လျှိုထဲ ပြုတ်ကျ၊

November 13, 2019

ပီရူးနိုင်ငံမြောက်ပိုင်းတွင် ဘတ်စ်ကားတစီး လျှိုထဲ ပြုတ်ကျ၊ လူ ၁၉ ဦး သေဆုံး

ပီရူးနိုင်ငံမြောက်ပိုင်းက တောင်တန်းဒေသမှာ နိုဝင်ဘာ ၁၂ ရက်နေ့က ဘတ်စ်ကားတစီး လျှိုထဲကို ပြုတ်ကျခဲ့တာကြောင့် လူ ၁၉ ယောက်ထက်မနည်း သေဆုံးခဲ့တယ်လို့ ဒေသခံမီဒီယာတွေက ဖော်ပြကြပါတယ်။ အိုဂျူကိုမြို့နားမှာ ဘတ်စ်ကားတစီးဟာ ပေပေါင်း ၉၈၀ အနက်ရှိတဲ့ လျှိုထဲကို ပြုတ်ကျသွားခဲ့တာ ဖြစ်ပြီး တခြားခရီးသည် ၂၃ ယောက်ထက် မနည်း ဒဏ်ရာရခဲ့ပါတယ်။  အဲဒီမတော်တဆမှုဖြစ်ရတဲ့ အကြောင်းရင်းဟာ အကွေ့အကောက်များတဲ့ တောင်ပတ်လမ်းတွေကြောင့်နဲ့ ကားဒရိုင်ဘာရဲ့ အမှားကြောင့်အပြင် ဘတ်စ်ကားရဲ့ ကြံ့ခိုင်မှု အခြေအနေကြောင့် ဖြစ်တယ်လို့ ဝေဖန်သုံးသပ်ကြပါတယ်။ ပီရူးနိုင်ငံက လမ်းမတွေမှာ လူအသေအပျောက်များတဲ့ ယာဉ်မတော်တဆမှုတွေ မကြာခဏ ဖြစ်လေ့ရှိတာပါ။  မကြာသေးခင်နှစ်တွေအတွင်း ယာဉ်မတော်တဆမှုတွေကြောင့် ထောင်ချီတဲ့ လူ့အသက်တွေ ဆုံးရှုံးခဲ့ရတယ်လို့ ရိုက်တာသတင်းဌာနက ဖော်ပြပါတယ်။
2 years Ago
Up