လေယာဉ်ပျက်ကျမှု

A d v e r t i s e m e n t With Us

May 23, 2020

ပါကစ္စတန် လေယာဉ်ပျက်ကျခဲ့မှုကြောင့် ၉၇ ဦး သေဆုံး

ပါကစ္စတန်နိုင်ငံ ကရာချီမြို့က လူနေထူတဲ့ ရပ်ကွက်တခုပေါ် လေယာဉ်တစီး ပျက်ကျခဲ့တာကြောင့်   ၉၇ ယောက် သေဆုံးပြီး ၂ ယောက်  အသက်ရှင်လွတ်မြောက်တယ်လို့  အာဏာပိုင်တွေက မေလ ၂၃  ရက်မှာ အတည်ပြုခဲ့ပါတယ်။  လူ ၉၉ ယောက် လိုက်ပါလာတဲ့ ပါကစ္စတန် အပြည်ပြည်ဆိုင်ရာ လေကြောင်းလိုင်း (PIA)  ပိုင် ဂျက်လေယာဉ်ဟာ မေလ ၂၂ ရက် ညနေ  ၃ နာရီ အချိန်က  ကရာချီမြို့အနီး ဂျင်းနားအပြည်ပြည်ဆိုင်ရာ လေဆိပ်ကိုအဆင်း မိနစ်ပိုင်းအလိုမှာ လူနေရပ်ကွက်တခုပေါ် ပျက်ကျခဲ့ပါတယ်။ လေယာဉ်ပျက်ကျရာ နေရာကို စစ်သားတွေနဲ့ ကယ်ဆယ်ရေးသမားတွေ အမြန်ရောက်လာပြီး  ၂၄ နာရီပတ်လုံး ရှာဖွေ ကယ်ဆယ်ရေးလုပ်ခဲ့ပါတယ်။  ကိုရိုနာဗိုင်းရပ်စ်ကာလအတွင်း ပြည်တွင်းခရီးစဉ်တွေ ပြန်ပြေးဆွဲချိန်မှာ Airbus A320  လေယာဉ်က နိုင်ငံအရှေ့ပိုင်း လာဟိုးမြို့ကနေ  တောင်ပိုင်း ကရာချီမြို့ကို ပျံသန်းခဲ့တာဖြစ်ပါတယ်။   လေဆိပ်ကို ချဉ်းကပ်ချိန်မှာ စက်ချို့ယွင်းမှုကြောင့်  လေယာဉ်ဘီး ချမရ ဖြစ်ခဲ့ဖွယ် ရှိပေမယ့် ပျက်ကျရတဲ့အကြောင်းရင်းကို ဆုံးဖြတ်ဖို့ စောလွန်းသေးတယ်လို့ အရပ်ဘက်လေကြောင်း အရာရှိတဦးက ရိုက်တာကို ပြောဆိုခဲ့ပါတယ်။
8 months Ago

January 13, 2020

ယူကရိန်း လေယာဉ်ပျက်ကျမှု နိုင်ငံတကာနှင့် ပူးပေါင်းဆောင်ရွက်မည်ဟု အီရန်သမ္မတပြော

ယူကရိန်းလေယာဉ် ပျက်ကျတာနဲ့ ပတ်သက်ပြီး နိုင်ငံတကာနဲ့ ပူးပေါင်းဆောင်ရွက်ဖို့ ကြိုဆိုတယ်လို့ အီရန်သမ္မတ ဟတ်ဆန်ရောင်ဟာနီက ကနေဒါဝန်ကြီးချုပ်၊ ယူကရိန်းသမ္မတတို့နဲ့ တယ်လီဖုန်းကတဆင့် ပြောဆိုလိုက်ပါတယ်။ လေယာဉ်ပျက်ကျရတဲ့ အကြောင်းရင်းကို အီရန်က စုံစမ်းစစ်ဆေးနေပြီး နောက်ဆုံး ကောက်ချက်ချဖို့ နောက်ထပ် စုံစမ်းစစ်ဆေးသွားမယ်လို့ ရောင်ဟာနီက ကနေဒါဝန်ကြီးချုပ် ဂျပ်စတင်ထရူဒူကို တယ်လီဖုန်းက တဆင့် ပြောခဲ့ပါတယ်။ ထရူဒူကလည်း ကနေဒါဟာ စုံစမ်းစစ်ဆေးရာမှာ အီရန်နဲ့ ပူးပေါင်းဆောင်ရွက်ဖို့ လိုလားတယ်လို့ ပြောခဲ့ပါတယ်။ လေယာဉ်ပျက်ကျတာဟာ လူကြောင့်ဖြစ်တဲ့ အမှားဖြစ်လို့ ပါဝင်ပတ်သက်သူ အားလုံးကို တရားစီရင်မယ်လို့ ရောင်ဟာနီက ယူကရိန်းသမ္မတ ဗိုလိုဒီမီယာ ဇေလန်စကီကို ဖုန်းနဲ့ ပြောပါတယ်။ အီရန်နဲ့ ယူကရိန်းပညာရှင်တွေက လေယာဉ်ပျက်ကျမှုနဲ့ပတ်သက်ပြီး ပူးတွဲ စုံစမ်းစစ်ဆေးတာတွေ ဆက်လုပ်သွားမယ်၊ တရားရေးလုပ်ငန်းစဉ်တွေ မကြာခင် စမယ်လို့လည်း ရောင်ဟာနီက ပြောပါတယ်။ ဇေလန်စကီကတော့ ဥပဒေနဲ့အညီ စုံစမ်းစစ်ဆေးတာတွေ ပြီးစီးဖို့ နှစ်နိုင်ငံ ပညာရှင်တွေက ဆက်ပြီးပူးပေါင်းဆောင်ရွက်ဖို့နဲ့ သေဆုံးသူတွေရဲ့ အလောင်းတွေကို မိသားစုတွေဆီ တတ်နိုင်သမျှ အမြန်ဆုံး လွှဲပေးနိုင်ဖို့ မျှော်လင့်တယ်လို့ ပြောပါတယ်။
1 year Ago
More News
Up