လူ ၃ ဦး

July 18, 2021

ဝါရှင်တန်ဒီစီမြို့တော်ရှိ ပန်းခြံအနီး လူ ၃ ဦး သေနတ်ဖြင့် ပစ်ခံရ

အမေရိကန်ပြည်ထောင်စု၊ ဝါရှင်တန်ဒီစီမြို့တော်၊ ကိုလံဘီယာစီရင်စုက ဘေ့စ်ဘောအားကစားရုံ ရှိရာ အမျိုသားဥယာဉ် ပန်းခြံအပြင် ဘက်မှာ ဇူလိုင် ၁၇ ရက် ညက လူ ၃ ယောက် သေနတ်နဲ့ ပစ်ခတ်ခံခဲ့ရပါတယ်။

အားကစား ဝါသနာအိုးတချို့ တတိယထပ် မြေအောက်ခန်းထဲ အစုလိုက် ဝင်ပြေးနေပုံ ရုပ်သံတွေ လူမှုကွန်ရက် မီဒီယာပေါ်မှာ ပျံ့နေပါတယ်။

သေနတ်ပစ်ခတ်ခံရသူ ၂ ယောက်ကို ဆေးရုံဆီ  ပို့ဆောင်ခဲ့ပြီး  တခြား ၂ယောက်ကတော့ သေနတ်ဒဏ်ရာကို ကုသခံဖို့ ဆေးရုံဆီ လမ်းလျှောက်သွားခဲ့ကြတယ်လို့ စီရင်စုရဲဌာနက အစောပိုင်းမှာ ပြောပါတယ်။

စနေနေ့ည အားကစားရုံအပြင်ဘက်မှာ ကျင်းပတဲ့ သတင်းစာရှင်းလင်းပွဲမှာတော့ လူ ၃ယောက် ပစ်ခတ်ခံရတာလို့ ပြန်ပြင် ပြောခဲ့ပါတယ်။

ပစ်ခတ်မှုကြောင့် ဝါရှင်တန်၊ နေရှင်နယ်စ်နဲ့ စန်ဒီယေဂို၊ ပါဒရေစ်အသင်း ၂ သင်းကြား ဘေ့စ်ဘော အားကစားပွဲကို ဆိုင်းငံ့ ထားရပြီး ကစားပွဲကို ဇူလိုင် ၁၈ရက်မှာ ပြန်စဖို့ မျှော်လင့်ထားပါတယ်။ 

3 months Ago

May 10, 2021

Times Square ရင်ပြင်ပစ်ခတ်မှု လူ ၃ ဦး ကျည်ထိမှန်ဒဏ်ရာရ

အမေရိကန်နိုင်ငံ နယူးယောက်မြို့လယ်က Times Square ရင်ပြင်မှာ အငြင်းပွားမှုအပြီး ပစ်ခတ်ခဲ့လို့ ၄ နှစ်သမီးတစ်ယောက်အပါအဝင် လူ ၃ ဦး ကျည်ထိမှန် ဒဏ်ရာရသွားပါတယ်။

ဒဏ်ရာရသူတွေဟာ အငြင်းပွားတဲ့အထဲပါသူတွေ ဟုတ်ပုံ မရဘူးလို့ နယူးယောက် ထိပ်တန်း ရဲကော်မရှင်နာမင်းကြီး ဒါးမော့ ရှီးယားက မေ ၈ ရက်မှာ ပြောပါတယ်။

ဘရွတ်ကလင်ရပ်ကွက်က မိသားစုဟာ ကလေးကို အရုပ်ဝယ်ပေးဖို့ Times Square ဆီကို လာခဲ့တဲ့ အပြစ်မရှိတဲ့ ဘေးက ရပ်ကြည့် သူတွေလို့ ရှီးယားက ပြောပါတယ်။

၄ နှစ်သမီးနဲ့ အသက်၂၃ နှစ်အရွယ် အမျိုးသမီးက ခြေထောက်ကို ကျည်ဆန် ထိမှန်ပြီး ၄၃ နှစ် အရွယ် အမျိုးသမီးကတော့ ခြေဖဝါးမှာ ဒဏ်ရာရခဲ့တယ်လို့ ဆိုပါတယ်။

 မနှစ်က နယူးယောက်နဲ့ တခြား အမေရိကန် မြို့တွေမှာ ရာဇဝတ်မှုနှုန်း မြင့်တက်ခဲ့တယ်လို့ ရိုက်တာသတင်းဌာနက ဖော်ပြပါတယ်။

6 months Ago
Up