လေကြောင်းခရီးစဉ်

December 27, 2021

ဂျပန်တွင် နှင်းကျမှုကြောင့် လေကြောင်းခရီးစဉ်များ ဖျက်သိမ်း

ဂျပန်နိုင်ငံ မြောက်ပိုင်းနဲ့ အနောက်ပိုင်းဒေသတွေမှာ ဒီဇင်ဘာ ၂၆ ရက်က နှင်းအကြီးအကျယ် ကျဆင်းခဲ့လို့ လမ်းတွေမှာ ယာဉ်ကြော အနှောက်အယှက်ဖြစ်ခဲ့ပြီး လေကြောင်းခရီးစဉ်တွေ ဖျက်သိမ်းခဲ့ရပါတယ်။

 ဒီဇင်ဘာ ၂၇ မနက်ပိုင်းမှာ နိအိဂါ့တာ့ စီရင်စုနဲ့ ပတ်ဝန်းကျင်ဒေသမှာ နှင်းထု ၉၀ စင်တီမီတာ (၃ပေလောက်အထိ) ကျဆင်းမယ်လို့ ဂျပန်သတင်းဌာန NHK က ဖော်ပြပါတယ်။

 နှင်းတွေ အကြီးအကျယ် ကျဆင်းလို့ ကားတွေ လမ်းတွေပေါ်မှာ သောင်တင်နေနိုင်တယ်လို့ ဂျပန် မိုးလေဝသဌာနက သတိပေးထားပါတယ်။

 ပြည်သူတွေဟာ ဂျပန်ပင်လယ်တလျှောက် မဖြစ်မနေ မဟုတ်ရင် အပြင်မထွက်ကြ ဖို့ကိုလည်း တိုက်တွန်းထားပါတယ်။

ဂျပန်ရဲ့ အဓိက လေကြောင်းလိုင်း ကုမ္ပဏီကြီးတွေဖြစ်တဲ့ ANA နဲ့ ဂျပန်အဲလိုင်းစ် ကုမ္ပဏီ တို့က ပြည်တွင်းလေကြောင်းခရီးစဉ် စုစုပေါင်း ၁၀၀ ကျော်ကို ဖျက်သိမ်းခဲ့ရပြီး ထောင်ချီတဲ့ ခရီးသည်တွေရဲ့ အားလပ်ရက်ခရီးစဉ် အစီအမံတွေအပေါ် သက်ရောက်ခဲ့တယ်လို့ ဂျပန်မီဒီယာတွေ က ဖော်ပြပါတယ်။

8 months Ago

October 4, 2021

အိုမန်နိုင်ငံတွင် အပူပိုင်မုန်တိုင်း တိုက်ခတ်နေသဖြင့် လေကြောင်းခရီးစဉ်များ ရွှေ့ဆိုင်း

အိုမန်နိုင်ငံကို အပူပိုင်မုန်တိုင်း ရှာဟဲင်းက အောက်တိုဘာ ၃ ရက်မှာ ဝင်ရောက် တိုက်ခတ်နေလို့ မြို့တော် မူစကတ်ကို အဝင်အထွက်လုပ်တဲ့ လေကြောင်းခရီးစဉ်တွေကို ရွှေ့ဆိုင်းထားရပါတယ်။

ဒေသခံတွေ ကမ်းရိုးတန်းဒေသတွေကို ရှောင်ဖို့ အာဏာပိုင်တွေက တိုက်တွန်းထားပါတယ်။

မူစကတ်မြို့တော်အပြင်ဘက် ဘော်ရှာက လမ်းတွေပေါ်မှာ ရေက ခါးလောက်ထိတက်နေပြီး ကားတွေ နစ်မြုပ်နေပါတယ်။

မုန်တိုင်းမျက်စိက မူစကတ်မြို့တော်နဲ့ မိုင် ၄၀ ပဲဝေးပြီး လေတိုက်နှုန်း ၁ နာရီ ၇၅ မိုင်ထိ ပြင်းထန်နေတယ်လို့ အိုမန် ဘေးအန္တရာယ်၊ ရာသီဥတုနဲ့ အရပ်ဘက်လေကြောင်းအေဂျင်စီတွေက ပူးတွဲကြေညာချက် ထုတ်ပြန်ပါတယ်။

မုန်တိုင်းချက်မဟာ မွန်းလွဲနဲ့ ညနေပိုင်းမှာ ကုန်းတွင်းဝင်ရောက်ဖို့ မျှော်လင့်ထားပြီး မိုးကြီး လေပြင်းနိုင်တယ်လို့ ခန့်မှန်းထားပါတယ်။

မတော်တဆဖြစ်ရပ်တွေကို ဟန့်တားဖို့ မြို့တော်အရှေ့ပိုင်းက အယ်လ်ကမ်ဒေသမှာ လျှပ်စစ်ဓာတ်အား ဖြန့်ဖြူးမှု ဖြတ်တောက်ထားမယ်လို့ အမျိုးသားအရေးပေါ်ကော်မတီက ပြောပါတယ်။

ရေနံတင်ပို့တဲ့ အိုမန်နိုင်ငံက လူဦးရေ ၅ သန်းရဲ့ အများစုဟာ မူစကတ်မြို့မှာ နေထိုင်ကြပါတယ်။

10 months Ago
More News
Up