လွတ်လပ်သောသတင်းသမား

April 10, 2021

အသစ်ဖွဲ့မည့် သတင်းမီဒီယာကောင်စီကို လွတ်လပ်သောသတင်းသမားများက အသိအမှတ်မပြုဟု ကြေညာ

ဧပြီလကုန်ပိုင်းမှာ စစ်ကောင်စီက အသစ်ဖွဲ့စည်းမယ့် သတင်းမီဒီယာကောင်စီကို လွတ်လပ်တဲ့သတင်းသမားများ အင်အားစုက အသိအမှတ်မပြုကြောင်း ဧပြီ ၉ ရက်က ထုတ်ပြန်လိုက် ပါတယ်။

မြန်မာနိုင်ငံသတင်းမီဒီယာကောင်စီဝင် ရွေးချယ်တင်မြှောက်ရေးအဖွဲ့ ဖွဲ့ကာ စစ်ကောင်စီ အလိုကျ လုပ်ဆောင်ပေးမယ့် မြန်မာနိုင်သတင်းမီဒီယာကောင်စီရွေးချယ်တင်မြှောက်ပွဲကို ဧပြီလ ၃၀ ရက်မှာလုပ်ဖို့ လုပ်ဆောင်နေတာပါ။

အခုဖွဲ့စည်းမယ့်ကောင်စီမှာ သတင်းစာကျင့်ဝတ်ကို မလိုက်နာတဲ့ သတင်းသမားအရေခြုံ စီးပွားရေးလုပ်ငန်းရှင်တွေနဲ့ ရဲသတင်းပေးအဖွဲ့အစည်းတွေပါဝင်နေတယ်လို့  ထုတ်ပြန်ချက်မှာ ဖော်ပြထားပါတယ်။

အာဏာသိမ်းစစ်ကောင်စီလက်အောက်မှာ  သတင်းမီဒီယာနာမည်တပ်ပြီး ဖွဲ့စည်းမယ့် ဘယ်အဖွဲ့အစည်းကိုမျှ လက်ခံမှာ မဟုတ်ကြောင်းနဲ့ အဲဒီအဖွဲ့အစည်းတွေမှာ ပါဝင်ကြမယ့်သူတွေ ကိုလည်း သတင်းမီဒီယာသမားတွေအဖြစ် အသိအမှတ်ပြုမှာ မဟုတ်ကြောင်း ကြေညာချက်မှာ ဖော်ပြပါတယ်။

8 months Ago
Up