လေဆင်နှာမောင်း

July 21, 2022

တရုတ်အရှေ့ပိုင်း ကျန်စုပြည်နယ်တွင် လေဆင်နှာမောင်းတိုက်ပြီး ၁ ဦးသေ၊ ၂၅ ဦးခန့် ဒဏ်ရာရ

တရုတ်နိုင်ငံအရှေ့ပိုင်း ကျန်စုပြည်နယ်မှာ လေဆင်နှာမောင်းတိုက်လို့ လူတယောက် သေဆုံးပြီး ၂၅ ယောက်ထက်မနည်း ဒဏ်ရာရကာ အခြေခံအဆောက်အအုံတွေ ပျက်စီးသွားတယ်လို့  တရုတ် နိုင်ငံပိုင်မီဒီယာမှာ ဇူလိုင် ၂၀ ရက်က  ဖော်ပြပါတယ်။

ကျန်စုပြည်နယ် ရန်ချောင်မြို့မှာ လေဆင်နှာမောင်းတိုက်လို့ လူနေအိမ်တွေ ပျက်စီးပြီး ဓာတ်တိုင်တွေ မြေပေါပြိုကျခဲ့သလို့ အိမ်ထောင်စု ၅၈၀၀ အတွက် လျှပ်စစ်ဓာတ်အား ပြတ်တောက် ခဲ့တယ်လို့ နိုင်ငံပိုင်ရုပ်သံ CCTV က ဖော်ပြပါတယ်။

ဇူလိုင် ၂၁ ရက် ညနေမှာ ဓာတ်အား အပြည့်အဝ ပြန်ရဖို့ မျှော်လင့်ထားတယ်လို့ ပြုပြင်ရေးအဖွဲ့တွေက ပြောပါတယ်။

ကျန်းရှီးပြည်နယ် တောင်ပိုင်း ယင်တန်မြို့မှာ အလုပ်သမားတွေဟာ အနီးနားပတ်ဝန်းကျင်အတွက် လုံလောက်တဲ့ ဓာတ်အားရရှိရေးအတွက် အပူချိန်လွန်ကဲနေချိန်မှာ ဓာတ်အားလိုင်းတွေ ပြင်ပေးနေကြတယ်လို့ CCTV က ဖော်ပြပါတယ်။

တရုတ်နိုင်ငံက မြို့အများအပြားမှာ အပူရှိန်ပြင်းပြီး မိုးသည်းထန် ရွာနေတာပါ။ ပြီးခဲ့တဲ့ သီတင်းပတ် နည်းနည်းအတွင်း အပူချိန်မြင့်မား မှုစံချိန်သစ်ကို ချိုးနိုင်ခဲ့ပြီး ရက်ပေါင်းများစွာကြာအောင် ရာသီဥတုပြင်းထန် နေဦးမယ်လို့ မိုးလေဝသကျွမ်းကျင်သူတွေက ခန့်မှန်းပါတယ်။

5 months Ago

May 24, 2022

ပေါင်မြို့နယ်တွင် လေဆင်နှာမောင်း တိုက်ခတ်သဖြင့် လူနေအိမ် ၁၀၀ ကျော် ထိခိုက်ပျက်စီး

မွန်ပြည်နယ် ပေါင်မြို့နယ်၊ အလှပ်ကျေးရွာမှာ မေ ၂၄ ရက် မနက် ၁၁ နာရီခွဲက လေဆင်နှာမောင်း တိုက်ခတ်တာကြောင့် လူနေအိမ်အလုံး ၁၀၀ ကျော် ထိခိုက်ပျက်စီးခဲ့တယ်လို့ လူမှုကယ်ဆယ်ရေး အဖွဲ့တွေက  ပြောပါတယ်။

လေဆင်နှာမောင်း တိုက်ခတ်တဲ့အတွက် ဘုန်းကြီးကျောင်း တကျောင်းအပါအဝင် လူနေအိမ် အလုံး ၁၀၀ ကျော် အမိုးလန်တာနဲ့ ယိုင်လဲတာတွေ ဖြစ်ပေါ်ခဲ့သလို အဲဒီထဲမှာတော့ လူနေအိမ် ၃ လုံး နေလို့ မရတော့အထိ ပြိုကျ ပျက်စီးခဲ့တာပါ။

ပြိုကျ ပျက်စီးသွားတဲ့ လူနေအိမ်ရှိ အမျိုးသားတဦး ထိခိုက်ဒဏ်ရာရရှိခဲ့တဲ့အတွက် အလှပ်တိုက်နယ်ဆေးရုံကို ပို့ဆောင်ထားပြီး ဒဏ်ရာ အခြေအနေကတော့ အသက်အန္တာရယ် မစိုးရိမ်ရဘူးလို့ ဆိုပါတယ်။

လေဆင်နှာမောင်း ဒဏ်ကြောင့် လေဘေးသင့်ခဲ့တဲ့ ပြည်သူတွေကို နီးစပ်ရာ ဆွေမျိုးနေအိမ်တွေမှာ ပြောင်းရွှေ့ နေရာချထားပါတယ်။

လက်ရှိမှာတော့ ထိခိုက်ပျက်စီးသွားနေတဲ့ လူနေအိမ်တွေကို လူမှုကယ်ဆယ်ရေးအဖွဲ့တွေ၊ သက်ဆိုင်ရာဌာနတွေနဲ့ ဒေသတွေက ရှင်းလင်းတာတွေ လုပ်ဆောင်နေပါတယ်။

ပင်လယ်ကမ်းစပ်အနီးရှိတဲ့ ပေါင်မြို့နယ် အလှပ်ကျေးရွာဟာ နှစ်စဉ် လေဆင်နှာမောင်းဒဏ်ကို ရင်ဆိုင်နေရသလို ပြီးခဲ့တဲ့ ဧပြီလကလည်း မိုးသက်လေပြင်း ကျရောက်တဲ့အတွက် လူနေအိမ် ၁၀၀ ကျော် ထိခိုက်ပျက်စီးခဲ့ပါတယ်။

7 months Ago
More News
Up