ဝက်ဖို့ဒ်

June 28, 2022

ပရိသတ်တောင်းဆိုမှုကြောင့် ကာတာနှင့် ခြေစမ်းပွဲကို ဝက်ဖို့ဒ်အသင်း ဖျက်သိမ်း

အင်္ဂလန်ကလပ် ဝက်ဖို့ဒ်အသင်းဟာ ရာသီကြိုခြေစမ်းပွဲစဉ်အဖြစ် ကာတာနိုင်ငံ လက်ရွေးစင်အသင်းနဲ့ ခြေစမ်းပွဲ ကစားဖို့စီစဉ်ထားပေမယ့် ပရိသတ်တွေရဲ့ တောင်းဆိုမှုကြောင့် ဖျက်သိမ်းလိုက်ပါတယ်။

ဝက်ဖို့ဒ်အသင်းဟာ လာမယ့်ဇူလိုင်လအတွင်းမှာ သြစတြီးယားနိုင်ငံမှာ ရာသီကြိုခြေစမ်းပွဲတချို့ကစားရင်း ကာတာအသင်းနဲ့ ခြေစမ်းဖို့စီစဉ်ခဲ့တာပါ။

ကာတာနိုင်ငံရဲ့ လူ့အခွင့်အရေးချိုးဖောက်မှုတွေကြောင့် ဝက်ဖို့ဒ်အသင်းပရိသတ်အဖွဲ့တဖွဲ့ဖြစ်တဲ့ Proud Hornet and Women of Watford အဖွဲ့က ခြေစမ်းပွဲစဉ်ကို ဖျက်သိမ်းဖို့ တောင်းဆိုခဲ့တာပါ။

ကာတာနိုင်ငံဟာ လူ့အခွင့်အရေး၊ လိင်တူချစ်ခင်မှုနဲ့ အမျိုးသမီးအခွင့်အရေးတွေကို ဖောက်ဖျက်ကျူးလွန်နေတယ်လို့ ဝက်ဖို့ဒ်ပရိသတ်အဖွဲ့က ထောက်ပြခဲ့ပြီး ကာတာနဲ့ ခြေစမ်းပွဲ စီစဉ်တဲ့အပေါ် အလွန်စိတ်ပျက်မိကြောင်း ထုတ်ပြန်ကြေညာခဲ့တာပါ။ 

အဲဒီနောက်မှာတော့ ဝက်ဖို့ဒ်အသင်းက ဖျက်သိမ်းဖို့ ဆုံးဖြတ်ခဲ့ပြီး ခြေစွမ်းပွဲကစားမယ့် အစီအစဉ်ဟာ နောက်ဆုံးအဆင့်အထိ မရောက်သေးကြောင်းနဲ့ အဲဒီလိုစီစဉ်မှုကို ပြန်လည်ရုပ်သိမ်းကြောင်း သတင်းထုတ်ပြန်ပေးခဲ့ပါတယ်။

ပရိသတ်တွေရဲ့အသံတွေကို နားထောင်ပေးတဲ့ အသင်းအတွက် လေးစားဂုဏ်ယူကြောင်း ပရိသတ်တွေက ပြန်လည် သတင်းထုတ်ပြန်ခဲ့ပါတယ်။

ဝက်ဖို့ဒ်အသင်းဟာ မနှစ်ကပရီးမီးယားလိဂ်မှာကစားခဲ့ပြီး တန်းဆင်းခဲ့ရတာကြောင့် ချန်ပီယံရှစ်ကို ဆင်းပြီး ကစားသွားရမှာဖြစ်ပါတယ်။

5 months Ago

February 27, 2022

ဝက်ဖို့ဒ်နှင့်ပွဲ အမှတ်ဆုံးရှုံးခဲ့သည့်အပေါ် မန်ယူနည်းပြ ရန်းနစ်ခ်ညည်းတွား

ဝက်ဖို့ဒ်အသင်းကို အနိုင်ရသင့်ပေမယ့် ၂ မှတ်ဆုံးရှုံးခဲ့ရပြန်ပြီလို့ မန်ယူနည်းပြ ရန်းနစ်ခ်က ညည်းတွားပြောဆိုသွားပါတယ်။ 

မန်ယူအသင်းဟာ ဝက်ဖို့ဒ်နဲ့ အိမ်ကွင်းပွဲစဉ်မှာ ဂိုးမရှိသရေသာ ကစားနိုင်ခဲ့ပြီး ချန်ပီယံလိဂ်ဝင်ခွင့်အတွက် ပိုပြီးရုန်းကန်ရတော့မှာပါ။ 

မန်ယူအသင်းဟာ အခုလလယ်ပိုင်းက ကစားခဲ့တဲ့ ဘန်လေ၊ ဆောက်သမ်တန်အသင်းတွေနဲ့ ပွဲစဉ်တွေမှာလည်း သရေရ လဒ်တွေနဲ့သာကျေနပ်ခဲ့ရပြီး အမှတ်တွေ ဆုံးရှုံးခဲ့ရပါတယ်။ 

ဝက်ဖို့ဒ်နဲ့ပွဲစဉ်မှာလည်း တစ်ပွဲလုံး ထိန်းချုပ်ကစားနိုင်ခဲ့လို့ အလွယ်တကူ အနိုင်ရသင့်ပေမယ့် အရေးပါတဲ့ ရမှတ် ၂ မှတ် ဆုံးရှုံး သွားခဲ့ရတယ်လို့ နည်းပြ ရန်းနစ်ခ်ကပြောပါတယ်။ 

“ကျနော်တို့ဟာ ဂိုးမသွင်းနိုင်ခဲ့တာကလွဲရင် ကျန်တာအကုန်လုပ်ဆောင်နိုင်ခဲ့တယ်။ ဂိုးသွင်းဖို့ လုံလောက်တဲ့ အခွင့်အရေးတွေလည်းရခဲ့တယ်။ ပထမပိုင်းမှာဆိုရင် လုံးဝကို ဂိုးရသင့်တဲ့အခွင့်အရေး ၄ ကြိမ်ရှိခဲ့တယ်။ အဆုံးသတ်မှာတော့ ကျနော်အမြဲတမ်းပြောခဲ့သလို ဂိုးပေါက်ရှေ့မှာ ပါးနပ်မှုမရှိခဲ့ပါဘူး။ ကံမကောင်းစွာနဲ့ပဲ ဒီလိုဖြစ်တာက တစ်ကြိမ်လည်းမကတော့ပါဘူး” လို့ နည်းပြရန်းနစ်ခ်က ပြောပါတယ်။ 

မန်ယူအသင်းဟာ အဆင့် ၄ နေရာမှာ ဆက်လက်ရပ်တည်နေပြီး အဆင့် ၅ နေရာက အာဆင် နယ်ထက် ၃ ပွဲပိုကစားထားပေမယ့် ရမှတ်၂ မှတ်သာကွာဟပါတယ်။ ဒါ့အပြင် ဝက်စ်ဟမ်း၊ စပါး အသင်းတွေထက်လည်း ပွဲပိုကစားထားပေမယ့် ရမှတ်သိပ်မကွာလို့ ဥရောပဝင်ခွင့်အတွက်ရုန်းကန် ရတော့မှာဖြစ်ပါတယ်။

9 months Ago
More News
Up