လွိုင်ကော်မြို့မှာ

June 1, 2017

လွိုင်ကော်မြို့မှာ ရုပ်ရှင်ရုံပါဝင်သည့် Super Market တခု တည်ဆောက်မည်

ကယားပြည်နယ် လွိုင်ကော်မြို့၊ မင်းစုရပ်ကွက်မှာ အများပြည်သူ အပန်းဖြေလည်ပတ်နိုင်ဖို့ ရုပ်ရှင်ရုံ ပါဝင်တဲ့ Super Market တခု တည်ဆောက်သွားမယ်လို့ ကယားပြည်နယ် အစိုးရအဖွဲ့ကိုယ်စား ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်က ပြောပါတယ်။ “မြေနေရာ စီမံခန့်ခွဲပိုင်ခွင့်ရရှိပါက အနီးကပ်ဆုံး ဘဏ္ဍာရေးနှစ်မှာ ပြည်နယ်အစိုးရအဖွဲ့ ငွေလုံးငွေရင်း ရန်ပုံငွေနဲ့ ဘတ်ဂျတ်လျာထား၍လည်းကောင်း၊ ပုဂ္ဂလိက ရင်းနှီးမြှုပ်နှံနိုင်မယ့် ကုမ္ပဏီအဖွဲ့အစည်းမှ ၎င်းတို့၏ အစီ အစဉ်ဖြင့်လည်းကောင်း၊ ရုပ်ရှင်ရုံပါဝင်တဲ့ အဆင့်မြင် Super Market တခု ဆောက်လုပ်နိုင်ဖို့ ဆောက်ရွက်သွားမယ်”လို့ ဒေါက်တာဖေမြင့်က ဖြေကြားခဲ့တာပါ။ အဲဒီမြို့မှာ အဆင့်မြင့်ရုပ်ရှင်ရုံတည်ဆောက်ပေးဖို့ အစီအစဉ်ရှိမရှိကို အမျိုးသားလွှတ်တော်ကိုယ်စားလှယ် ဒေါ်လွီးဇာက မေလ ၃၁ ရက်နေ့က အမျိုးသားလွှတ်တော်မှာ မေးမြန်းခဲ့တာဖြစ်ပါတယ်။ “အရင်က မြို့လယ်က ဘီးလူးချောင်းဘေးမှာ ရုပ်ရှင်ရုံရှိခဲ့ဖူးတယ်။ အခုက ပြသခြင်းမရှိတော့ဘဲ ရုပ်ရှင်ရုံကလည်း ပျက်စီးနေပါပြီး ပြုပြင်ခြင်းလည်းမရှိတော့ပါဘူး။ အဲဒီအတွက်လည်း မြို့အဂါင်္ရပ်ကို ချို့ယွင်းနေတယ်လို့ ထင်ပါတယ်”လို့ ဒေါ်လွီးဇာက ပြောပါတယ်။ ပြန်ကြားရေးဝန်ကြီးဌာနအနေနဲ့ လွိုင်ကော်မြို့ သီရိရုပ်ရှင်ရုံဟောင်း မြေနေရာကို သွားရောက် ကွင်းဆင်းစစ်ဆေးပြီး ကယားပြည်နယ် အစိုးရအဖွဲ့နဲ့ လိုအပ်သလို ဆက်လက်ညှိနှိုင်းဆောက်ရွက်သွားမယ်လို့ ဆိုပါတယ်။ အောင်ကိုကိုလတ် (နေပြည်တော်)
4 years Ago
Up