လွှတ်တော်ကိုယ်စားလှယ်

May 3, 2022

ဂန့်ဂေါနှင့်ပေါက်မြို့တွင် လွှတ်တော်ကိုယ်စားလှယ်နှင့် ဒေသခံ ၂ ဦး၏ နေအိမ်များ ချိပ်ပိတ်ခံရ

မကွေးတိုင်း ဂန့်ဂေါမြို့နယ်  ပြည်သူ့လွှတ်တော်ကိုယ်စားလှယ်နဲ့ ပေါက်မြို့နယ်က ဒေသခံပြည်သူ ၂ ယောက်ရဲ့ နေအိမ်တွေကို မေ ၁ ရက်နေ့နဲ့ ၂ ရက်နေ့တွေမှာ စစ်ကောင်စီက ချိပ်ပိတ်ခဲ့တယ်လို့ ဒေသခံတွေက ပြောပါတယ်။

ဂန့်ဂေါမြို့နယ် ကျောတိုက်ရပ်ကွက်မှာရှိတဲ့ ပြည်သူ့လွှတ်တော်ကိုယ်စာလှယ် ဒေါ်ယဥ်မင်းလှိုင်ရဲ့ နေအိမ်ကို မေ ၂ ရက်နေ့ မနက် ၁၀ နာရီလောက်မှာ စစ်ကောင်စီရဲ့ ရဲတွေနဲ့ လက်ပါးစေတွေ ရောက်လာပြီး ချိပ်ပိတ်သွားကြတယ်လို့ ဂန့်ဂေါမြို့ခံတယောက်က ဒီဗွီဘီကို ပြောပါတယ်။

“ဒေါ်ယဥ်မင်းလှိုင်ကတော့ စစ်တပ် အာဏာသိမ်းပြီးကတည်းက ဘေးကင်းတဲ့ နေရာမှာ တိမ်းရှောင်နေရတာဗျ။ စစ်အုပ်စုတွေကတော့ သူတို့ လုပ်ချင်တာကို ဥပဒေမဲ့ လုပ်ဆောင်ကြတာ။” 

ပေါက်မြို့ အောင်တံခွန်ရပ်ကွက်က ကိုညွန့်ဇော်ဌေးနဲ့ ကိုဇော်ထက်(ခ)ဇော်ကြီးတို့ရဲ့ နေအိမ်တွေကိုလည်း မေလ ၁ ရက်နေ့ မွန်းတည့် ၁၂ နာရီလောက်မှာ စစ်ကောင်စီ နိုင်ငံတော်ပိုင်အဖြစ် ချိပ်ပိတ်ခဲ့ကြတယ်လို့ ပေါက်မြို့ဒေသခံတယောက်က ပြောပါတယ်။

စစ်ကောင်စီရဲ့ ဝါဒဖြန့် မီဒီယာတွေကတော ဆူပူ အကြမ်းဖက်မှုတွေကို လုပ်ကိုင်ဆောင်ရွက်တယ်ဆိုတဲ့ စွပ်စွဲချက်နဲ့ အဲဒီနေအိမ်တွေကို နိုင်ငံတော်ပိုင်သိမ်းဆည်းပြီး ချိပ်ပိတ်တာလို့ ဖော်ပြထားပါတယ်။

အန်အယ်လ်ဒီအမတ်တွေ၊ ပါတီဝင်တွေနဲ့ နွေဦးတော်လှန်ရေးမှာ ပါဝင်ခဲ့သူတွေရဲ့နေအိမ်တွေကို စစ်ကောင်စီက ချိပ်ပိတ်ရုံတင်မက ရောင်းစားဖို့အထိ ပြင်ဆင်လာတာဟာ တည်ဆဲဥပဒေတွေနဲ့ ညီညွတ်မှုမရှိဘူးလို့  ဥပဒေပညာရှင်တွေက ပြောဆိုထားပါတယ်။

