ဝက်စ်ဘရွန်း

A d v e r t i s e m e n t With Us

December 17, 2020

ဝက်စ်ဘရွန်းအသင်းနည်းပြ ဘီလစ် ထုတ်ပယ်ခံရ 

ခရိုအေးရှားသား နည်းပြ ဘီလစ်ဟာ ဝက်စ်ဘရွန်းအသင်းကို တန်းတက်အောင် လုပ်ဆောင်ပေးခဲ့ပေမဲ့ ပရီးမီးယားလိဂ်မှာ နိုင်ပွဲ တစ်ပွဲသာ ရခဲ့တာကြောင့် ရာထူးကနေ ထုတ်ပယ်ခံခဲ့ရပါတယ်။  ဝက်စ်ဘရွန်းနည်းပြ ထုတ်ပယ်ခံခဲ့ရတာနဲ့ပတ်သက်ပြီး ကလပ်အသင်းတွေဘက်က အချိန်ပေးသင့်တယ်လို့ မန်ယူနည်းပြ ဆိုးလ်ရှားက ပြောပါတယ်။  မန်ယူနည်းပြ ဆိုးလ်ရှားကတော့ ကလပ်အသင်းတွေအနေနဲ့ နည်းပြ တစ်ဦးကို ရေရှည်အတွက် စဉ်းစားသင့်တယ်လို့ တိုက်တွန်းခဲ့တာပါ။  ဘီလစ်ထုတ်ပယ်ခံခဲ့ရတဲ့အပေါ် အလွန်ဝမ်းနည်းမိပြီး တန်းတက်ခွင့်ရအောင် လုပ်ဆောင်ပေးခဲ့သူဖြစ်လို့ အကောင်းဆုံးလုပ်ဆောင်နိုင်ခဲ့တာဖြစ်တယ်လို့ ဆိုးလ်ရှားက ချီးကျူးပါတယ်။  ကလပ်အသင်းတွေဘက်က နည်းပြ တစ်ဦးကို ရေရှည်အတွက်ကြည့်ပြီး စိတ်ရှည်ပေးဖို့ မျှော်လင့်တယ်လို့လည်း ဆိုးလ်ရှားက မှတ်ချက်ပေးခဲ့ပါတယ်။ 
3 months Ago

December 16, 2020

ချဲလ်ဆီးက ဝုဒ်ကို (၁-၂)ဂိုးဖြင့်  ရှုံးနိမ့်၊  မန်စီးတီးက ဝက်စ်ဘရွန်းနှင့် ၁ ဂိုးစီ သရေကျ

ဒီနေ့ မနက်ပိုင်းက ယှဉ်ပြိုင်သွားတဲ့ ပရီးမီးယားလိဂ်ပွဲစဉ်မှာ ချဲလ်ဆီးက ဝုဗ်အသင်းကို (၁-၂ ) ဂိုးနဲ့ ရှုံးနိမ့်သွားပါတယ်။  အဲဗာတန်ကို ရှုံးနိမ့်ခဲ့ပြီးနောက် ဝုဗ်အသင်းကို ထပ်ပြီး ရှုံးခဲ့လို့ ချဲလ်ဆီးအသင်း ၂ ပွဲဆက် ရှုံးပွဲတွေ့ခဲ့တာ ဖြစ်ပါတယ်။  ပွဲချိန် ၄၉ မိနစ်မှာ ဂျရူးက ဦးဆောင်ဂိုးသွင်းခဲ့ပေမယ့် ဝုဗ်အသင်းက ပွဲချိန် ၆၆ မိနစ်မှာ ပိုဒန့်စ်က ချေပဂိုး၊ ပွဲပြီးခါနီးမှာ ပတ်ဒရိုနက်တို့က အနိုင်ဂိုးသွင်းယူခဲ့တာ ဖြစ်ပါတယ်။ ဝုဗ်အတွက်တော့ ၂ ပွဲဆက် ရှုံးပွဲတွေ့ခဲ့ပြီးနောက် နိုင်ပွဲပြန်လည်ရရှိခဲ့တာပါ။  ဒီပွဲ အရှုံးရလဒ်ကြောင့် ချဲလ်ဆီးအသင်းက အမှတ်ပေးဇယား အဆင့် ၅ နေရာမှာ ရပ်တည်နေပြီး ထိပ်ဆုံးက စပါး၊ လီဗာပူး တို့ထက် ၁ ပွဲပိုကစားထားပေမယ့် ၃ မှတ် ပြတ်သွားခဲ့ပါတယ်။  တခြားပွဲစဉ်မှာတော့ မန်စီးတီးအသင်းက ဝက်စ်ဘရွန်းနဲ့ ၁ ဂိုးစီ သရေကျသွားခဲ့ပါတယ်။  ပထမပိုင်းမိနစ် ၃၀ မှာ ဂွမ်ဒိုဂမ်က ဦးဆောင်ဂိုး သွင်းခဲ့ပေမယ့် ၄၃ မိနစ်မှာ နောက်ခံလူ ဒိုင်ယက်စ်က ကိုယ့်ဂိုးကိုယ် သွင်းယူမိခဲ့တာကြောင့် သရေရလဒ်နဲ့သာ မန်စီးတီး ကျေနပ်ခဲ့ရတာ ဖြစ်ပါတယ်။
3 months Ago
More News
Up