ဝင်းနှင့်ဇော် လွတ်မြောက်ရေးအတွက် ထိုင်းဘုရင်ထံအသနားခံစာပေးပို့ ဆုတောင်းပွဲပြုလုပ်

October 25, 2019

ဝင်းနှင့်ဇော် လွတ်မြောက်ရေး ထိုင်းဘုရင်ထံ အသနားခံစာတင် 

ထိုင်းတောင်ပိုင်း၊ စူရတ်ဌာနီခရိုင်၊ ခိုတောင်ကျွန်း ခေါ် လိပ်ကျွန်းမှာ လွန်ခဲ့တဲ့ ၅ နှစ်က ဗြိတိန်နိုင်ငံသား နှစ်ယောက် အသတ်ခံရတာနဲ့ပတ်သက်ပြီး သေဒဏ်ပေးခံထားရတဲ့ မြန်မာလူငယ် ၂ ဦး လွတ်မြောက်ဖို့  ကာယကံရှင်နဲ့ မိသားစုဝင်တွေ၊ မြန်မာအဖွဲ့အစည်းတွေက ထိုင်းဘုရင်ကြီးထံ အသနားခံစာ တင်သွင်းခဲ့ကြပါတယ်။  အဆိုပါ အသနားခံစာကို လူငယ် ၂ ဦးရဲ့ မိခင်နဲ့ မိသားစုဝင်တွေ၊ ထိုင်းမြန်မာသံရုံး ကမြန်မာသံမှူး၊ ထိုင်းရှေ့နေများကောင်စီအဖွဲ့ဝင်၊ မြန်မာရွှေ့ပြောင်းလုပ်သားအဖွဲ့အစည်း ခေါင်းဆောင် အပါအဝင် စုစုပေါင်း လူ ၁၀ ဦးခန့်က အောက်တိုဘာ ၂၄ ရက် မနက်ပိုင်းမှာ ဘန်ခွမ်အကျဥ်းထောင်က ထောင်ပိုင်ကြီးထံ ပေးအပ်ခဲ့ကြတယ်လို့ အသနားခံစာ တင်ရာမှာ ပါဝင်ခဲ့တဲ့ ရှေ့နေဦးအောင်မျိုးသန့်က ဒီဗွီဘီကို ပြောပါတယ်။  “မနေ့ မနက် ၁၁ နာရီလောက်မှာ အသနားခံစာတင်ပြီးသွားပါတယ်။ အဲဒီမတိုင်ခင်  အသနားခံစာကို ထောင်ကျနေတဲ့ ကလေး နှစ်ယောက်ကို ဖတ်ပြတယ်၊ ရှင်းပြတယ်။ ပြီးတော့ သူတို့ သဘောတူညီချက်လက်မှတ်ထိုး ရပါတယ်။ ပြီးတော့ ထောင်ပိုင်ကြီးက လက်မှတ်ထိုး ယူတယ်။ ပြီးမှတရားရေးဌာနကို ဆက်တင်ပေးမယ်၊ တရားရေးဌာနက နေပြီးတော့မှ ဘုရင်မင်းမြတ်ထံ ပို့ပေးရမှာဖြစ်ပါတယ်ခင်ဗျ။” ဘုရင်မင်းမြတ်အနေနဲ့ လူငယ် နှစ်ယောက်ကို သက်ညှာစွာ လွတ်ငြိမ်းချမ်းသာ ခွင့်ပေးဖို့ အချက်အလက်တွေ စကားလုံး အသုံးအနှုန်းတွေကို ထိုင်းရှေ့နေများကောင်စီနဲ့ ၃-၄ ကြိမ် တိုင်ပင်ဆွေးနွေး ရေးသားခဲ့ရကြောင်း၊ အဓိကအားဖြင့် သူတို့ဟာ ငယ်ရွယ်သူတွေဖြစ်ကြောင်း၊ အနာဂတ်ရှိသူတွေဖြစ်ကြောင်း၊ နှစ်ယောက်လုံး ဖခင်မရှိတော့ဘဲ မိခင်တွေမှာ မုဆိုးမဖြစ်လို့ မိခင်နဲ့ မိသားစုကို စောင့်ရှောက်ဖို့ တာဝန်တွေရှိနေကြောင်း စတဲ့အကြောင်းအရာတွေ ထည့်သွင်းရေးသား ထားတယ်လို့ သူကဆက်ပြောပါတယ်။  အခုလို အသနားခံစာတင်လိုက်ခြင်းအားဖြင့် လွတ်ငြိမ်းချမ်းသာခွင့်ရမရ၊ ရရင်လည်း ဘယ်လို ဘယ်လောက်လျော့ပေါ့ပေးမလဲဆိုတာတော့ ခန့်မှန်းလို့မရကြောင်း အရာ အားလုံးဟာ ဘုရင်မင်းမြတ်ရဲ့ သနားကြင်နာမှုအပေါ် မူတည်နေတယ်လို့ ဦးအောင်မျိုးသန့်က ပြောသွားပါတယ်။  အဆိုပါ အသနားခံစာကို သေဒဏ်အပြစ်ပေးခံရတဲ့ လူငယ် ၂ ဦးဖြစ်တဲ့ ဇော်လင်းနဲ့ ဝင်းဇော်ထွန်းတို့ အနေနဲ့ အဓိကထား တောင်းခံထားပြီး ဝိုင်းဝန်းထောက်ခံကြတဲ့အဖွဲ့ အစည်းတွေကတော့ ထိုင်း-မြန်မာ သံရုံး အပါအဝင် စုစုပေါင်း ၆၀ လောက်ရှိပါတယ် ။  လွန်ခဲ့တဲ့ ၂၀၁၄ ခုနှစ်က ထိုင်းတောင်ပိုင်း လိပ်ကျွန်းရှိ စိုင်ရီကမ်းခြေမှာ အသက် ၂၄ နှစ်ရွယ်ရှိ ဒေးဗစ်မေလာ နဲ့ ၂၃ နှစ်ရွယ်ရှိ ဟန်နာဝစ်သာရစ်ဆိုသူ   ဗြိတိန်နိုင်ငံသား နှစ်ဦး ဒဏ်ရာတွေနဲ့ သေဆုံးခဲ့ကြပါတယ်။ အဆိုပါအမှုမှာ သေဆုံးသူတွေနဲ့ ရန်ဖြစ်ခဲ့တဲ့  ခိုတောင်ကျွန်း သူကြီးရဲ့သားနဲ့ အပေါင်းပါတသိုက် လက်ချက်လို့ ထိုင်းလူမှုကွန်ရက်တွေမှာ ပြောဆိုရေးသားခဲ့ကြပေမယ့်လည်း အ ခင်းဖြစ်တဲ့ညက အဲဒီနားမှာဂီတာတီးနေတဲ့ မြန်မာလူငယ် ၃ ဦးကို ရဲကဖမ်းလိုက်ပြီး ၁ ဦးကိုလွှတ်ပေးကာ  ဝင်းနဲ့ ဇော်ကို စွဲချက်တင်ခဲ့တာဖြစ်ပါတယ်။  မြန်မာလူငယ် ၂ ဦးက သူတို့မသတ်ရကြောင်း၊ ရဲက နှိပ်စက်ပြီးအတင်းဝ န်ခံခိုင်းတာဖြစ်ကြောင်းပြောဆိုပေမယ့်လည်း ကော့စမွီတရားရုံးက ၂၀၁၅ ခုနှစ် ဒီဇင်ဘာမှာ သေဒဏ်ပေးလိုက်ပါတယ်။  မြန်မာလူငယ် နှစ်ဦးဟာ လူသတ်မှုကျူးလွန်ကြောင်းအထောက်အထားမခိုင်လုံတဲ့အတွက် သူတို့လွတ်မြောက်ဖို့ မြန်မာအလုပ်သမားရေးဆောင်ရွက်နေတဲ့အဖွဲ့အစည်းတွေ၊ မြန်မာသံရုံးနဲ့ ထိုင်းရှေ့နေများကောင်စီ၊ မြန်မာဥပဒေအကြံပေးအဖွဲ့တွေက  အောက်ခြေတရားရုံးမှ ဗဟိုတရားရုံးချုပ်ထိ အဆင့်ဆင့် အယူခံတင်သွင်းပေးခဲ့ပေမယ့်လည်း ပယ်ချခံရတာကြောင့် နောက်ဆုံးအဆင့် ထိုင်းဘုရင်ထံ အသနားခံစာတင်သွင်းတာ ဖြစ်ပါတယ်။   
2 years Ago

