လော့ဒေါင်း

A d v e r t i s e m e n t With Us

January 30, 2021

“ဝ” ကိုယ်ပိုင်အုပ်ချုပ်ခွင့်ရ အထူးဒေသ ၂ တွင် Lockdown စဖြေလျှော့

“ဝ” ကိုယ်ပိုင်အုပ်ချုပ်ခွင့်ရတိုင်း အထူးဒေသ ၂ မိုင်းပေါက်ခရိုင်အတွင်း Lockdown စတင် ဖြေလျှော့တာတွေ လုပ်နေပြီဖြစ်တယ်လို့ လားရှိုးအခြေစိုက် “ဝ” ပြင်ပဆက်ဆံရေးရုံးတာဝန်ခံ ဦးညီရမ်းက ပြောပါတယ်၊

 “မိုင်းပေါက်ခရိုင်အတွင်းမှာပေါ့နော် စတင်ပြီးတော့ ဖြေလျှော့နေပါပြီ။ ကူးစက်ခံရတဲ့သူက ၃၀၀ ဝန်းကျင်မှာ ၂၀၀ ကျော်တော့ ဆေးရုံဆင်းခွင့် ရပါပြီ။ ကျန်ရှိတဲ့သူတွေလည်း အရမ်းပြင်းထန်တဲ့ ဝေဒနာခံစားရတဲ့သူတော့  မတွေ့ရဘူး။”

အခုလို ဖြေလျှော့မှုလုပ်ရာမှာ ဒေသတွင်း  ပိတ်မိနေတဲ့ အလုပ်သမားတွေရော၊ “ဝ”ဒေသကနေ အစိုးရထိန်းချုပ် နယ်မြေကို သွားလိုတဲ့ ခရီးသွားတချို့ကိုလည်း စိစစ်ပြီးခွင့်ပြုဖို့ ပြင်ဆင်နေတယ်လို့ ဦးညီရမ်းက ဆိုပါတယ်။

UWSA ထိန်းချုပ်နယ်မြေမှ ပြည်တွင်းကို သွားရောက်လိုတဲ့သူတွေဟာ “ဝ” ကိုယ်ပိုင်အုပ်ချုပ်ခွင့်ရတိုင်း၊ အထူးဒေသ ၂ ပန်ဆန်း (ပန်ခမ်း) မြို့က “ဝ” ပြင်ပဆက်ဆံရေးရုံးနှင့်နယ်စပ်ဒေသနဲ့ တိုင်းရင်းသားရေးရာ ဖွံ့ဖြိုးတိုးတက်ရေးဦးစီးဌာန (နတလ) ရုံးတွေမှာ ဇန်နဝါရီ ၂၉ ရက်စလို့  ဆက်သွယ်သတင်း ပေးပို့နိုင်ပြီ ဖြစ်ပါတယ်။

“ဝ” ကိုယ်ပိုင်အုပ်ချုပ်ခွင့်ရတိုင်းအတွင်း ကိုဗစ်-၁၉ ရောဂါပိုးတွေ့ရှိသူ များလာတာကြောင့် ၂၀၂၀ အောက်တိုဘာလမှစလို့ ၂၀၂၁ ဇန်နဝါရီ ၃၁ ရက်အထိ Lockdown ချထားခဲ့တာ ဖြစ်ပါတယ်။ 

လက်ရှိ ဖြေလျှော့မှုက “ဝ” ကိုယ်ပိုင်အုပ်ချုပ်ခွင့်ရတိုင်း မြောက်ပိုင်းအတွက်သာဖြစ်ပြီး “ဝ” ကိုယ်ပိုင်အုပ်ချုပ်ခွင့်ရတိုင်းရဲ့တောင်ပိုင်း မိုင်းတုံမြို့နယ်၊ ဟွေအောဒေသတွေအနေနဲ့ ဒေသရဲ့ အစီအစဉ်အရသာ လုပ်ဆောင်သွားမယ်လို့ သိရပါတယ်။

