လှည့်လည်အင်အားပြ

A d v e r t i s e m e n t With Us

October 24, 2020

ချောက်တွင် ပြည်ထောင်စုကောင်းကျိုးဆောင်ပါတီ လှည့်လည်အင်အားပြ (ဓာတ်ပုံ)

မကွေးတိုင်းဒေသကြီး ချောက်မြို့မှာ အောက်တိုဘာ ၂၃ ရက်နေ့ ညနေပိုင်းက ပြည်ထောင်စုကောင်းကျိုးဆောင်ပါတီ (UBP) က လှည့်လည်အင်အားပြခဲ့ပါတယ်။ ပြည်ထောင်စုကောင်းကျိုးဆောင်ပါတီက မော်တော်ယာဥ် အစီးရေ ၅၀၊ မော်တော်ဆိုင်ကယ် အစီးရေ ၄၀ ကျော်နဲ့ လူအင်အား ၅၀၀ လောက် ဝန်းရံပါဝင်ခဲ့တယ်လို့ သိရပါတယ်။ ပြည်ထောင်စုကောင်းကျိုးဆောင်ပါတီ တိုင်းဒေသကြီး လွှတ်တော် အမှတ်-၂ ကိုယ်စားလှယ်လောင်း ဦးတင့်ဝေက “တိုင်း ၁ ဘက်က ၅၀ လောက်၊ တိုင်း ၂ ဘက်က ၅၀ လောက်နဲ့ စထွက်တာ ကျန်တာတွေက ရွာဘက်က လူတွေလာပြီး ဝန်းရံကြတာ”လို့ ပြောပါတယ်။ နှင်းဆီပါတီ ဖျက်သိမ်းပြီးနောက်မှာ ချောက်မြို့နယ်အတွင်း နှင်းဆီပါတီ ဝန်းရံသူတွေက ပြည်ထောင်စုကောင်းကျိုးဆောင်ပါတီ မူဝါဒကိုကြိုက်လို့ ပူးပေါင်းလာဖို့ အစီအစဥ်ရှိသလို မဲဆန္ဒပေးဖို့လည်း ပြောဆိုတာတွေ ရှိတယ်လို့ ဆိုပါတယ်။ ပြည်ထောင်စုကောင်းကျိုးဆောင်ပါတီအနေနဲ့ ချောက်မြို့နယ်မှာ ပြည်သူ့လွှတ်တော် ကိုယ်စာလှယ်လောင်း ဒေါ်မိုးမိုးကြည်၊ အမျိုးသားလွှတ်တော် အမှတ် ၅ ဦးတင်ဝင်းနိုင်၊ တိုင်းဒေသကြီး ၁ မှာ ဦးချို(ခ)ဦးသောင်းတင်၊ တိုင်းဒေသကြီး အမှတ်-၂ မှာ ဦးတင့်ဝေတို့နဲ့ လေးနေရာလုံး ဝင်ရောက်အရွေးခံကြမှာ ဖြစ်ပါတယ်။
3 months Ago

October 8, 2020

အင်္ဂပူမြို့နယ်တွင် ကြံ့ခိုင်ရေးပါတီဝင်များနှင့် ထောက်ခံသူများ လှည့်လည်အင်အားပြ 

ဧရာဝတီတိုင်း၊ အင်္ဂပူမြို့နယ်မှာ ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီကို ထောက်ခံတဲ့ ပြည်သူတွေနဲ့ ပါတီဝင်တွေစုပေါင်းပြီး မြို့နယ်တွင်းမှာ လှည့်လည်အင်အားပြခဲ့ကြပါတယ်။ လှည့်လည် အင်အားပြသူတွေဟာ ဆိုင်ကယ်၊ မော်တော်ယာဉ်တွေနဲ့ စုပေါင်းပြီး အောက်တိုဘာ ၈ ရက်က လည်လှည့်ခဲ့ကြတာပါ။ "အဓိကတော့ အောင်နိုင်ရေးအတွက် အင်အားပြတာပါ။ ပါတီဝင်တွေနဲ့ပါတီကို ထောက်ခံတဲ့ ပြည်သူတွေစုပေါင်းပါဝင်ခဲ့ကြတာပါ"လို့ မြို့နယ် ပါတီတာဝန်ရှိသူတဦးက ပြောပါတယ်။ လူစုလူဝေးနဲ့ မဲဆွယ်စီတန်းလှည့်လည်တဲ့အပေါ် သဘောထားမှတ်ချက်မပေးလိုဘဲ ကျန်းမာရေးဝန်ကြီးဌာနက ထုတ်ပြန်ချက်အတိုင်း လိုက်နာပေးစေချင်တယ်လို့ အင်္ဂပူမြို့နယ် ကိုဗစ် ၁၉ ထိန်းချုပ်ရေးနဲ့ အရေးပေါ်တုံ့ပြန်ရေးကော်မတီက တာဝန်ရှိသူတဦးက ပြောပါတယ်။ အင်္ဂပူမြို့နယ် ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးမောင်မောင်စိုးက "ကျနော်တို့အနေနဲ့ ခု ကိုဗစ်ကာလမှာ ထိန်းထိန်းသိမ်းသိမ်းလုပ်ဖို့ ပါဝင်ရောက်ယှဉ်ပြိုင်မဲ့ ပါတီတွေအားလုံးကို မေတ္တာရပ်ခံစာပို့ထားပါတယ်" လို့ ဒီဗွီဘီကို ပြောပါတယ်။ အင်္ဂပူမြို့နယ်မှာ လက်ရှိ ဧရာဝတီတိုင်းဒေသကြီးလွှတ်တော်ဥက္ကဋ္ဌ ဦးအောင်ကျော်ခိုင်နဲ့ အရင်ဝန်ကြီးချုပ်ဟောင်း ဦးသိန်းအောင်တို့ အဓိကဝင်ရောက်ယှဉ်ပြိုမှာဖြစ်ပြီး အားပြိုင်မှု အများဆုံးဖြစ်ပါတယ်။ အင်္ဂပူမြို့နယ်မှာ တသီးပုဂ္ဂလိက ၂ ဦးအပြင် ပါတီ ၆ ခုက ရွေးကောက်ပွဲ ယှဉ်ပြိုင်မှာဖြစ်ပြီး အရင် ဝန်ကြီးချုပ်ဟောင်း ဦးသိန်းအောင်လည်း ဒီနေ့ သူ့ရဲ့မွေးရပ်မြေ အင်္ဂပူမြို့နယ်ကို ရန်ကုန်က လာဖို့ရှိနေတယ်လိုလည်း သိရပါတယ်။ ကိုဗစ်-၁၉ ကပ်ရောဂါဖြစ်ပွားနေချိန်တွေမှာ ပါတီတွေကို ထောက်ခံတဲ့သူတွေက လူစုလူဝေးနဲ့ မဲဆွယ်တာတွေ အောင်နိုင်ရေးလှည့်လည်တာတွေကို လုပ်ကိုင်နေဆဲဖြစ်ပါတယ်။ သတင်း - သန်းထိုက်မြင့်
4 months Ago
Up