လျှပ်စစ်ဓာတ်အား

January 30, 2021

ရန်ကုန်တိုင်း ရာနှုန်းပြည့်နှင့် မန္တလေးတိုင်းက ၇၅ ရာခိုင်နှုန်း လျှပ်စစ်ဓာတ်အား ပေးနိုင်တော့မည်

လာမယ့် ၂ လအတွင်း ရန်ကုန်တိုင်းရဲ့ ရာနှုန်းပြည့်၊ မန္တလေးတိုင်းရဲ့ ၇၅ ရာခိုင်နှုန်းကို လျှပ်စစ်ဓာတ်အား ဖြန့်ဖြူးပေးနိုင်တော့မယ်လို့ ပြည်ထောင်စုဝန်ကြီး ဦးဝင်းခိုင်က ပြောပါတယ်။

မနေ့ကလုပ်တဲ့ အမျိုးသားအဆင့် ပြန်ပြည့်မြဲစွမ်းအင်ဆိုင်ရာကော်မတီ (NREC) ရဲ့ စတုတ္ထအကြိမ် လုပ်ငန်းညှိနှိုင်းအစည်းအဝေးမှာ ကော်မတီဥက္ကဋ္ဌ လျှပ်စစ်နဲ့စွမ်းအင်ဝန်ကြီးက ပြောခဲ့တာပါ။

မြန်မာနိုင်ငံအနေနဲ့ အာဆီယံရဲ့ Renewable Energy ဆိုင်ရာ မျှော်မှန်းချက်တွေကို ကျော်လွန်အောင် ဆောင်ရွက်နိုင်ခဲ့ပြီး နိုင်ငံတကာရဲ့ Ren-ewable Energy နဲ့ Climate Change ဆိုင်ရာမူဝါဒတွေကို လိုက်နာဆောင်ရွက်ခဲ့တာလို့လည်း ပြောပါတယ်။

လက်ရှိမှာတော့ နိုင်ငံရဲ့ ၅၈ ရာခိုင်နှုန်းကျော် လျှပ်စစ်ဓာတ်အားရနေပြီဖြစ်လို့ ရည်မှန်းချက်ထက် ကျော်နေပြီလို့လည်း သူက ပြောပါတယ်။

လျှပ်စစ်နဲ့ စွမ်းအင်ဝန်ကြီးဌာနအနေနဲ့ Renewable Energy ဖြစ်တဲ့ Solar Power Plant စီမံကိန်းတွေကို နေရာ ၂၉ ခုမှာ စုစုပေါင်း တပ်ဆင်အင်အား ၁၀၃၀ မဂ္ဂါဝပ်နဲ့ စတင် အကောင်အထည်ဖော်နေပြီး အခုနှစ်လယ်ပိုင်းမှာ ဓာတ်အားစတင်ထုတ်လုပ်နိုင်ဖို့ စီမံထားတယ်လို့လည်း ပြောပါတယ်။

ဒါတွေပြီးသွားရင် မြန်မာနိုင်ငံရဲ့ Generation Mix မှာ ရေအား ၄၀  ရာခိုင်နှုန်း၊  နေစွမ်းအင် ၁၄ ရာခိုင်နှုန်း၊ ပြည်တွင်းကထွက်တဲ့ သဘာဝဓာတ်ငွေ့ ၃ ရာခိုင်နှုန်း၊ သဘာဝဓာတ်ငွေ့အရည် (LNG) ၁၁ ရာခိုင်နှုန်းနဲ့ တခြား ၁ ရာခိုင်နှုန်း ပါဝင်လာမယ်လို့ ဆိုပါတယ်။

စုစုပေါင်း စက်တပ်ဆင်အင်အား ၈၁၁၈ မဂ္ဂါဝပ်ဖြစ်လာမယ့်အချိန်မှာ ပြန်ပြည့်မြဲစွမ်းအင်ကနေ ၅၄ ရာခိုင်နှုန်း၊ သန့်ရှင်းတဲ့လောင်စာ (Clean Fuel) ကနေ ၄၅     ရာခိုင်နှုန်းအချိုးနဲ့ လျှပ်စစ်ဓာတ်အားထုတ်လုပ်သွားမယ်လို့လည်း ဆိုပါတယ်။

