လေဖိအားနည်းရပ်ဝန်

A d v e r t i s e m e n t With Us

October 9, 2020

လေဖိအားနည်းရပ်ဝန်း ၂၄ နာရီအတွင်း မုန်တိုင်းငယ်အဖြစ် ပိုမိုအားကောင်းလာနိုင်

ကပ္ပလီပင်လယ်ပြင်မြောက်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းဟာ ကပ္ပလီပင်လယ်ပြင်မြောက်ပိုင်းနဲ့ ဘင်္ဂလားပင်လယ်အော်အရှေ့အလယ်ပိုင်းတို့မှာ ဆက်လက် တည်ရှိနေပြီး နောက် ၂၄ နာရီအတွင်း ဘင်္ဂလားပင်လယ်အော်အလယ်ပိုင်းမှာ မုန်တိုင်းငယ်အဖြစ် ပိုမိုအားကောင်းလာနိုင်တယ်လို့ မိုးဇလက ဒီနေ့ မွန်းလွဲပိုင်း ထုတ်ပြန်ပါတယ်။   လေဖိအားနည်းရပ်ဝန်းရဲ့ အရှိန်ကြောင့် ဒီနေ့မွန်းလွဲပိုင်းကနေ အောက်တို ၁၃ ရက်နေ့အတွင်း ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ကရင်ပြည်နယ်နဲ့ မွန်ပြည်နယ်တို့မှာ နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ ဒေသအလိုက်နဲ့ နောကွက်ပြီး မိုးကြီးတာတွေ ဖြစ်ပေါ်နိုင်ပါတယ်။ မြန်မာ့ကမ်းရိုးတန်း တစ်လျှောက်နဲ့ ကမ်းလွန်ပင်လယ်ပြင်တို့မှာ ရံဖန်ရံခါ မိုးသက်လေပြင်းများ ကျရောက်ပြီး၊ လှိုင်းကြီးနိုင်ပြီး လှိုင်းအမြင့် ၈ ပေမှ ၁၁ ပေခန့်ရှိနိုင်ပါတယ်။ မိုးသက်လေပြင်းကျစဉ် ရေပြင်/မြေပြင်လေဟာ တစ်နာရီကို ၃၅ မိုင်မှ မိုင် ၄၀အထိ တိုက်ခတ်နိုင်ပါတယ်။ လေဖိအားနည်းရပ်ဝန်း၏အရှိန်ကြောင့်  မိုးသည်းထန်စွာ ထစ်ချုန်းရွာသွန်းပြီး လေပြင်းတိုက်၊ လျှပ်တစ်ပြက် ရေကြီး မြေပြိုတာ ဖြစ်ပေါ်နိုင်တာကြောင့် ကုန်းမြင့် ဒေသအနီးနေသူတွေ မြေပြိုမှုအန္တရာယ်နဲ့ မြစ်ငယ်၊ ချောင်းငယ်တွေအနီး နေထိုင်ကြသူတွေ ရေကြီး၊ ရေလျှံမှုတွေ ဖြစ်ပေါ်နိုင်တာကြောင့် ကြိုတင်သတိပြုနေထိုင်ကြဖို့ မိုးဇလက အကြံပြုထားပါတယ်။
5 months Ago

October 8, 2020

လေဖိအားနည်းရပ်ဝန်းကြောင့် မိုးသည်းထန်စွာရွာသွန်းပြီး ရေကြီး၊မြေပြိုမှုများ ဖြစ်နိုင်

လေဖိအားနည်းရပ်ဝန်းကြောင့် မိုးသည်းထန်စွာရွာသွန်းပြီး ပြည်နယ်နဲ့ တိုင်းအချို့မှာ ရေကြီး၊ မြေပြိုတာတွေ ဖြစ်နိုင်တာကြောင့် ကုန်းမြင့်ဒေသနေသူတွေနဲ့ မြစ်ကမ်းအနီး နေသူတွေ သတိပြုကြဖို့ မိုးဇလက သတိပေးပါတယ်။ လေဖိအားနည်းရပ်ဝန်းအဖြစ် ပြောင်းခဲ့တဲ့ အပူပိုင်းမုန်တိုင်းငယ်ဟာ ကမ္ဘောဒီးယားနိုင်ငံမှာ ဆက်လက်ရှိနေရာမှ လေဖိအားနည်း ရပ်ဝန်းအဖြစ် အားပျော့သွားပြီး အခုညနေပိုင်းမှာ မြန်မာနိုင်ငံတောင်ပိုင်းဒေသနဲ့ ထိုင်းနိုင်ငံ တောင်ပိုင်းကို ဖြတ်ကျော် ဝင်ရောက်နိုင်ဖွယ်ရှိတယ်လို့ မိုး/ဇလဌာနက ဒီနေ့မနက်မှာ ထုတ်ပြန်ပါတယ်။ အခုလို ဖြတ်ကျော်ရာမှာ ထိုင်းပင်လယ်ကွေ့ကတဆင့် အောက်တိုဘာလ ၉ ရက်မှာ ကပ္ပလီပင်လယ်ပြင်ကို ရောက်နိုင်တယ်လို့ ဆိုပါတယ်။ လေဖိအားနည်းရပ်ဝန်းကြောင့် အောက်တိုဘာ ၈ ရက်ကနေ ၁၃ ရက်အတွင်း ပဲခူး၊ ရန်ကုန်၊ ဧရာဝတီနဲ့ တနင်္သာရီတိုင်း၊ ကရင်နဲ့မွန်ပြည်နယ်တို့မှာ နေရာစိပ်စိပ်မှ နေရာအနှံ့အပြား မိုးထစ်ချုန်းရွာကာ ဒေသအလိုက် မိုးကြီးတာနဲ့ နေရာကွက်ပြီး မိုးကြီးတာတွေ ဖြစ်ပေါ်နိုင်တဲ့အပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တွေမှာ တခါတရံ မိုးသက်လေပြင်း ကျရောက်ကာ လှိုင်းကြီးနိုင်တယ်လို သိရပါတယ်။ အခုလို မိုးသည်းထန်စွာ ထစ်ချုန်း ရွာသွန်းတာနဲ့အတူ လေပြင်းတိုက်တာ၊ လျှပ်တပြက်ရေကြီးတာ၊ မြေပြိုတာတွေ ဖြစ်ပေါ်နိုင်တာကြောင့် ကုန်းမြင့်ဒေသတွေမှာ နေထိုင်သူတွေအနေနဲ့ မြေပြိုတဲ့ အန္တရာယ်၊ မြစ်ငယ်၊ ချောင်းငယ်တွေနားမှာ နေထိုင်ကြသူတွေအနေနဲ့ ရေကြီး၊ ရေလျှံတာတွေ ရှိလာနိုင်တာကြောင့် သတိပြုနေထိုင်ဖို့ မိုး/ဇလက အသိပေးထားပါတယ်။
5 months Ago
Up