လောင်းရှည်ဒေသ(PDF)

June 5, 2021

လောင်းရှည်ဒေသ(PDF) အမည် အလွဲသုံးစားလုပ်သူများကို ဖော်ထုတ်တုံ့ပြန်မည်

လောင်းရှည်ဒေသ (PDF) အမည်ကို အလွဲသုံးစားပြုလုပ်ပြီးတော့ အကြမ်းဖက်၊ ဖျက်ဆီးရေးလုပ်ရပ်တွေကို လုပ်ဆောင်လာပါက စုံစမ်းဖော်ထုတ်ပြီး ထိရောက်စွာတုံ့ပြန်သွားမယ်လို့  မေလ ၄ ရက် နေ့စွဲနဲ့ ထုတ်ပြန်ကြေညာလိုက်ပါတယ်။

လောင်းရှည်ဒေသ(PDF)အနေနဲ့ NUG အစိုးရက ထုတ်ပြန်ထားတဲ့ PDF ရဲ့ကျင့်ဝတ်၊ စည်ကမ်းနဲ့အညီ လိုက်နာဆောင်ရွက်နေတာဖြစ်တယ်လို့ ဆိုပါတယ်။

နိုင်ငံအနှံ့မှာ ပေါက်ကွဲမှုတွေ ဆက်တိုက်ဖြစ်ပွားနေပြီးတော့ ပြည်သူလူထုနဲ့သက်ဆိုင်တဲ့ ဘုရားဝင်းတွေ ၊ ဘုန်းကြီးကျောင်း၊ ဆေးရုံ၊ စာသင်ကျောင်း၊ စျေးစတဲ့နေရာတွေမှာ ပြည်သူလူထုကို ထိခိုက်စေမယ့်လုပ်ရပ်တွေကို လောင်းရှည်ဒေသ(PDF) အနေနဲ့လုံးဝမပြုလုပ်ဘူးလို့ ထုတ်ပြန်ထားတာပါ။

တကယ်လို့ လောင်းရှည်ဒေသ PDF ရဲ့အမည်ကို အသုံးပြုပြီးတော့ အကြမ်းဖက်၊ ဖျက်ဆီးတာတွေပြုလုပ်လာရင် ထိထိရောက်ရောက်တုံ့ပြန်သွားမယ်လို့ ဆိုပါတယ်။

6 months Ago

May 19, 2021

လောင်းရှည်ဒေသ(PDF)က ဒလန်များကို ဦးစားပေးချေမှုန်းမည်ဟု ကြေညာ

မကွေးတိုင်း၊ ဆောမြို့နယ် လောင်းရှည်ဒေသ ပြည်သူ့ကာကွယ်ရေးတပ် (PDF)က အကြမ်းဖက်စစ်ကောင်စီရဲ့ သတင်းပေးဒလန်တွေကို ဦးစားပေးချေမှုန်းမယ်လို့ မေလ ၁၈ ရက်နေ့ရက်စွဲနဲ့ ကြေညာပါတယ်။

အကြမ်းဖက်စစ်ကောင်စီတပ်တွေက  မင်းတပ်၊ ကန်ပက်လက်၊ ဟားခါး၊ တီးတန်မြို့တွေမှာ ပြည်သူတွေကို မတရားပစ်ခတ်သတ်ဖြတ် အနိုင်ကျင့်နေတာကို  ပြင်းထန်စွာ ကန့်ကွက်ရှုတ်ချပြီး အကြမ်းဖက်စစ်သူပုန်တွေ သတ်ဖြတ်လို့ ကျဆုံးသွားကြတဲ့ ပြည်သူတွေအတွက် မိသားစုတွေနဲ့ထပ်တူ ဝမ်းနည်းကြေကွဲရတယ်လို့လည်း ထုတ်ပြန်ချက်မှာ ဖော်ပြပါတယ်။

မင်းတပ်၊ ကန်ပက်လက်၊ ဟားခါး၊ တီးတိန်မြို့တွေမှာရှိတဲ့ ပြည်သူ့ကာကွယ်ရေး တပ်ဖွဲ့တွေနဲ့အတူရပ်တည်ကာ တတ်နိုင်တဲ့နေရာက ပူးပေါင်းပါဝင်ပြီး စစ်ကောင်စီတပ်တွေကို တိုက်ထုတ်သွားမယ်လို့လည်း ဆိုပါတယ်။

လက်ရှိ လောင်းရှည်ဒေသမှာ စစ်ကောင်စီတပ်တွေ ဖြန့်ကြက်နေရာယူထားတာကြောင့် သူတို့နဲ့ ပတ်သက်တာ၊ သတင်းပေးတာ၊ ကောလာဟလ လုပ်ကြံသတင်းလွှင့်တာနဲ့  လူထုကို ထိတ်လန့်အောင် သွေးထိုးလှုံ့ဆော်လုပ်နေတဲ့ ဖော်လံဖား ဒလန်တွေကို  ဦးစွာပထမ ချေမှုန်းရှင်းလင်းသွားမယ်လို့ ကြေညာထားတာဖြစ်ပါတယ်။

7 months Ago
Up