မြန်မာနိုင်ငံရဲ့ ပထမဆုံး Solar  Power  Plant (40 MW) ကို မင်းဘူးမှာ ၂၀၁၉ ခုနှစ် ဇွန်   ၂၇ ရက်မှာ စဖွင့်ခဲ့ပြီး မာန်အောင်ကျွန်း Solar Power Plant (0.5 MW) ကို ၂၀၁၉ ခုနှစ်၊ ဒီဇင်ဘာ  ၁၉ ရက်မှာ ဖွင့်ခဲ့ပြီး ကိုကိုးကျွန်း Solar Power Plant (0.5 MW) က ဓာတ်အားကိုလည်း ၂၀၂၁ ခုနှစ် ဇန်နဝါရီ ၄ ရက်ကစပြီး ၂၄ နာရီ ဖြန့်ဖြူးပေးနေပြီလို့ ဆိုပါတယ်။

12 months Ago

January 26, 2021

ပြန်ပြည့်ဖြိုးမြဲစွမ်းအင်မှ လျှပ်စစ်ဓာတ်အားပိုထုတ်လုပ်မည်ဟု အိန္ဒိယဝန်ကြီးချုပ် မိုဒီ ပြော

အိန္ဒိယဟာ ၂၀၃၀ မှာ ပြန်လည်ပြည့်ဖြိုးမြဲ စွမ်းအင်ကနေ လျှပ်စစ်ဓာတ်အား ၄၅၀ ဂစ်ဂါဝပ် ထုတ်လုပ်နိုင်ဖို့ ပစ်မှတ်ထားထားတယ်လို့ အိန္ဒိယဝန်ကြီးချုပ် နရင်ဒြာမိုဒီက ပြောလိုက်ပါတယ်။

နယ်သာလန်နိုင်ငံက ဦးစီးကျင်းပတဲ့ မိုးလေဝသနဲ့ ဆီလျော်အောင် ပြုပြင်ပြောင်းလဲရေး ထိပ်သီးညီလာခံ မိန့်ခွန်းအတွင်း ဇန်နဝါရီ ၂၅ ရက်မှာ ပြောလိုက်တာပါ။

ဒီညီလာခံဟာ ၂၀၃၀ ထိ ကာလအတွင်း ရာသီဥတု ပြောင်းလဲမှုကို ကိုင်တွယ်ဖြေရှင်းရာမှာ လက်တွေ့ကျတဲ့ ဖြေရှင်းပုံနဲ့ အစီအမံတွေကို ချမှတ်ဖို့ ရည်မှန်းထားပါတယ်။

ကမ္ဘာကြီး ပူနွေးလာမှုကနေ လူတွေကို ပိုကောင်းကောင်းကာကွယ်ဖို့ ကမ္ဘာတဝန်းက သိပ္ပံပညာရှင် အယောက် ၃,၀၀၀ ကျော်က နိုင်ငံ့ခေါင်းဆောင်တွေကို ထိပ်သီးညီလာခံမတိုင်မီမှာ တိုက်တွန်း ဖိအားပေးထားပါတယ်။

ကမ္ဘာ့အပူချိန် ပျမ်းမျှတိုးနှုန်းကို ၂ ဒီဂရီ စဲလ်ဆီးယပ်စ်ထက် ပိုမလာအောင် ကန့်သတ်ဖို့နဲ့ စက်မှုခေတ်ပြောင်းကာလမတိုင်မီကထက် ၁ ဒသမ ၅ ဒီဂရီ စဲလ်စီးယပ်စ် အထက်မှာပဲ ရပ်နေစေဖို့ နိုင်ငံပေါင်း ၂၀၀ နီးပါးက လက်မှတ်ရေးထိုးထားတဲ့ ၂၀၁၅ ပါရီ ရာသီဥတု သဘောတူညီချက်က ရည်မှန်းထားပါတယ်။

ရာသီဥတု ပြောင်းလဲမှုဟာ ကမ္ဘာ့သီးနှံထွက်နှုန်းကို ၃၀ ရာခိုင်နှုန်းထိ လျော့ကျစေပြီး ပင်လယ်ရေမျက်နှာပြင်တွေ မြင့်တက်လာစေတယ်။ ပိုအားကောင်းလာတဲ့ မုန်တိုင်းတွေကြောင့် ကမ်းရိုးတန်းဒေသ မြို့တွေက လူတွေသန်းချီပြီး အိုးအိမ် စွန့်ခွာရစေတယ်လို့ ထိပ်သီးညီလာခံကို စီစဉ်တဲ့ Global Center on Adaptation က ပြောထားပါတယ်။

12 months Ago
More News
Up