စစ်ကောင်စီက ၂၀၂၂ မတ် ၁၈ ရက်နေ့အထိ NLD လွှတ်တော်ကိုယ်စားလှယ်တွေနဲ့ ပါတီဝင်တွေရဲ့ နေအိမ်နဲ့လုပ်ငန်းအဆောက်အဦ စုစုပေါင်း ၂၈၀ ကျော်ကို ချိပ်ပိတ်ခဲ့တယ်လို့ NLD က သတင်းထုတ်ပြန်ထားပါတယ်။

4 weeks Ago

March 4, 2022

သာပေါင်းမြို့နယ် NLD လွှတ်တော်ကိုယ်စားလှယ် ၂ ဦးအပါအဝင် ၆ ဦးကို ထောင်ဒဏ် ၂ နှစ်စီ ချမှတ်

ဧရာဝတီတိုင်း၊ သာပေါင်းမြို့နယ်က အမျိုးသားဒီမိုကရေစီအဖွဲ့ချုပ် (NLD) ပါတီရဲ့ လွှတ်တော်ကိုယ်စားလှယ် ၂ ဦး အပါအဝင် နိုင်ငံရေး တက်ကြွလှုပ်ရှားသူ ၆ ဦးကို မတ်လ ၂ ရက်နေ့မှာ စစ်ကောင်စီက ထောင်ဒဏ် ၂ နှစ်စီ ပြစ်ဒဏ်ချမှတ်လိုက်ပါတယ်။
ပြည်သူ့လွှတ်တော်ကိုယ်စားလှယ် ဦးသိန်းထွန်းနဲ့ တိုင်းလွှတ်တော်ကိုယ်စားလှယ် ကိုအောင်အောင်ဦးတို့ကို စစ်ကောင်စီက ပုသိမ်အကျဉ်းထောင် တရားရုံးမှာ ထောင် ၂ နှစ်စီ ချမှတ်ခဲ့တာလို့ နိုင်ငံရေးတက်ကြွလှုပ်ရှားသူတွေက ပြောပါတယ်။
နိုင်ငံရေး တက်ကြွလှုပ်ရှားသူတဦးက “ကိုယ်စားလှယ် ၂ ယောက်ပါတယ်၊ ၂ ယောက်လုံးက သာပေါင်းက ကိုယ်စားလှယ်တွေ။ ပြီးတော့ နိုင်ငံရေး တက်ကြွလှုပ်ရှားသူ ၄ ဦး ပါသေးတယ်၊ အဲ့ထဲမှာ အမျိုးသမီး ၁ ဦးပါတယ်။ အားလုံး ၂ နှစ်စီ ချမှတ်ခံရတာ” လို့ ပြောပါတယ်။
လွှတ်တော်ကိုယ်စားလှယ် ၂ ဦး အပါအဝင် နိုင်ငံရေး တက်ကြွလှုပ်ရှားသူ ၆ ဦးကို စစ်ကောင်စီက သဘာဝဘေးဆိုင်ရာ စီမံခန့်ခွဲမှု ဥပဒေ ပုဒ်မ ၂၅ နဲ့ တရားစွဲဆိုပြီး ထောင်ဒဏ် ၂ နှစ်စီ ချမှတ်ခဲ့တာလို့ ဆိုပါတယ်။
ပြီးခဲ့တဲ့နှစ် မတ်လ ၃၀ ရက်နေ့က လွှတ်တော်ကိုယ်စားလှယ် ၂ ဦး အပါအဝင် နိုင်ငံရေး တက်ကြွလှုပ်ရှားသူ ၆ ဦး ပုသိမ်မြို့မှာ လာရောက်တိမ်းရှောင်နေစဉ် စစ်ကောင်စီက ဝင်ရောက်ဖမ်းဆီးခဲ့ပြီး ၁ နှစ်ပြည့်ကာနီးမှာ ခုလို ပြစ်ဒဏ်အသီးသီး ချမှတ်လိုက်တာပါ။

3 months Ago
More News
Up