လူ ၂၀၀

May 25, 2021

မလေးရှားမြို့တော်တွင် ရထား ၂ စင်းတိုက်မိ၊ လူ ၂၀၀ ကျော်ဒဏ်ရာရ

မလေးရှားနိုင်ငံ မြို့တော်ကွာလာလမ်ပူက ပက်ထရိုနပ်စ် အမွှာမျှော်စင်အနား မြေအောက်ရထားဥမင်ထဲမှာ ရထား ၂ စင်း မေလ ၂၄ရက်က တိုက်မိခဲ့တာကြောင့် လူအယောက် ၂၀၀ ကျော် ဒဏ်ရာရတယ်လို့ အရာရှိတွေက ပြောပါတယ်။

ပြုပြင်နေလို့ လူမရှိတဲ့ ရထားတစီးကို ဒေသစံတော်ချိန် ည ၈ နာရီ ၄၅မိနစ်မှာ ဆန့်ကျင်ဘက်နေရာကနေ မောင်းလာတဲ့ ခရီးသည် ၂၁၃ ယောက်ကို တင်လာတဲ့ ရထားက ခေါင်းချင်းဆိုင် တိုက်မိတာလို့ ခရိုင်ရဲ အကြီးအကဲ မိုဟာမဒ် ဇိုင်နယ်လ် အဗ်ဒူလာက ပြောပါတယ်။

လူ ၄၇ ယောက်က အပြင်းအထန် ဒဏ်ရာရပြီး  ၁၆၆ ယောက်ကတော့ အသေးစား ဒဏ်ရာတွေ ရခဲ့တာဖြစ်ပါတယ်။

1 year Ago

January 24, 2021

၂၀၂၀ ပြည့်နှစ်အတွင်း ကချင်ပြည်နယ်၌ ယာဉ်တိုက်မှု ၄၃၀ ကျော်ဖြစ်ပြီး လူ ၂၀၀ ကျော်သေဆုံး

ကချင်ပြည်နယ်မှာ  ၂၀၂၀ ခုနှစ်အတွင်း ယာဉ်တိုက်မှုပေါင်း ၄၃၂ မှု ဖြစ်ပွားခဲ့ပြီး သေဆုံးသူ ၂၀၂ ဦးနဲ့ ဒဏ်ရာရသူ ၅၆၀ ရှိတယ်လို့ သိရပါတယ်။ ကျား ၁၆၈ ဦး၊ မ ၃၄ ဦး  သေဆုံးသူ စုစုပေါင်း  ၂၀၂ ဦး နဲ့ ကျား ၃၉၆ ဦး၊ မ ၁၆၄  ဦး ဒဏ်ရာရသူ စုစုပေါင်း ၅၆၀ ရှိခဲ့တယ်လို့ ကချင်ပြည်နယ် ယာဉ်ထိန်းရဲတပ်ဖွဲ့ဆီက  သိရပါတယ်။ ယာဉ်တိုက်မှုအများစုမှာ  ညနေပိုင်းနဲ့ ညပိုင်းမှာ အများဆုံးဖြစ်ကာ ယာဉ်စည်းကမ်း လမ်းစည်းကမ်းမလိုက်နာတာ၊ သောက်စား မှုးယစ်ပြီး မဆင်မခြင် အရှိန်ပြင်း မောင်းနှင်တာတွေကြောင့်ဖြစ်ပြီး ဆိုင်ကယ်နဲ့ မော်တော်ကား ယာဉ်တိုက်မှုက အများဆုံးဖြစ်တယ်လို့ သိရပါတယ်။ ၂၀၁၉ ခုနှစ်မှာ ကချင်ပြည်နယ်အတွင်း ယာဉ်တိုက်မှုပေါင်း ၄၅၂ မှု၊ သေဆုံးသူ ၂၁၄ ဦးနဲ့ ဒဏ်ရာရသူ ၅၆၄ ဦး ရှိတာကြောင့် ၂၀၂၀ ပြည့်နှစ်မှာ ယာဉ်တိုက်မှုနဲ့ လူသေဆုံးနှုန်း လျော့နည်းခဲ့တယ်လို့ ဆိုပါတယ်။ ၂၀၁၉/၂၀၂၀ ခုနှစ်အတွင်း မြစ်ကြီးနားခရိုင်မှာ ယာဉ်တိုက်မှု အများဆုံးဖြစ်ပြီး  ပူတာအိုခရိုင် က ယာဉ်တိုက်မှု အနည်းဆုံး ဖြစ်ပါတယ်။ ထူးထူး( ဗိုလ်ကလေး)
2 years Ago
Up