လှည်းကူးတွင်

November 6, 2017

လှည်းကူးတွင် တောဆင်ရိုင်းတကောင် အသတ်ခံရ

ရန်ကုန်တိုင်း လှည်းကူးမြို့နယ်မှာ မရမ်းချောင်းကျေးရွာအုပ်စုနဲ့ ကျောက်ချောကျေးရွာအုပ်စု အရှေ့ဘက်သဲကောချောင်းနဲ့ ဝါးတလက်ချောင်းအစုံမှာ နိုဝင်ဘာ ၅ ရက်နေ့က အသက် ၈ နှစ်အရွယ် တောဆင်ရိုင်းတကောင် ဆင်မုဆိုးတွေရဲ့ အသတ်ခံခဲ့ရပြီး လှည်းကူးမြို့နယ် သစ်တောဦးစီးဌာနနဲ့ ပူးပေါင်းအဖွဲ့တွေက မီးရှို့ဖျက်ဆီးခဲ့တယ်လို့ သိရပါတယ်။ "တောဆင်ရိုင်းက အကောင်ငယ်ပါ။ အသက်က ၈ နှစ်၊ အမြင့်က ၅ ပေ ၈ လက်မ၊ လုံးပတ်က ၁၀ ပေ ၆ လက်မ၊ အလျား ၆ ပေခွဲ၊ နှာမောင်း ၄ ပေ ၆ လက်မ၊ အမြီးလုံးပတ်က ၇ လက်မနဲ့ အရှည် ၃ ပေ၊ ရှေ့ခွာနောက်ခွာအချင်း ၉ လက်မတို့ဖြစ်ပြီး ဆင်က ဟိုင်းဆင် အမျိုးအစား အထီးဖြစ်ပါတယ်။ လွန်ခဲ့တဲ့ ၃ ရက်လောက်က သေဆုံးတာလို့ ခန့်မှန်းရပါတယ်။ ကျနော်တို့တွေတော့ ဆင်က အရေပြားတွေ အခွါခံထားရပြီး ပုပ်စော်နံနေပါပြီ။ ဆင်မုဆိုးတွေ အသတ်ခံထားရတာ ဖြစ်တယ်လို့ ယူဆရကြောင်း ၂၀၁၇ ခုနှစ်မှာ လှည်းကူးမြို့နယ်မှာ ဒါက ပထမဆုံးအကြိမ် အသတ်ခံရတာဖြစ်ပြီး ၂၀၁၆ ခုနှစ်ကတော့ လှည်းကူးမြို့နယ်မှာ တောဆင်ရိုင်း ၅ ကောင်လောက် သေဆုံးခဲ့တယ်” လို့ သာယာဝတီသစ်ထုတ်လုပ်ရေးမှာ ဆင်ဆရာဝန် ဦးဖြိုးသူအောင်က ပြောပါတယ်။ သာယာဝတီမြို့နယ်၊ တိုက်ကြီးမြို့နယ်နဲ့ လှည်းကူးမြို့နယ်တွေမှာ နှစ်စဉ် တောဆင်ရိုင်း တွေ ရိုးရိုးသေဆုံးတာနဲ့ ဆင်မုဆိုးတွေရဲ့ သတ်ဖြတ်တာခံနေရပြီး အခုအခါ သစ်ထုတ်လုပ်ရေး ဦးစီးဌာနလက်အောက်ရှိ အရေးပေါ် တောဆင်ရိုင်းထိန်းသိမ်းကာကွယ်စောင့်ရှောက်ရေးအဖွဲ့မှ တောဆင်ရိုင်းတွေ ဆင်မုဆိုးတွေရဲ့ အသတ်ခံရမှုမှ ကာကွယ်ရေးအတွက် ဆင်တွေနဲ့ ကင်းလှည့်ဆောင်ရွက်တာတွေ ပြုလုပ်နေပါတယ်။ တိုက်ကြီးမြို့နယ်မှာ ၂၀၁၅ ခုနှစ်မှ ၂၀၁၇ ခုနှစ်အထိ တောဆင်ရိုင်းအကောင်ရေ ၁၀ ကောင်ကျော် အသတ်ခံရပြီး မြန်မာနိုင်ငံမှာ တောဆင်ရိုင်းအကောင်ရေ ၃၀၀၀ လောက်သာ ကျန်ရှိပါတယ်။ သစ်တောဦးစီးဌာနတွေနဲ့ တောဆင်ရိုင်းထိန်းသိမ်းကာကွယ်ရေးအဖွဲ့တွေက ပြည်သူတွေနဲ့ ထိတွေပြီး အသိပညာပေးဟောပြောပွဲတွေ ဆက်တိုက်ပြုလုပ်နေပါတယ်။ သတင်း - မေသွယ်
4 years Ago

