လေဗာကူဆင်

November 12, 2020

ချဲလ်ဆီးကို ပြောင်းရွှေ့ရသည့်အကြောင်း ကိုင်ဟားဗတ်ဇ် ပြော

ချဲလ်ဆီးအသင်းကို ပြောင်းရွေ့ဖို့ ရွေးချယ်ခဲ့တဲ့ ဆုံးဖြတ်ချက်နဲ့ပတ်သက်လို့ ကိုင်ဟား ဗတ်ဇ်က ပြောဆို ရှင်းပြခဲ့ပါတယ်။ “အမြင်ရှိတဲ့အသင်း တသင်းမှာ ကစားဖို့ အရေးကြီတယ်” လို့လည်း သူက ပြောပါတယ်။ ဟားဗတ်ဟာ လေဗာကူဆင်အသင်းနဲ့အတူ ၂၀၁၉-၂၀၂၀ ဘောလုံးရာသီမှာ အထူးခြေစွမ်း ပြနိုင်ခဲ့တာကြောင့် ဥရောပအသင်းကြီးတွေရဲ့ အလိုအရှိဆုံး ကစားသမား တဦးဖြစ်ခဲ့ပါတယ်။  အသက် ၂၁ နှစ်အရွယ်ကစားသမားဟာ လေဗာကူဆင်အသင်းကို ဘွန်ဒက်လီဂါမှာအဆင့် ၅ ရအောင်အပြင် ပိုကယ်လ်ဖလားဗိုလ်လုပွဲ နဲ့ ယူရိုပါလိဂ်မှာ ဆီမီးဖိုင်နယ်အဆင့်အထိရှိ အောင်ကူညီပေးနိုင်ခဲ့ပါတယ်။  သူဟာ အသင်းအတွက် ပြိုင်ပွဲစုံ ၄၅ ပွဲကစားပြီး ၁၈ ဂိုးအထိသွင်းယူခဲ့ပါတယ်။  ဒီစွမ်းဆောင်ရည်ကြောင့် သူ့ကို ဘိုင်ယန်မြူးနစ်၊ ရီးရဲလ်မက်ဒရစ်၊ ဂျူဗင်တပ်စတဲ့ အသင်းကြီးတွေက စိတ်ဝင်စားခဲ့ကြပြီး နောက်ဆုံးမှာတော့ ချဲလ်ဆီးအသင်းက သူ့ကို ခေါ်ယူနိုင်ခဲ့ ပါတယ်။  ချဲလ်ဆီးအသင်းဟာ ဟားဗတ်ဇ်အတွက်ပ ပြောင်းရွေ့ကြေးပေါင် ၇၂ သန်း အသုံးပြုခဲ့တာဖြစ်ပြီး ၅ နှစ်စာချုပ်ချုပ်ဆိုခဲ့ပါတယ်။  ချဲလ်ဆီးအသင်းမှာလည်း ဟားဗတ်ဇ်ဟာ ပုံမှန်ပွဲထွက်ကစားသမာေတဦးအဖြစ် ခြေစွမ်း ပြနိုင်နေပြီဖြစ်ပါတယ်။  ဥရောပထိပ်သီးအသင်းကြီးတွေရဲ့ စိတ်ဝင်စားမှုတွေရှိနေချိန်မှာ ချဲလ်ဆီးအသင်းကို ရွေးချယ်ခဲ့ခြင်းနဲ့ ဟားဗတ်ဇ်ကို မေးမြန်းခဲ့ရာမှာ ဂျာမနီလက်ရွေးစင်ကစားသမားက  “ကျနော်အတွက်တော့ အမြင်ရှိတဲ့ အသင်းတသင်းမှာ ကစားရဖို့ အရေးကြီးပါတယ်။ ချဲလ်ဆီးအသင်းဟာ ရှေ့ကို တိုးတက်နေတဲ့အသင်းပါ။ ကျနော်တို့ဟာ ထိပ်သီးကစားသမားတွေ ရှိတဲ့ နုပျိုတဲ့ အသင်းတသင်းဖြစ်သလို ဆာလောင်မှုလည်း ရှိနေကြပါတယ်။ ဒီအသင်းမှာ တစုံတခုကို တည်ဆောက်ပြီး တိုက်ခိုက်လိုနေကြပါတယ်။ ဒါဟာ ကျနော်တို့အတွက် လှုံ့ဆော်မှုဖြစ်စေပါတယ်။ အသင်းနဲ့အတူ ဆုဖလားတစ်ခုခုကို ဆွတ်ခူးဖို့လည်း ထိုက်တန်မှု ရှိပါတယ်” လို့ ဖြေကြားခဲ့ပါတယ်။  “အပြောင်းအရွှေ့ကိစ္စဟာ ညတွင်းချင်းဖြစ်လေ့ရှိတာမျိုး မဟုတ်ပါဘူး။ ကိုယ့်အတွက် အရေးပါမယ့်အရာတွေကို ဘက်ပေါင်းစုံကနေ စဉ်းစားကြည့်ခဲ့ပါတယ်။  ပရီးမီးယားလိဂ်ပွဲတွေ ကြည့် လေ့ရှိတာကြောင့် ချဲလ်ဆီးအသင်းအကြောင်းကောင်းကောင်းသိပါတယ်” လို့လည်း ဆက်လက်ပြောကြားခဲ့ပါတယ်။  ဟားဗတ်ဇ်မတိုင်ခင် သူ့ရဲ့ဂျာမနီအသင်းဖော် တီမိုဗာနာဟာ ချဲလ်ဆီးအသင်းကို ပေါင် ၄၇ ဒသမ ၅ သန်းနဲ့ ရောက်ရှိလာခဲ့တာဖြစ်ပြီး ဗာနာရှိနေခြင်းက သူ့အတွက် တော်တော်လေး အထောက်အကူဖြစ်စေခဲ့တယ်လို့ ဟားဗတ်ဇ်က ဝန်ခံပါတယ်။  ဒါပေမဲ့ သူဟာ ဗာနာအပေါ် အမြဲတမ်းမှီခိုနေမှာ မဟုတ်ဘူးလို့လည်း ဆက်လက်ပြော ဆိုပါတယ်။ 
11 months Ago

