လွတ်ငြိမ်းခွင့်

July 22, 2019

လွတ်ငြိမ်းခွင့်ဖြင့်ပြန်လွတ်လာသူတဦးက ကျန်းမာရေးဌာနအကြံပေးပုဂ္ဂိုလ်ထံမှ ကွန်ပြူတာခိုးယူ

အကျဉ်းထောင်ကနေ လွတ်ငြိမ်းချမ်းသာခွင့်နဲ့ပြန်လွတ်လာခဲ့သူတဦးက  ကျန်းမာရေးဝန်ကြီးဌာန အကြံပေးပုဂ္ဂိုလ် ဆီကနေ ကွန်ပြူတာတွေခိုးယူခဲ့ပြီး အမြန်လမ်းရဲတပ်ဖွဲ့က နာရီပိုင်းအတွင်း ဖမ်းမိခဲ့ပါတယ်။ ဇူလိုင် ၂၁ ရက်က ရန်ကုန်-နေပြည်တော် Elite express နဲ့ လိုက်ပါလာတဲ့ ကျန်းမာရေးနဲ့ အားကစားဝန်ကြီးဌာန အကြံပေး ဒေါက်တာ ဒေါ်သွယ်သွယ်ဝင်းဟာ ၁၁၅ မိုင် ရပ်နားစခန်းမှာ ကားပေါ်က ဆင်းပြီးပြန်တက်ချိန် လက်ပ်တော့ ၂ လုံးပျောက်နေတယ်လို့ အမြန်လမ်းမကြီး ရဲတပ်ဖွဲ့ ဖြူးစခန်းကို လာရောက်တိုင်တန်းခဲ့ပါတယ်။ နေ့လယ် ၁၁ နာရီ ၄၅ မိနစ်အချိန်မှာ ရပ်နားစခန်းက စားသောက်ဆိုင်ကိုဆင်းပြီး ပြန်တက်ချိန်မှာ ပျောက်ဆုံးနေတာကို သိခဲ့တာဖြစ်ပြီး အမြန်လမ်းမကြီးရဲတပ်ဖွဲ့ဝင်တွေဟာ ယာဉ်ရပ်နားစခန်းထဲက ပြည်သူလူထုနဲ့ ပူးပေါင်းပြီး သတင်းစုဆောင်းခဲ့တယ်လို့ ထုတ်ပြန်ဖော်ပြထားပါတယ်။ ညနေ ၃ နာရီ ၄၅ မိနစ်မှာတော့ ဖြူးစခန်းက တပ်ဖွဲ့ဝင်တွေဟာ ဖြူးမြို့ဈေးရှေ့မှာ မင်းဘူးမြို့နယ် ရွှေစက်တော်ရွာနေ အသက် ၂၁ နှစ်အရွယ် ကျော်ဇင်ထွန်းကို Dell စာတမ်းပါ ကွန်ပြူတာ အိတ်အနက်တလုံးနဲ့အတူ ဖမ်းမိခဲ့ပါတယ်။ ရှာဖွေစစ်ဆေးရာမှာတော့ ဒေါက်တာသွယ်သွယ်ဝင်းပျောက်ဆုံးခဲ့တဲ့ Dell လက်ပတော့ ကွန်ပြူတာ ၁ လုံး၊ Lenovo လက်ပတော့ ၁ လုံး၊ ပိုက်ဆံအိတ်တလုံး မှတ်စုစာအုပ်တအုပ်၊ ပရိတ်စာအုပ်တအုပ်တို့ကို သိမ်းဆည်းရမိပြီး တရားခံကို စစ်ဆေးနေတယ်လို့ ဆိုပါတယ်။ ဖမ်းထားတဲ့ ကျော်ဇင်ထွန်းဟာ ခိုးမှုနဲ့ ထောင်တနှစ်ကျပြီး ချုပ်ရက်၊ ထောင်ကျရက်ပေါင်း ၉ လလောက်မှာ လွတ်ငြိမ်းချမ်းသာခွင့်နဲ့ မေ ၃ ရက်က  ညောင်ဦးထောင်က ပြန်လွတ်လာတာ ဖြစ်ပြီး အဲဒီ Elite ကားမှာ လိုက်ပါလာခဲ့သူ ဖြစ်ပါတယ်။
2 years Ago

April 19, 2019

လွတ်ငြိမ်းခွင့်ဖြင့်လွတ်လာသူ မူးပြီးဓားကိုင်သောင်းကျန်းသဖြင့် ပြန်ဖမ်းဆီးခံရ

မန္တလေးတိုင်းဒေသကြီး ဝမ်းတွင်းမြို့နယ် ကံကြီးရွာမှာ လွတ်ငြိမ်းချမ်းသာခွင့်နဲ့ လွတ်မြောက်လာသူက ဧပြီ ၁၈ ရက်ညက အများပိုင်လမ်းပေါ်မှာ အရက်မူးပြီး ဓားကိုင်သောင်းကျန်းနေတာကြောင့် ပြန်ဖမ်းဆီးလိုက်ရတယ်လို့ ရွှေတောင်ရွာရဲစခန်းက ပြောပါတယ်။ ကံကြီးရွာနေ ဖိုးမဲ (ခ) သိန်းနိုင်ဟာ ကျေးရွာအများပိုင်လမ်းပေါ်မှာ အရက်မူးပြီး အော်ဟစ်ဆူပူကာ အရိုးအသွား ၁ ပေလောက်ရှိတဲ့ ဓားကိုင်သောင်းကျန်းနေတာကို ကျေးလက်ပြည်သူတွေက တိုင်ကြားတာလာကြောင့် လက်နက်မှုနဲ့ အမှုဖွင့် ဖမ်းဆီးလိုက်တာလို့ ဆိုပါတယ်။ ရွှေတောင်ရွာ ရဲစခန်း တာဝန်ကျရဲအရာရှိက "ဖိုးမဲ(ခ)သိန်းနိုင်က တပ်မတော်အက်ဥပဒေနဲ့ အရေးယူခံရပြီး သရက်ထောင်မှာ အကျဉ်းကျနေရာက လွတ်ငြိမ်းချမ်းသာနဲ့ လွတ်လာတာပါ။ ရွာကလူတွေက ဓားနဲ့ဆိုတော့ လန့်ပြီး တိုင်ကြတော့ ပြန်ဖမ်းလိုက်ရတယ်" လို့ ဒီဗွီဘီကို ပြောပါတယ်။ ဝမ်းတွင်းမြို့နယ် ရွှေတောင်ရွာရဲစခန်းမှာ ဖိုးမဲ(ခ)သိန်းနိုင်ကို အများပြည်သူ ဘေးအန္တရာယ်ဖြစ်စေတဲ့ လက်နက်ကိုင်ဆောင်မှုပုဒ်မ ၁၉(င) နဲ့ ဖမ်းဆီးအမှုဖွင့်ထားပါတယ်။ သတင်း-မောင်မောင်လင်း
2 years Ago
Up