လေ့ကျင့်ခန်းဆင်း

A d v e r t i s e m e n t With Us

May 29, 2020

ကန့်သတ်စည်းကမ်းများဖြင့် မန်စီးတီးအသင်း လေ့ကျင့်ခန်းဆင်း

မန်စီးတီးကစားသမားတွေဟာ ကန့်သတ်ထားတဲ့စည်းမျဉ်းတွေနဲ့ မေ ၂၇ ရက်နေ့က လေ့ကျင့်ခန်းအစီစဉ်တွေ ပြုလုပ်ခဲ့ပါတယ်။  မန်စီးတီးနည်းပြ ဂွါဒီယိုလာကတော့ နှာခေါင်းစီးနဲ့ လက်အိတ်ကို ဝတ်ဆင်ပြီး ညွှန်ကြားနေတာကို တွေ့ရပါတယ်။  တခြားမန်စီးတီးကစားသမားတွေဖြစ်တဲ့ ကန်ဆယ်လို၊ ဖီးလ်ဖိုဒင်၊ ဒီဘရိုင်း၊ စတာလင် အစ ရှိတဲ့ ကစားသမားတွေဟာလည်း လေ့ကျင့်ခန်းပြုလုပ်ခဲ့ကြပါတယ်။  ကစားသမားတွေအနေနဲ့ မေလကုန်အထိ အဖွဲ့ငယ်လေးတွေ နဲ့ ခပ်ခွာခွာ လေ့ကျင့်ခဲ့ ရပေမယ့် လက်ရှိ အချိန်မှာတော့ အနီးကပ် လေ့ကျင့်မူတွေပြုလုပ်နိုင်ပြီဖြစ်ပါတယ်။  ကစားသမား ၅ ဦးအထိပဲ အတူလေ့ကျင့်နိုင်တာကနေ ၁၀ ဦးအထိ လေ့ကျင့်ခန်း ပြုလုပ်နိုင်တော့မှာဖြစ်ပါတယ်။  ပရီးမီးယားလိဂ်ပွဲစဉ်တွေကို ဇွန်လ ၁၂ ရက်မှာ ပြန်လည်စတင်ဖို့ လျာထားပေမယ့် ဇွန်လ အကုန်ရောက်မှ ပြန်လည်ကျင်းပနိုင်ဖို့ရှိနေပါတယ်။ 
8 months Ago

May 27, 2020

ပေါ့ဘာနှင့် ရက်ရှ်ဖို့ဒ်တို့ လေ့ကျင့်ခန်းဆင်းနိုင်နေပြီဟု မန်ယူနည်းပြဆိုးလ်ရှားပြော

ပရီးမီးယားလိဂ်ပွဲတွေ ပြန်လည်စတင်တဲ့အချိန်မှာ ပေါ့ဘာနဲ့ ရက်ရှ်ဖို့ဒ်တို့ ပြန်ကစားနိုင်မှာ ဖြစ်တယ်လို့ မန်ယူနည်းပြ ဆိုးလ်ရှားက အတည်ပြုလိုက်ပါတယ်။ ပေါ့ဘာဟာ ရာသီအစကတည်းက ရခဲ့တဲ့ ခြေချင်းဝတ်ဒဏ်ရာကြောင့် ပွဲစဉ် ၈ ပွဲသာ ကစားရသေးတာပါ။  တိုက်စစ်မှူးရက်ရှ်ဖို့ဒ်ဟာလည်း ဇန်နဝါရီ ၁၅ ရက်က ဝုဗ်နဲ့ ကစားခဲ့တဲ့ အက်ဖ်အေဖလားပွဲစဉ်မှာ နောက်ကျော ဒဏ်ရာရခဲ့လို့ အနားယူခဲ့ရတာပါ။ လက်ရှိအချိန်မှာတော့ ပေါ့ဘာရော ရက်ရှ်ဖို့ဒ်ပါ လေ့ကျင့်ခန်း အပြည့်အဝပြန်ဆင်းနိုင်ပြီဖြစ်လို့ ပြန်လည်ကစားနိုင်တော့မှာ ဖြစ်တယ်လို့ ဆိုးလ်ရှားက အတည်ပြုခဲ့တာပါ။ သူတို့နှစ်ဦးဟာ တခြားကစားသမားတွေလိုပဲ ကောင်းမွန်စွာ လေ့ကျင့်နိုင်ပြီဖြစ်ပြီး ပရီးမီးယားလိဂ် ပြန်စချိန်မှာ ကစားသမားအားလုံး ကြံ့ခိုင်မှုပြည့်ဝနေမှာ ဖြစ်တယ်လို့လည်း ဆိုးလ်ရှားက ပြောပါတယ်။
8 months Ago
Up