လေကြောင်းရန်

September 18, 2021

တရုတ်နိုင်ငံက လေကြောင်းရန်ကာကွယ်ရေး သတိပေးသံ လွှင့်မည်

တရုတ်နိုင်ငံဘက်က ဒီနေ့မနက်ပိုင်းမှာ မိနစ် ၅၀ ကြာ လေကြောင်းရန်ကာကွယ်ရေး သတိပေးသံထုတ်လွှင့်မယ်လို့ နယ်စပ်မြို့ဖြစ်တဲ့ မူဆယ်နဲ့နမ့်ခမ်းက အုပ်ချုပ်ရေးအဖွဲ့တွေကို အသိပေးထားပါတယ်။

အဲ့ဒီလို အသိပေးသံ ထုတ်လွှင့်တာဟာ စီးပွားရေး၊ လူမှုရေးတည်ဆောက်မှု အစိတ်အပိုင်း ဖြစ်တဲ့အပြင် အမျိုးသားကာကွယ်ရေးပညာ လုပ်ရိုးလုပ်စဉ်ဖြစ်တယ်လို့လည်း အကြောင်းကြားစာ မှာ ဖော်ပြထားပါတယ်။

တရုတ်နိုင်ငံဘက်က လေကြောင်းကာကွယ်ရေး အသိပေးသံကို ဒီကနေ့ မနက် ၁၀ နာရီကနေ ၁၀:၅၀ အချိန်ထိ ထုတ်လွှင့်မှာဖြစ်ပါတယ်။

3 months Ago

October 22, 2020

လေကြောင်းရန် ကာကွယ်ရေး လေ့ကျင့်မှု အီရန် စတင်

အီရန်စစ်တပ်ဟာ နှစ်စဉ်ကျင်းပနေကျ လေကြောင်းရန် ကာကွယ်ရေးလေ့ကျင့်မှုကို အောက်တိုဘာ ၂၁ရက်မှာ စတင်လိုက်ပြီး မြေပြင်က ဝေဟင်ပစ် ဒုံးကျည်စနစ်တွေကို ခင်းကျင်းပြသ လေ့ကျင့်ခဲ့ပါတယ်။ ဒီစစ်ရေးလေ့ကျင့်မှုဟာ ဒုံးကျည်တွေ၊ ရေဒါတွေနဲ့ ကင်းထောက်စနစ်တွေ၊ တိုက်လေယာဉ်တွေ ဗုံးကြဲလေယာဉ်တွေ၊ ဒရုမ်းယာဉ်တွေ၊ ပြည်တွင်းဖြစ် စစ်လက်နက် ပစ္စည်းတွေကို စမ်းသပ်ဖို့ ရည်ရွယ်ထားတယ်လို့ အာရှအနောက်ပိုင်း ဝါနာသတင်းမှာ ဖော်ပြထားပါတယ်။  အီရန်ဟာ ကာကွယ်ရေးအတွက် ကိုယ့်အားကိုယ်ကိုး တယ်၊ လက်နက်တွေ အရမ်းကာရော ဝယ်စရာမလိုဘူးလို့  အောက်တိုဘာ ၁၇ ရက်က ပြောခဲ့ပါတယ်။  အမေရိကန်က ပြင်းပြင်းထန်ထန် ကန့်ကွက်နေပေမဲ့ ကုလသမဂ္ဂရဲ့ အီရန်အပေါ် ချမှတ်ထားတဲ့ လက်နက်ဝယ်ယူခွင့် တားမြစ်ပိတ်ပင်ချက်ဟာ သက်တမ်းကုန်တော့မှာပါ။  ၂၀၁၅ အီရန်နျူကလီးယား သဘောတူညီချက်အောက်မှာ ၂၀၀၇ ကုလသမဂ္ဂလက်နက် တားမြစ်ပိတ်ပင်ချက်ဟာ သက်တမ်းကုန်ဖို့ အီရန်နဲ့ အင်အားကြီး ၆ နိုင်ငံကြား သဘောတူ ထားပါတယ်။ အီရန်အပေါ် စီးပွားရေး ဒဏ်ခတ်မှုကနေ ကင်းလွတ်သက်သာခွင့်အတွက် အီရန်က နျူကလီးယား လက်နက်တွေ မတီထွင်အောင် ဟန့်တားဖို့ သဘောတူညီချက်က ရည်မှန်း ထားပါတယ်။ ဒါပေမဲ့ အမေရိကန်က နောက်ပိုင်းမှာ ဒီသဘောတူညီချက်ကနေ နုတ်ထွက်ပြီး အီရန်အပေါ် စီးပွားရေး ဒဏ်ခတ်ခဲ့ပါတယ်။ 
1 year Ago
Up