December 16, 2016

လှည်းကူးတွင် ပထမဦးဆုံး ရှေးဟောင်းသမိုင်းပြတိုက် ဖွင့်လှစ်

ရန်ကုန်တိုင်းဒေသကြီး၊ လှည်းကူးမြို့နယ်၊ ပိုက်ကြီးဝဲကျေးရွာရှိ မဟာဝိဇိ ကာရာမစာသင်တိုက်မှာ ဒီဇင်ဘာ ၁၄ ရက်နေ့က ရှေးဟောင်းသမိုင်းပြတိုက်ကို ပထမဆုံးအကြိမ် ဖွင့်လှစ်ခဲ့ပါတယ်။ အဆိုပါ ပြတိုက်ကို ကျောင်းထိုင်ဆရာတော် ဒေါက်တာ ဘဒန္တရေဝတာလင်္ကာရက ဦးဆောင်ကာ လှည်းကူးမြို့နယ် သမိုင်းပြုစုရေးအဖွဲ့က ပြတိုက်ဖြစ်မြောက်ရေးအတွက် ဆောင်ရွက်ကြတာပါ။ ပြတိုက်ကို ပေ ၄၀ ပတ်လည် သုံးထပ်ဆောင်ဖြစ်ပြီး လှည်းကူးမြို့နှင့် အနီးဝန်းကျင် ကျေးရွာတွေက စုဆောင်းရရှိထားတဲ့ ရှေးဟောင်းပစ္စည်း အမျိုးအစားပေါင်း ၁၃၅ မျိုးကို ခင်းကျင်းပြသထားလျှက်ရှိကာ အသိအလိမ္မာ ရင်ခွင်စာကြည့်တိုက်ပါ တွဲဖက်ဖွင့်လှစ်ထားတယ်လို့ ကျောင်းထိုင်ဆရာတော်က ဒီဗွီဘီကို မိန့်ကြားပါတယ်။ ပြတိုက်မှာ ပြသထားတဲ့ ပစ္စည်းတွေထဲမှာ ပျူခေတ် အရိုးအိုးတွေ၊ ဆေးတံတွေ၊ စဥ့်ရည်သုတ် အသုံးအဆောင်ပစ္စည်းတွေ၊ စဥ့်ထည်တွေ၊ အုတ်ခွက်ဘုရားတွေ၊ ကျွန်းသားနဲ့ ပြုလုပ်ထားတဲ့ နှစ်ပေါင်း ၁၀၀ ကျော်သက်တမ်းရှိ ရပ်တော်မူဘုရားတွေ ပါဝင်တယ်လို့ သိရပါတယ်။ သမိုင်းပြတိုက်နဲ့ စာကြည့်တိုက် ဖွင့်လှစ်ထားတဲ့ ပိုက်ကြီးဝဲကျေးရွာရှိ မဟာဝိဇိကာရာမ စာသင်တိုက်ဟာ လှည်းကူးမြို့နဲ့ ၁ မိုင်အကွာမှာ တည်ရှိပါတယ်။ သတင်း - ညိုထွန်း
5 years Ago
Up