လူ ၁၀၀၀

December 17, 2020

ကိုရီးယားတွင် ၃ ရက်ဆက်တိုက် လူ ၁,၀၀၀ ကျော် ကိုဗစ်-၁၉ ပိုးတွေ့

ကိုဗစ်-၁၉ ကပ်ရောဂါ စကတည်းက တောင်ကိုရီးယားမှာ  တစ်နေ့တာအတွင်း  အများဆုံး အဖြစ် ဒီဇင်ဘာ ၁၆ ရက်က  ပိုးတွေ့သူ  ၁,၀၇၈ ဦး ရှိတယ်လို့ ကျန်းမာရေး အာဏာပိုင်တွေက ပြောပါတယ်။  တောင်ကိုရီးယားမှာ ဇန်နဝါရီလက ကိုဗစ်-၁၉ ကူးစက်သူကို  ပထမဆုံးတွေ့ခဲ့ပြီး နောက်ပိုင်း ပထမဆုံးအကြိမ် တစ်နေ့ကို ပိုးတွေ့သူ  ၁,၀၀၀ ကျော်တွေ့တာ   ၃ ရက်ရှိခဲ့ပြီးနောက် အခုလို အများဆုံး တွေ့ခဲ့တာပါ။  ဒါ့အပြင် သေဆုံးသူကလည်း  ၁၂ ယောက်ရှိတယ်လို့လည်း ကိုရီးယားရောဂါထိန်းချုပ်ရေးနဲ့ ကြိုတင်ကာကွယ်ရေးအေဂျင်စီ  KDCA က ထုတ်ပြန်ပါတယ်။   လူဦးရေ  ၂၆ သန်းနီးပါးရှိတဲ့ မြို့တော် ဆိုးလ်မှာလည်း  အရေးပေါ်ခုတင် ၃ ခုသာ ကျန်တော့တယ်လို့ ကျန်းမာရေးအာဏာပိုင်တွေက ဆိုပါတယ်။  "တိုးလာတဲ့ လူနာအရေအတွက်ကြောင့်  ကျန်းမာရေးစနစ်အပေါ်  တိုးလာတဲ့ ဖိအား  သက်သာစေဖို့ အစိုးရအနေနဲ့ ဆေးရုံခုတင် လုံလုံလောက်လောက်ရဖို့ အစွမ်းကုန် ကြိုးပမ်း နေတယ်"လို့လည်း  တာဝန်ရှိသူက ပြောပါတယ်။  အစိုးရရဲ့ ထိပ်တန်းဦးစားပေးတာဝန်က ဆေးရုံခုတင် အလုံအလောက် ရှိရေး  ဖြစ်တယ်လို့ လည်း  ဝန်ကြီးချုပ် ချောင်ဆယ်ဂျွန်းက ပြောပါတယ်။ 
12 months Ago

August 9, 2020

မြို့တော်ဘန်ကောက်တွင် လူ ၁၀၀၀ ကျော် ချီတက်ဆန္ဒပြ

ဆန္ဒပြခေါင်းဆောင် ၂ ယောက် ဖမ်းခံထိန်းသိမ်းခံရပြီးနောက် ထိုင်းနိုင်ငံ မြို့တော်ဘန်ကောက်က စီးပွားရေး အချက်အချာခရိုင်ထဲမှာ အစိုးရဆန့်ကျင်ရေး လူ ၁၀၀၀ ကျော် သြဂုတ် ၈ ရက်က ချီတက်ဆန္ဒပြခဲ့ကြပါတယ်။ အသက် ၃၅ နှစ်အရွယ် လူ့အခွင့်အရေးရှေ့နေ အာနွန်နမ်ပါနဲ့ ကျောင်းသား တက်ကြွလှုပ်ရှားသူ အသက် ၂၃ နှစ်အရွယ် ပါနုပွန် ဂျဒ်နော့ခ်တို့ဟာ သြဂုတ် ၇ ရက်က တရားစွဲ ခံခဲ့ရတာပါ။ သူတို့ဟာ ဒီမိုကရေစီစံနှုန်းတွေ ပိုရရေး တောင်းဆိုတဲ့ ဆန္ဒပြပွဲတွေနဲ့ ပတ်သက်မှုအတွက် ထိန်းသိမ်းခံထားရပါတယ်။ အဲဒီနောက် စွဲချက်တွေအတွက် စုံစမ်းစစ်ဆေးမှုကို ဆိုင်းငံ့ပြီး သူတို့ကို သြဂုတ် ၈ ရက်နေ့က အာမခံနဲ့ ပြန်လွှတ်ပေးလိုက်ပါတယ်။  ကိုရိုနာဗိုင်းရပ်စ်ကူးစက်မှု ရပ်တံ့ရေး အရေးပေါ်ဥပဒေကို ချိုးဖောက်မှုနဲ့ အစိုးရကို ဆန့်ကျင်ရေး အားပေးမှုတွေအပါအဝင် စွဲချက်တွေနဲ့ သူတို့ ၂ ယောက်ကို စွဲဆိုထားပါတယ်။  ဆန္ဒပြသူတွေက ရဲတွေ ထွက်သွား၊ အာဏာရှင် ကျဆုံးပါစေ စတဲ့ ကြွေးကြော်သံတွေ ဟစ်ကြွေးရင်း ဒီမိုကရေစီ လိုလားတဲ့ ဆန္ဒပြသူတွေရဲ့ သင်္ကေတ ဖြစ်တဲ့ လက်ချောင်း ၃ချောင်းနဲ့ အလေးပြုခဲ့ကြပါတယ်။  ဆန္ဒပြသူတွေက လွှတ်တော်ကို ဖျက်သိမ်းပြီး အခြေခံ ဥပဒေပြင်ဆင်ဖို့နဲ့ ရွေးကောက်ပွဲ အသစ် ကျင်းပဖို့ တောင်းဆိုနေကြပါတယ်။ မနှစ်က အငြင်းပွားဖွယ် ရွေးကောက်ပွဲမှာ ၂၀၁၄ စစ်အာဏာသိမ်းခေါင်းဆောင် ပရာယွတ်သ် ချန်အိုချာက ဆက်အာဏာရတာ သေချာအောင် ထိန်းကျောင်းသွားတယ်လို့ တက်ကြွလှုပ်ရှားသူတွေက ပြောပြီးတဲ့နောက် အစိုးရဖယ်ရှားရေး ဆော်သြတဲ့ လမ်းပေါ် ဆန္ဒပြပွဲတွေ ပြန်ပေါ်ထွက်လာခဲ့ပါတယ်။
1 year Ago
Up