ဝက်ဖို့ဒ်

December 1, 2020

အက်ဖ်အေဖလား တတိယအဆင့်၌  အာဆင်နယ်က နယူးကာဆယ်၊ မန်ယူက ဝက်ဖို့ဒ်နှင့်တွေ့ဆုံ

အက်ဖ်အေဖလား တတိယအဆင့်ပွဲစဉ်တွေကို မဲခွဲဆုံးဖြတ်ခဲ့ရာမှာ လက်ရှိချန်ပီယံ အာဆင်နယ်က နယူးကာဆယ်နဲ့ တွေ့ဆုံနေပြီး မန်ယူက ဝက်ဖို့ဒ်နဲ့ တွေ့ဆုံနေပါတယ်။ စတုတ်စီးတီးနဲ့ လက်စတာ၊ အက်စ်တွန်ဗီလာနဲ့ လီဗာပူး၊ မန်စီးတီးနဲ့ ဘာမင်ဂမ် တို့ တွေ့ဆုံနေပြီး စပါးအင်းကတော့ အဆင့်–၈ လိဂ်က မရိမ်းအသင်းနဲ့ ထိပ်တိုက်တွေ့ဆုံခဲ့ပါတယ်။ တတိယအဆင့်ကို အဆင့်–၈ လိဂ်ကနေ ပထမဆုံးအကြိမ် တက်လှမ်းလာနိုင်ခဲ့တဲ့ မရိမ်းအသင်းဟာ မာဆေဆိုဒ် အခြေစိုက်ကလပ် ဖြစ်ပါတယ်။ တတိယအဆင့် မရောက်ခင်မှာ ဟက်ဗန့်နဲ့ ဝါးတားလိုဗီလီအသင်းကို အချိန်ပိုသွင်းဂိုးနဲ့ အနိုင်ယူပြီး ကျော်ဖြတ်လာခဲ့တာပါ။  စပါးနဲ့ ထိပ်တိုက်ဆုံခဲ့တာက မယုံကြည်နိုင်စရာကောင်းပြီး မော်ရင်ဟိုရဲ့ စပါးအသင်းက တောင့်တင်းတဲ့အသင်းကောင်းဖြစ်ပေမဲ့ အစွမ်းရှိသမျှ ကြိုးပမ်းကစားသွားမယ်လို့ မရိန်းနည်းပြက ပြောပါတယ်။
7 months Ago

July 24, 2020

ဝက်ဖို့ဒ်နှင့်နောက်ဆုံးပွဲကို အကောင်းဆုံးလူစာရင်းဖြင့်ကစားမည်ဟု အာဆင်နယ်နည်းပြပြော

တန်းဆင်းဇုန်က အသင်းတွေအတွက် ဝက်ဖို့ဒ်နဲ့ပွဲကို အကောင်းဆုံးကစားပြဖို့ တာဝန်ရှိ တယ်လို့ အာဆင်နယ်နည်းပြ အာတီတာက ပြောပါတယ်။  အာဆင်နယ်အသင်းဟာ ပရီးမီးယားလိဂ်နောက်ဆုံးပွဲစဉ်မှာ တန်းဆင်းဇုန်ထဲရောက်နေတဲ့ အဆင့် ၁၈ က ဝက်ဖို့ဒ်နဲ့ယှဉ်ပြိုင်ရမှာပါ။  လက်ကျန် ၁ ပွဲ အလိုမှာ နောဝှစ်ချ်က တန်းဆင်းသွားခဲ့ပေမဲ့ ဘုန်းမောက်၊ဝက်ဖို့ဒ်နဲ့ အက်စတွန်ဗီလာတို့က အပြိုင်ဖြစ်နေတာပါ။  အဆင့် ၁၇ က အက်စတွန်ဗီလာနဲ့အဆင့် ၁၈က ဝက်ဖို့ဒ်တို့ဟာ ရမှတ်တူနေပြီး အဆင့်၁၉ က ဘုန်းမောက်က ၃မှတ်အကွာနဲ့ ဖိအားပေးနေတာပါ။  တန်းမဆင်းရဖို့  နောက်ဆုံးပွဲစဉ်တွေဟာ အဲဒီအသင်း ၃ သင်းအတွက် အရေးပါနေတာ ဖြစ်ပါတယ်။  အာဆင်နယ်နည်းပြ အာတီတာကတော့ ဝက်ဖို့ဒ်နဲ့ပွဲစဉ်မှာ အကောင်းဆုံးလူစာရင်းနဲ့ ပွဲထွက်ပြီး ရလဒ်ကောင်းရအောင်ကစားဖို့ တာဝန်ရှိပြီး စိတ်ပိုင်းဆိုင်ရာအရ အဆင်သင့်မဖြစ်ဘူး ဆိုရင်တော့ ပြဿနာတစ်ခု ဖြစ်သွားနိုင်တယ်လို့ သုံးသပ်ပါတယ်။ နောက်ဆုံးပွဲစဉ်မှာ ဗီလာက ဝက်စ်ဟမ်း၊ဘုန်းမောက်က အဲဗာတန်နဲ့ ကစားသွားရမှာ ဖြစ်ပါတယ်။ 
11 months Ago
More News
Up