လွှတ်တင်

February 2, 2018

Soyuz-2 အာကာသယာဉ် ရုရှား လွှတ်တင်

ရုရှားနိုင်ငံဟာ ဆိုင်ယုဇ်-တူး (Soyuz-2) အာကာသယာဉ်ကို နိုင်ငံအရှေ့ဖျားမှာရှိတဲ့ အာကာသယာဉ်လွှတ်တင်ရေးစခန်းသစ်ကနေ ဖေဖော်ဝါရီလ ၁ ရက်နေ့က လွှတ်တင်လိုက်ပါတယ်။ အာကာသယာဉ်ကို  အာမာဒေသမှာရှိတဲ့ ဘော်စတိုချနီစခန်းကနေ လွှတ်တင်လိုက်တာပါ။ အဲဒီအာကာသယာဉ်မှာ ဂျာမနီနဲ့ အမေရိကန်နိုင်ငံက ဂြိုဟ်တု ၁၁ လုံး ပါသွားပါတယ်။ ပြီးခဲ့တဲ့နှစ် နိုဝင်ဘာလမှာ ဆိုင်ယုဇ်-တူး အာကာသ ယာဉ်ကို ရုရှား၊ နော်ဝေ၊ ဆွီဒင်၊ အမေရိကန်၊ ဂျပန်၊ကနေဒါနဲ့ ဂျာမနီနိုင်ငံတို့က မိုးလေ၀သ၊ သိပ္ပံ၊ သုတေသနနဲ့ စီးပွားရေးဆိုင်ရာ  ဂြိုဟ်တုတွေထဲ့ပြီး လွှင့်တင်ခဲ့ပေမယ့် မအောင်မြင်ခဲ့ပါဘူး။ အဲဒီလို မအောင်မြင်ခဲ့တာဟာ လူ့အမှားကြောင့်လို့ ရုရှားအာကာသ အာဏာပိုင်တွေက ပြောကြားခဲ့ပါတယ်။
3 years Ago

January 18, 2018

ဂျပန်အာကာသအေဂျင်စီမှ အာကာသဒုံးပျံ အောင်မြင်စွာ လွှတ်တင်

ဂျပန်နိုင်ငံ အာကာသအေဂျင်စီက Epsilon-3 အမည်ရှိ အာကာသဒုံးပျံကို ဇန်န၀ါရီ ၁၈ ရက်နေ့က  အောင်မြင်စွာ လွှတ်တင်နိုင်ခဲ့ပါတယ်။ အရှည် ၇၈ ပေရှိတဲ့ Epsilon-3 ဒုံးပျံဟာ ဂျပန်ရဲ့တတိယမျိုးဆက် ဒုံးပျံယာဉ်လည်းဖြစ်ပါတယ်။ အဲဒီဒုံးပျံကို ဂျပန်အပိုင် ASNARO-2 ဂြိုဟ်တု ပတ်လမ်းကြောင်းထဲ လွှတ်တင်ခဲ့တာလို့ ဂျပန်အာကာသ စူးစမ်းလေ့လာရေးအေဂျင်စီက ပြောပါတယ်။ အဆင့်သုံးဆင့်ပါဝင်တဲ့ Epsilon မျိုးဆက်သစ်ဒုံးပျံဟာ ပစ်လွှတ်တဲ့ ကုန်ကျစရိတ်ကို သုံးပုံတပုံအထိ လျှော့ချပေးနိုင်တယ်လို့ သိရပါတယ်။ ရာသီဥတုအခြေအနေကြောင့် အခုဒုံးပျံယာဉ်လွှတ်တင်မှုကို နှစ်ကြိမ်ထက် မနည်း ရွှေ့ဆိုင်းခဲ့ရတယ်လို့လည်း ရိုက်တာသတင်းမှာ ဖော်ပြထားပါတယ်။
3 years Ago
Up