လေကြောင်းထိုးစစ်ဆင်

January 7, 2020

လစ်ဗျားနိုင်ငံ စာတီမြို့ကို ဟဲ့ဖ်တာစစ်တပ် လေကြောင်းထိုးစစ်ဆင် သိမ်းပိုက်

လစ်ဗျားနိုင်ငံ အရှေ့ပိုင်းကို သိမ်းပိုက်အခြေစိုက်ထားတဲ့ စစ်ဦးစီးမှူး ခါလီဖာ ဟဲ့ဖ်တာကို သစ္စာခံတဲ့ စစ်တပ်က ဗျူဟာမြောက် ကမ်းရိုးတန်းမြို့ စာတီကို လေကြောင်းတိုက်ခိုက်ရင်း ရုတ်တရက် ထိုးစစ်ဆင် သိမ်းပိုက်လိုက်ပြီလို့ ဇန်နဝါရီ ၆ ရက်မှာ ပြောပါတယ်။ စာတီမြို့ကို ထိန်းချုပ်နိုင်တာဟာ ဟဲ့ဖ်တာအတွက် အရေးကြီးတဲ့ ပိုင်ဆိုင်မှုပါ။ သူဟာ နိုင်ငံတကာ အသိအမှတ်ပြု လစ်ဗျားအစိုးရ (GNA) ရုံးစိုက်ရာ ထရီပိုလီမြို့တော်ကို သိမ်းဖို့  ဧပြီလတည်းက ထိုးစစ်ဆင်နေခဲ့ပါတယ်။ အယ်လ်ကာဒါဘီယာ လေတပ်အခြေစိုက်စခန်း အပါအဝင် စာတီမြို့နဲ့ ပတ်ဝန်းကျင်ဒေသကိုပါ သိမ်းပြီး မြို့လယ်ဆီ တပ်တွေရွှေ့ထားပြီလို့ ဟဲ့ဖ်တာရဲ့ လစ်ဗျား အမျိုးသား တပ်မတော် (LNA) က ပြောပါတယ်။ စာတီမြို့ဟာ လစ်ဗျားနိုင်ငံရဲ့ မြေထဲပင်လယ် ကမ်းရိုးတန်းအလယ်မှာ ရှိနေတာပါ။ ၂၀၁၆ မှာ အမေရိကန် လေကြောင်းစစ်ကူနဲ့အတူ မြို့ကို အိုင်အက်စ်စစ်သွေးကြွတွေ လက်ထဲကနေ ပြန်သိမ်းပြီးတည်းက GNA အစိုးရက ထိန်းချုပ်ထားခဲ့ပါတယ်။ GNA အစိုးရကို ကူညီဖို့ လစ်ဗျားကို စစ်ဘက်အကြံပေးတွေနဲ့ ပညာရှင်တွေလွှတ်ဖို့ တူရကီက ပြင်ဆင်နေချိန်မှာ LNA က စာတီကို သိမ်းပိုက်ခဲ့ပါတယ်။ စာတီမြို့ဟာ  ရေနံတင်ပို့ရာ အဓိကစက်ရုံ တော်တော်များများရှိရာ လစ်ဗျား ကမ်းရိုးတန်းမှာရှိပြီး လစ်ဗျားခေါင်းဆောင်ဟောင်း မွမ်မာကဒါဖီရဲ့ ဇာတိမြို့လည်း ဖြစ်ပါတယ်။
2 years Ago
Up