆက်ခံဖို့ လက်ရှိအာဏာရ လစ်ဘရယ်ဒီမိုကရက်ပါတီရဲ့ ခေါင်းဆောင် နေရာကို ဝင်ပြိုင်မယ်လို့ ဂျပန်လွှတ်တော်အမတ် ဆာနာအဲတာ့ခအိချိက တရားဝင် ကြေညာလိုက်ပါတယ်။

ဝန်ကြီးချုပ်ဟာ ပါတီခေါင်းဆောင် နေရာကနေ ဆင်းပေးတော့မယ်လို့ အရင်သီတင်းပတ်က ကြေညာခဲ့တာပါ။

တာခအိချိကတော့ ပြည်ထဲရေးဝန်ကြီးဟောင်းလည်းဖြစ်ပြီး ဝန်ကြီးချုပ်ဟောင်း ရှင်ဇိုအာဘေးရဲ့ အနီးကပ် လက်ထောက်လည်း ဖြစ်ခဲ့ဖူးပါတယ်။ သူကတော့ ဂျပန်နိုင်ငံရဲ့ ပထမဆုံး အမျိုးသမီး ခေါင်းဆောင်ဖြစ်ဖို့ ရည်မှန်းထားသူပါ။

စက်တင်ဘာ ၂၉ ရွေးကောက်ပွဲမှာ နိုင်ငံခြားရေးဝန်ကြီးဟောင်း ဖှုမိအို ခိရှိဒါ့နဲ့ ယှဉ်ပြိုင်ရမှာ ဖြစ်ပါတယ်။ တာခအိချိကတော့ လုံခြုံရေး အားဖြည့်ပြီး ကိုဗစ်-၁၉ ကပ်ဘေးသင့် စီးပွားရေး မြှင့်တင်ရာမှာ ကူညီမယ့် မူဝါဒကို စိန်ခေါ်နေပါတယ်။

သူဟာ ဂျပန်ဘဏ်ရဲ့ ၂ ရာခိုင်နှုန်း ငွေကြေး ဖောင်းပွနှုန်းကို ကာမိစေမယ့် ပင်မရသုံးမှန်းခြေငွေ စာရင်း ဟန်ချက်ညီရေး ပန်းတိုင်ကို စိုက်ထူမယ်လို့လည်း ပြောပါတယ်။

အာဏာရပါတီ ရွေးကောက်ပွဲ အနိုင်ရသူဟာ ဂျပန်ရဲ့ ဝန်ကြီးချုပ်အသစ် ဖြစ်လာမယ်လို့ ရိုက်တာ သတင်းဌာနက ဖော်ပြပါတယ်။

2 months Ago
Up