ဝင်ရောက်မှု

October 12, 2020

အမေရိကန်စစ်သင်္ဘောများ ရေပိုင်နက်ကျူးကျော် ဝင်ရောက်မှု ရပ်ဆိုင်းရန် တရုတ်သတိပေး

ရှီးရှကျွန်းတွေနားက တရုတ်ရေပိုင်နက်ထဲကို အမေရိကန်စစ်သင်္ဘော ဖြတ်ကျော်ခုတ်မောင်းအပြီးမှာ စစ်ရေးကျူးကျော်မှုတွေကို ရပ်ဆိုင်းဖို့ တရုတ်ပြည်သူ့လွတ်မြောက်ရေး တပ်မတော်တောင်ပိုင်းစစ်တိုင်းက အမေရိကန်ကို အောက်တိုဘာ ၉ ရက်နေ့မှာ တိုက်တွန်းလိုက်ပါတယ်။ ပဲ့ထိန်းဒုံးကျည်တွေကို ပစ်လွှတ်နိုင်တဲ့ USS ဂျွန်မက်ကိန်း ဖျက်သင်္ဘောဟာ ခွင့်ပြုချက် မရဘဲ တရုတ်ရေပိုင်နက်ထဲ ဝင်ရောက်ခဲ့တယ်လို့ တောင်ပိုင်းစစ်တိုင်းရဲ့ စစ်ဦးစီးမှူး ကျန်းနန်တုံက ဆိုပါတယ်။ ကျူးကျော်လာတဲ့ အမေရိကန်စစ်သင်္ဘောကို ခြေရာကောက်၊ ဘယ်သူဘယ်ဝါဆိုတာ ဖော်ထုတ်ပြီး ထွက်သွားဖို့ သတိပေးရေး တရုတ်ရေတပ်နဲ့ လေတပ်က တပ်ဖွဲ့တွေကို အမြန် တာဝန်ချခဲ့တယ်လို့လည်း သူက ပြောပါတယ်။ တရုတ်ရေပိုင်နက်ထဲကို အမေရိကန်စစ်သင်္ဘောတွေ ထပ်ခါတလဲ ကျူးကျော် ခုတ်မောင်းတာဟာ တရုတ်အချုပ်အခြာနဲ့ လုံခြုံရေးအကျိုးစီးပွားကို ချိုးဖောက်နေတယ်၊ ဒေသတွင်း တည်ငြိမ်ရေးကို ဆိုးဆိုးရွားရွား ဖျက်ဆီးနေတယ်လို့ ကျန်းက ပြောပါတယ်။ သြဂုတ်လနှောင်းပိုင်းကလည်း အမေရိကန် ပဲ့ထိန်းဒုံးကျည်တင် ဖျက်သင်္ဘော USS မတ်စ်တင်ဟာ ဒီဒေသထဲမှာတင်ပဲ တရုတ်ရေပိုင်နက်ကို ကျူးကျော် ဖြတ်သန်းခဲ့တယ်လို့ စီစီတီဗွီသတင်းဌာနက ပြောပါတယ်။ တရုတ်ဟာ တောင်တရုတ်ပင်လယ်ထဲက ကျွန်းတွေနဲ့ အနားကဒေသတွင်း ရေပိုင်နက်တွေ အပေါ် အငြင်းမပွားနိုင်လောက်တဲ့ အချုပ်အခြာ ရှိတယ်။ တပ်စခန်းဌာနချုပ်တွေအောက်က တပ်တွေဟာ တောင်တရုတ်ပင်လယ်အတွင်း ဒေသတွင်း ငြိမ်းချမ်းတည်ငြိမ်ရေးကို စောင့်ရှောက်ဖို့နဲ့ နိုင်ငံတော်အချုပ်အခြာကို ကာကွယ်ဖို့ အမြဲတမ်း မြင့်မြင့်မားမား တပ်လှန့်ထားတယ်လို့ သူက ဆက်ပြောပါတယ်။
1 year Ago