March 15, 2020

ကိုင်းဟားဗတ်အတွက် ယူရိုသန်း ၁၀၀ ကျော်ရမှ ရောင်းမည်ဟု လေဗာကူဆန်နည်းပြပြော

ဥရောပအသင်းကြီးတွေရဲ့ ပစ်မှတ်ကစားသမားဖြစ်တဲ့ ကိုင်ဟားဗတ်ကို ယူရိုသန်း ၁၀၀ အောက်ဈေးနဲ့ ရောင်းမှာ မဟုတ်ဘူးလို့ လေဗာကူဆင်အသင်း နည်းပြ ပီတာဘော့က ထုတ်ဖော်ပြောလိုက်ပါတယ်။  ရီးရဲလ်မက်ဒရစ်၊ လီဗာပူးနဲ့ ဂျူဗင်တပ်စ် စတဲ့အသင်းကြီးတွေက ဒီကစားသမားကို ရာသီအပြောင်းအရွှေ့မှာ ခေါ်ဖို့ စိတ်ဝင်စားနေပြီး ကစားသမားကို အသင်းမှာ ဆက်ထိန်းဖို့ မလွယ်ကူဘူးလို့ ဆိုပါတယ်။ ဟားဗတ်ဟာ လေဗာကူဆန်အသင်းရဲ့ လူငယ်စီမံကိန်းကနေ ပေါ်ထွက်လာခဲ့သူဖြစ်ပြီး ၂၀၁၆ ခုနှစ် အောက်တိုဘာမှာ အသင်းကြီးနဲ့ ပွဲထွက်ခွင့်ရဟာ အဓိက ကစားသမားအဖြစ် လျင်လျင်မြန်မြန် ခြေစွမ်းပြနိုင်ခဲ့တာပါ။  အသက် ၂၀ သာ ရှိသေးပေမယ့် သူဟာ လေဗာကူဆန်အသင်းကြီးအတွက် ၁၃၉ ပွဲ ပွဲထွက်ကစားခွင့် ရရှိထားသူလည်း ဖြစ်ပါတယ်။  “သူ့အသက်က ၂၀ ပဲ ရှိသေးပေမယ့် အသင်းကြီးမှာ ကစားခွင့်ရတာ လေးရာသီရှိပါပြီ။ သူဟာ လူငယ်အကယ်ဒမီထွက် ကစားသမားဖြစ်ပြီးတော့ အသင်းကြီးတွေ အားလုံးက သူ့ကို စောင့်ကြည့်နေကြပါတယ်။  သူ့ကစားဖော် ဂျူလီယန်ဘရန့်ကို ပြီးခဲ့တဲ့နွေရာသီမှာ ဒေါ့မွန်အသင်းဆီ ရောင်းချခဲ့ပြီး အခုဆိုရင် အားလုံးရဲ့ ပစ်မှတ်က ဟားဗတ် ဖြစ်လာပါပြီ။ ဆောင်းရာသီ ဈေးကွက်အတွင်းမှာ သူ့အတွက် ကမ်းလှမ်းမှုများစွာကို ရရှိခဲ့ပါတယ်။ သူဟာ ပြီးခဲ့တဲ့ ရှုံးပွဲတွေအတွင်းမှာ ပရိသတ်တွေက သူ့ကို လှောင်ပြောင်ခဲ့ကြပြီး သူလည်း ဒီကိစ္စအပေါ် စိတ်ပျက်နေနိုင်ပါတယ်။ ဒါ့ကြောင့် သူ့ကို နောက်နှစ် နွေရာသီအထိ ဆက်ထိန်းထားဖို့ဆိုတာ ခက်ခဲလာနိုင်ပါတယ်။ ဒါ့ကြောင့် သူ့ကို ခေါ်ချင်တယ်ဆိုတဲ့ အသင်းတွေဟာ အနည်းဆုံးယူရို သန်း ၁၀၀ အသုံးပြုရပါမယ်”လို့ ဘော့က ပြောပါတယ်။
2 years Ago
Up