မြန်မာနိုင်ငံ အထူးဒေသ (၂) “ဝ” မှာ ဇန်နဝါရီလ ၂၈ ရက် နေ့လယ်ပိုင်း ၁၁ နာရီအထိ COVID-19 ရောဂါပိုးတွေ့လူနာ ၃၀၄ ဦး၊ ရောဂါသက်သာလို့ ဆေးရုံဆင်းခွင့်ရသူ ၁၉၂ ဦး ရှိပြီး ပိုးတွေ့လူနာအသစ်နဲ့ သေဆုံးသူ မရှိဘူးလို့ သိရပါတယ်။

“ဝ” ကိုယ်ပိုင်အုပ်ချုပ်ခွင့်ရတိုင်းအတွင်း ကိုဗစ်-၁၉ ရောဂါကာကွယ် ထိန်းချုပ်ကုသရေး အတွက် တရုတ်နိုင်ငံ၊ မုန်းလင်မြို့ ကြက်ခြေနီအသင်းက ကျွမ်းကျင်ပညာရှင်တွေနဲ့ “ဝ”ပြည်နယ် ကျန်းမာရေးဌာန၊ ရောဂါကာကွယ်ထိန်းချုပ်ရေးအဖွဲ့တို့ ပူးပေါင်းဆောင်ရွက်နေပါတယ်။

သတင်း - Pra Jaw

1 month Ago

January 24, 2021

ကောင်းလုံကျွန်းဆွယ်၏ ဂျော်ဒန်ခရိုင်ကို ဟောင်ကောင်အစိုးရ လော့ဒေါင်းချ

ကောင်းလုံကျွန်းဆွယ်ရဲ့  ခရိုင်တစ်ခုကို ဇန်နဝါရီ ၂၃ ရက်က လော့ဒေါင်းချလိုက်ပြီး အဲဒီမှာ နေထိုင်သူအားလုံးကို ရောဂါပိုး ရှိမရှိ စစ်ဆေးလို့ မပြီးမချင်း အိမ်မှာပဲ နေရမယ်လို့  ဟောင်ကောင်အစိုးရက ညွှန်ကြားခဲ့ပါတယ်။ ဂျော်ဒန်ခရိုင် ကန့်သတ်နေရာမှာ အဆောက်အဦ အလုံး ၇၀ ရှိပြီး ဇန်နဝါရီ ၂၅ ရက်မှာ လူတွေ အကုန်လုံးအလုပ်ခွင် ပြန်ဝင်နိုင်အောင်  ၄၈ နာရီအတွင်း  ပြီးအောင် စစ်ဆေးသွားမယ်လို့ အစိုးရက ဆိုပါတယ်။  ဒီလိုလုပ်တဲ့အတွက် အားလုံး အခက်တွေ့နိုင်တာကို သိပေမယ့် ပိုးကူးစက်တဲ့ ကွင်းဆက်ကို ရပ်တန့်သွားနိုင်မှာ ဖြစ်တယ်လို့ အစားအစာနဲ့ကျန်းမာရေးဝန်ကြီး ဆိုဖီယာချန်က သတင်းစာရှင်းလင်းပွဲမှာ ပြောဆိုခဲ့ပါတယ်။   ဒါဟာ ဟောင်ကောင်ဒေသရဲ့ ခရိုင်တခုမှာ ပထမဆုံး အကြိမ် လော့ဒေါင်းချတာလည်း ဖြစ်ပါတယ်။   လော့ဒေါင်းချထားရာ နေရာကို လာရောက်ကြည့်ရှုခဲ့တဲ့ ဟောင်ကောင်အုပ်ချုပ်ရေးမှူးချုပ် ကယ်ရီလမ်က "လော့ဒေါင်းဟာ အဲဒီမှာနေထိုင်သူတွေရဲ့ စိုးရိမ်မှုတွေကို ပြေပျောက်စေဖို့ ဖြစ်တယ်" လို့ ပြောဆိုခဲ့ပါတယ်။ 
1 month Ago
More News
Up