September 26, 2019

ဝင်းနှင့်ဇော် လွတ်မြောက်ရေး ရန်ကုန်မြို့လယ်တွင် နေပူခံတကိုယ်တော်တောင်းဆို

ထိုင်းနိုင်ငံ လိပ်ကျွန်းလူသတ်မှုမှာ သေဒဏ်ကျခံနေရတဲ့ မြန်မာလူငယ် ဝင်းနှင့်ဇော် လွတ်မြောက်ရေးအတွက် ဒီကနေ့မနက်က ရန်ကုန်မြို့ မဟာဗန္ဓုလပန်းခြံရှေ့မှာ အမျိုးသား တဦးက နေပူခံတကိုယ်တော် ဆန္ဒထုတ်ဖော်နေပါတယ်။  Photo - Ye Myo Khant / MPA
ဝင္းႏွင့္ေဇာ္ လြတ္ေျမာက္ေရး ရန္ကုန္ၿမိဳ႕လယ္တြင္ ေနပူခံတကိုယ္ေတာ္ေတာင္းဆို DVB ထိုင္းႏိုင္ငံ လိပ္ကြၽန္းလူသတ္မႈမွာ ေသဒဏ္က်ခံေနရတဲ့ ျမန္မာလူငယ္ ဝင္းႏွင့္ေဇာ္ လြတ္ေျမာက္ေရးအတြက္ ဒီကေန႔မနက္က ရန္ကုန္ၿမိဳ႕ မဟာဗႏၶဳလပန္းၿခံေရွ႕မွာ အမ်ိဳးသား တဦးက ေနပူခံတကိုယ္ေတာ္ ဆႏၵထုတ္ေဖာ္ေနပါတယ္။ Photo - Ye Myo Khant / MPA
2 years Ago
Up