လေယာဉ်ဗုံးကြဲ

March 29, 2021

အကြမ်းဖက်စစ်အုပ်စုက လေယာဉ်ဗုံးကြဲသဖြင့် ကရင်ပြည်သူ ၇၀၀၀ ခန့် ထွက်ပြေးတိမ်းရှောင်

အာဏာသိမ်း အကြမ်းဖက်စစ်အုပ်စုရဲ့ လေယာဉ်နဲ့ ဗုံးကြဲပစ်ခတ်မှု‌တွေကြောင့် ကရင်ပြည်နယ်မှာ နှစ်ရက်အတွင်း အရပ်သား ၇၀၀၀ ထက်မနည်း ဘေးလွတ်ရာ ထွက်ပြေးတိမ်းရှောင်နေရတယ်လို့ ကေအန်ယူကသတင်းထုတ်ပြန်ပါတယ်။

မတ်လ ၂၇ ရက်နဲ့  ၂၈ ရက်နေ့ညအချိန်တွေမှာ အာဏာသိမ်းအကြမ်းဖက်စစ်အုပ်စုက ကရင်အမျိုးသားအစည်းအရုံး(KNU) တပ်မဟာ(၅) မူတြော်ခရိုင် အုပ်ချုပ်မှု နယ်မြေအတွင်း ဒေပူနိုကျေးရွာ၊ တနေးလူတောင်ကုန်းကျေးရွာ၊ ကလိုဘောထာကျေးရွာ၊ မောယူနီကျေးရွာ၊ သယ်ဘိုးပလောကျေးရွာ၊ သီးကောထာကျေးရွာ၊ဟိုကေကျေးရွာ  တို့ကို ဗုံးကြဲတိုက်ခိုက်ခဲ့တာပါ။

၂၇ ရက်နေ့ ဗုံးကြဲတိုက်ခိုက်မှုမှာတော့ နေအိမ်တစ်လုံးမီးလောင်ခဲ့သလိုအရပ်သား ၃ ဦးသေဆုံးခဲ့ပြီး ၈ ဦးထိခိုက်ဒါဏ်ရာ ရရှိခဲ့ပါတယ်။

၂၈ရက်နေ့ လေယာဉ်ဗုံးကြဲတိုက်ခိုက်မှုမှာတော့ မောယူနီကျေးရွာရှိ အရပ်သားနေအိမ်တစ်လုံး မီးလောင်ပြာကျခဲ့ရပြီး အရပ်သားတစ်ဦး ထိခိုက်ဒဏ်ရာရရှိခဲ့ပါတယ်။

ဒေသခံရွာသား ၃၀၀၀ လောက်လည်း  သံလွင်မြစ်ကိုဖြတ်ပြီး ထိုင်းနိုင်ငံဘက်နဲ့ တောတောင်တွေထဲ ထွက်ပြေးခိုလှုံနေကြရပါတယ်။

8 months Ago
Up