လျှပ်စစ်မီတာရုံး

September 22, 2021

မိုးကုတ်မြို့ လျှပ်စစ်မီတာရုံးက ဝန်ထမ်းတဦး သေနတ်ဖြင့် ပစ်သတ်ခံရ

မန္တလေးတိုင်း မိုးကုတ်မြို့ လျှပ်စစ်မီတာရုံးက Non CDM ဝန်ထမ်းတဦး စက်တင်ဘာ ၂၂ ရက်နေ့ ညနေ ၄ နာရီဝန်းကျင်က သေနတ်နဲ့ ပစ်သတ်ခံလိုက်ရတယ်လို့ ဒေသခံတွေက ပြောပါတယ်။

ဒေသခံတစ်ဦးက "EPC ရုံးထဲဝင်ပစ်သွားတာ၊ ပွဲချင်းပြီး သေတယ်၊ ခေါင်းကိုပစ်သွားတာ။ မီတာလိုက်ကောက်တာ၊ မီးဖြတ်တာ သူတို့ပဲလုပ်နေတာ။ Non CDM ဗိုလ််ကြီး ဆန်းဝင်း" လို့ ပြောပါတယ်။

သေဆုံးသူဟာ စစ်ကောင်စီတပ်က နည်းပညာပိုင်းဗိုလ်ကြီးတစ်ဦးဖြစ်ပြီး တပ်ကနေ မိုးကုတ် လျှပ်စစ်ရုံးကို ပြောင်းလာတာမကြာသေးဘူးလို့ သိရပါတယ်။

မိုးကုတ်မှာ လျှပ်စစ်မီတာရုံးကနေ မီတာခ ငါးလစာကောက်ခံတာတွေကို လုပ်ဆောင်နေတဲ့အပြင် စက်တင်ဘာ ၂၁ ရက်နေ့ကနေ စက်တင်ဘာ ၂၂ ရက်နေ့ နေ့ခင်းအထိ မီးပြတ်တောက်ခဲ့တယ်လို့ သိရပါတယ်။

မိုးကုတ်မြို့မှာ စစ်ကောင်စီတပ်က အင်တာနက်လိုင်းတွေ ဖြတ်တောက်ထားတဲ့အပြင် မီးတွေပါ ဖြတ်ပြီး စစ်ဆေးတာ၊ ဖမ်း​ဆီးတာတွေ လုပ်နေတယ်လို့ သိရပါတယ်။

4 weeks Ago
Up