လွတ်လပ်ရေးနေ့ညစာစားပွဲ (ဓာတ်ပုံ)

February 13, 2017

ဒေါ်အောင်ဆန်းစုကြည် ကပြဖျော်ဖြေသည့် ရှမ်းရိုးရာမီးပုံပွဲ (ရုပ်သံ)

ရှမ်းပြည်နယ် တောင်ကြီးမြို့မှာ မနေ့က ကျင်းပတဲ့ နှစ်(၇၀)မြောက် ပြည်ထောင်စုနေ့ ညစာစားပွဲနဲ့ မီးပုံပွဲကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ဆင်နွှဲခဲ့ပြီး ပြည်ထောင်စုနေ့ အထိမ်းအမှတ် မီးပုံပွဲကို ထွန်းညှိပေးခဲ့ပါတယ်။ ညစာစားပွဲမှာ ရှမ်းကြီး၊ ပအိုဝ်း၊ တောင်ရိုး၊ ဓနု၊ အင်းသား၊ ကယန်း၊ မောရှမ်း၊ ပလောင်၊ ၀ ၊ ကိုးကန့်၊ လီဆူ၊ ကချင်၊ ဂုံရှမ်း၊ အာခါ နဲ့ လားဟူ တိုင်းရင်းသားယဉ်ကျေးမှု အကဖွဲ့များက ရိုးရာအကတွေနဲ့ ဖျော်ဖြေတင်ဆက်ခဲ့ကြပါတယ်။ ဒေါ်အောင်ဆန်းစုကြည်က ရိုးရာအကတွေနဲ့ ဖျော်ဖြေတင်ဆက်ခဲ့ကြတဲ့ တိုင်းရင်းသား ရိုးရာ ယဉ်ကျေးမှုအဖွဲ့တွေကို အမှတ်တရလက်ဆောင် ပေးအပ်ပြီး တိုင်းရင်းသား ရိုးရာအဖွဲ့တွေနဲ့အတူ ရှမ်းရိုးရာ မီးပုံပွဲအကကို ပျော်ရွှင်စွာ ဆင်နွှဲခဲ့တာပါ။ ဖေဖော်ဝါရီ ၁၂ ရက်နေ့ မနက်ပိုင်း နှစ် ၇၀ပြည့် ပြည်ထောင်စုနေ့ အခမ်းအနားကို ကျင်းပခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တက်ရောက်ပြီး မိန့်ခွန်းပြောကြားခဲ့ပါတယ်။ ဒါ့အပြင် ပြည်ထောင်စုနေ့အခမ်းအနား အစီအစဉ်အတွင်း ဒေါ်အောင်ဆန်းစုကြည်နဲ့ တိုင်းရင်းသား ၁၂ ဦးတို့ရဲ့ ငြိမ်းချမ်းရေးစကားဝိုင်းကို ထည့်သွင်းပြုလုပ်ခဲ့ပါတယ်။ ရုပ်သံ - အောင်သူရိန်
5 years Ago

January 5, 2017

သမ္မတအိမ်တော်တွင်ကျင်းပသည့် လွတ်လပ်ရေးနေ့ညစာစားပွဲ (ဓာတ်ပုံ)

နိုင်ငံတော်သမ္မတ ဦးထင်ကျော်နဲ့ ဇနီးဒေါ်စုစုလွင် တို့က တည်ခင်းဧည့်ခံတဲ့  (၆၉)နှစ်မြောက် လွတ်လပ်ရေးနေ့ အထိမ်းအမှတ်ဧည့်ခံပွဲနဲ့  ညစာစားပွဲ အခမ်းအနားကို မနေ့ညနေပိုင်းက နေပြည်တော်ရှိ နိုင်ငံတော်သမ္မတ အိမ်တော် မြက်ခင်းပြင်မှာကျင်းပပါတယ်။ ညစာစားပွဲကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုသမ္မတ ဦးမြင့်ဆွေ ဒုသမ္မတ ဦးဟင်နရီဗန်ထီးယူ၊ လွှတ်တော်အကြီးအကဲတွေ၊  တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ပြည်ထောင်စုဝန်ကြီးတွေ၊ နိုင်ငံရေးပါတီတွေက ကိုယ်စားလှယ်တွေနဲ့ နိုင်ငံတကာသံတမန်တွေ တက်ရောက်ခဲ့ကြပါတယ်။
5 years Ago
Up