လွှတ်တော် အတည်ပြု

A d v e r t i s e m e n t With Us

May 30, 2020

မွန်ပြည်နယ်အစိုးရ၏ ဖြည့်စွက်ဘတ်ဂျက် သန်း ၁ သောင်းကျော် လွှတ်တော် အတည်ပြု

မွန်ပြည်နယ် အစိုးရအဖွဲ့က တင်ပြတောင်းခံလာတဲ့ ဖြည့်စွက်ဘဏ္ဍာရန်ပုံငွေ ကျပ်သန်း ၁၀၀၀၀ ကျော်ကို မွန်ပြည်နယ်လွှတ်တော်က ဖြတ်တောက်ခြင်းမရှိဘဲ အတည်ပြုပေးခဲ့ပါတယ်။  အခုလို အတည်ပြုပေးတဲ့ လုပ်ငန်းစဉ်ကို မေလ ၂၉ ရက်က ကျင်းပတဲ့ လွှတ်တော်  အစည်းအဝေးမှာ လုပ်ဆောင်ခဲ့တာပါ။ အစိုးရအဖွဲ့က တင်ပြတောင်းခံလာတဲ့ ဘတ်ဂျက်ကို မွန်ပြည်နယ်လွှတ်တော်လုပ်ငန်း ညှိနှိုင်း အစည်းအဝေးမှာ အကျေအလည်ဆွေးနွေးခဲပြီး အခုလို အတည်ပြုပေးခဲ့တာလို့ မွန်ပြည်နယ် လွှတ်တော် ဥက္ကဋ္ဌ ဒေါ်တင်အိက ပြောပါတယ်။ မွန်ပြည်နယ် အစိုးရအဖွဲ့ဟာ ၂၀၁၉-၂၀၂၀ ဘဏ္ဍာရေးနှစ်မှာ သုံးစွဲမယ့် ဖြည့်စွက်ဘဏ္ဍာရန်ပုံငွေအနေနဲ့ သာမာန်အသုံးစရိတ်အတွက် ငွေကျပ်သန်း ၁၆၀၀ ကျော်၊ ငွေလုံးငွေရင်း အသုံးစရိတ်အတွက် ငွေကျပ် သန်း ၉၀၀၀ ကျော်၊ စုစုပေါင်း ကျပ်သန်း ၁၀၇၄၂ သန်းကို တင်ပြတောင်းခံခဲ့တာပါ။ ဒီဖြည့်စွက်ဘဏ္ဍာရန်ပုံငွေကို မွန်ပြည်နယ် အစိုးရအဖွဲ့၊ အထွေထွေအုပ်ချုပ်ရေးဦးစီးဌာန၊ လျှပ်စစ်ဓာတ်အားဖြန့်ဖြူရေးလုပ်ငန်း၊ ကျေးလက်လမ်းဖွံ့ဖြိုးရေးဦးစီဌာန၊ စည်ပင်သာယာရေးအဖွဲ့ အပါအဝင် ဌာန ၁၁ ခုမှာ သုံးစွဲသွားဖို့ ရှိနေပါတယ်။
9 months Ago
Up