November 24, 2019

မြန်မာနိုင်ငံကို တရုတ်ခရီးသွားဝင်ရောက်မှု တိုးတက်လာ

မြန်မာနိုင်ငံကို တရုတ်ခရီးသွား ဝင်ရောက်မှုဟာ အခုနှစ်အတွင်းမှာ ၁၆၄ ရာခိုင်နှုန်းအထိ တိုးတက်လာခဲ့ပါတယ်။  ၂၀၁၈ အောက်တိုဘာလကနေ ၂၀၁၉ ခုနှစ် စတင်ဘာ ၃၀ ရက်အထိ တရုတ်နိုင်ငံသားတွေထဲက လေကြောင်းနဲ့လာတဲ့ ခရီးသည်တွေကို ဆိုက်ရောက်ဗီဇာ (visa on arrivel) ခွင့်ပြုပေးလိုက်တဲ့အတွက် တရုတ်ခရီးသွား ဝင်ရောက်မှု တိုးတက်လာခဲ့တာပါ။  ဟိုတယ်နှင့်ခရီးသွားလာရေးဝန်ကြီးဌာနရဲ့ ထုတ်ပြန်တဲ့စာရင်းအရ တရုတ်ခရီးသွား ဝင်ရောက်မှုဟာ အခုနှစ်ရဲ့ စတင်ဘာလအထိ ၁၆၄ ရာခိုင်နှုန်း တိုးတက်လာခဲ့တာဖြစ်ပါတယ်။  အနောက်နိုင်ငံက ခရီးသွားဝင်ရောက်မှု ကျဆင်းနေချိန်မှာ ဗီဇာကင်းလွတ်ခွင့်ပေးတာတွေ၊ တရုတ်ခရီးသွားတွေ ပိုဝင်ရောက်လာတာတွေက ပြည်တွင်းခရီးသွားလုပ်ငန်းတွေအတွက်တော့ အသက်ရှုချောင်ရတဲ့ ကိစ္စရပ်ပဲဖြစ်တယ်လို့ မြန်မာနိုင်ငံခရီးသွားလုပ်ငန်းရှင်များအဖွဲ့ချုပ် ဒုတိယဥက္ကဋ္ဌ ဦးဖြိုးဇော်ဝေက ပြောပါတယ်။ တရုတ်ခရီးသွားတွေ ပိုမိုဝင်ရောက်လာပေမယ့် ငွေကြေးအနည်းငယ်သာသုံးကြတဲ့ ဇီးရိုးဘတ်ဂျက်တွေ ဖြစ်ကြသလို စည်းကမ်းလိုက်နာမှု အားနည်းကြလို့ တရုတ်ခရီးသွားတွေအပေါ် ဝေဖန်တာတွေလည်း ရှိပါတယ်။  တရုတ်ခရီးသွားတွေထဲမှာ ဒီနိုင်ငံရဲ့ယဉ်ကျေးမှုတွေကို နားမလည်တဲ့သူတွေလည်း ပါလာနိုင်ပေမယ့် ပြင်ဆင်စရာရှိတာတွေ ပြင်ဆင်ထားမယ်ဆိုရင် လက်မခံနိုင်စရာ မရှိဘူးလို့ မြန်မာ့ခရီးသွားဘဏ် ဥက္ကဋ္ဌ ဦးရန်ဝင်းက ပြောပါတယ်။ ၂၀၁၉ ခုနှစ် စက်တင်ဘာလအထိ တရုတ်ခရီးသွားဝင်ရောက်မှုဟာ ၅၂၃၄၄၉ ဦး ဝင်ရောက်ခဲ့တာဖြစ်ပြီး အရင်နှစ်ရဲ့ ကာလတူ စာရင်းနဲ့နှိုင်းယှဉ်ရင် ၃ သိန်းကျော် ပိုမိုဝင်ရောက်ခဲ့တာ ဖြစ်ပါတယ်။  အဲ့ဒီအပြင် ဗီဇာကင်းလွတ်ခွင့်ပေးထားတဲ့ ကိုရီးယားနိုင်ငံက ခရီးသွား ၇၉ ရာခိုင်နှုန်းနဲ့ ဂျပန်နိုင်ငံက ခရီးသွား ၂၉ ရာခိုင်နှုန်းလည်း တိုးတက်လာခဲ့ပါတယ်။ သင်းသင်းဇော်
2 years Ago
Up