လူသေအလောင်း

November 24, 2021

မက္ကဆီကိုတွင် သစ်ပင်ပေါ် တွဲလောင်းချိတ်ဆွဲထားသည့် လူသေအလောင်းများ တွေ့ရှိ

မက္ကဆီကိုနိုင်ငံ အလယ်ပိုင်းဒေသက တံတားတစင်းပေါ်နဲ့ သစ်ပင်တပင်ပေါ် မှာ တွဲလောင်းချိတ်ထားတဲ့ လူ ၆ ယောက်ရဲ့ အလောင်းတွေကို နိုဝင်ဘာ ၂၃ ရက်က တွေ့ရပါတယ်။

ရာဇဝတ်ဂိုဏ်းတွေရဲ့ အကြမ်းဖက်မှု ထူပြောတဲ့ ဒီဒေသထဲမှာ သီတင်းပတ် တပတ်မပြည့်ခင် ဒုတိယမြောက် ဖြစ်ရပ်ပါ။ လူကူးတံတားပေါ်ကနေ တွဲလောင်းကျနေတာ အလောင်း ၃ လောင်းဖြစ်ပြီး သစ်ပင်တပင်ပေါ်မှာတော့ အလောင်း ၃ လောင်း တွဲလောင်းကျနေတယ်လို့ ဇာကာ တေကတ်စ်ပြည်နယ် ပြည်သူ့လုံခြုံရေးဝန်ကြီးက ကြေညာချက် ထုတ်ပြန်ပါတယ်။

အနားက ရပ်ကွက်ထဲက မြေပေါ်မှာ နောက်ထပ် အလောင်း ၂ လောင်းကိုလည်း တွေ့ရပါတယ်။ နိုဝင်ဘာ ၁၈ ရက်ကလည်း ဇာကာတေကတ်စ်ပြည်နယ်အတွင်း တံတားပေါ်ကနေ အလောင်း ၉ လောင်း တွဲလောင်းချိတ်ထားပြီး စုစုပေါင်း အလောင်း ၁၀ လောင်း တွေ့ခဲ့ရတာပါ။

ဂိုဏ်းတွေနဲ့ပတ်သက်တဲ့ လူသတ်မှုတွေ ဖြစ်ပုံရတယ်လို့ မီဒီယာတွေက ကောက်ချက်ချပါတယ်။ 

ဒေသတွင်း မူးယစ်မှောင်ခို စျေးကွက်ကို ထိန်းချုပ်ဖို့ ရာဇဝတ်အုပ်စု ၂ စုကြား အငြင်းပွားတဲ့ ရလဒ်အဖြစ် လူသေတဲ့ အကြမ်းဖက်မှုတွေ လတ်တလောမှာ ပေါ်ပေါက်နေတာလို့ အမည်မဖော်တဲ့ ပြည်နယ်အစိုးရအရာရှိတယောက်က ပြောပါတယ်။

ဒီနှစ်ရဲ့ ပထမဆယ်လအတွင်း ဇာကာတေကတ်စ်ပြည်နယ်ထဲမှာ အကြမ်းဖက် သတ်ဖြတ်ခံရသူ ၉၄၈ ယောက်ထက်မနည်း ရှိတယ်လို့ တရားဝင် သတင်းအချက်အလက်တွေက ပြထားပါတယ်။

ဒါဟာ မနှစ်က အလားတူ ကာလကထက် လူ ၃၄၂ ယောက် ပိုအသတ်ခံခဲ့ရတာလို့လည်း ရိုက်တာ သတင်းဌာနက ဖော်ပြထားပါတယ်။

1 week Ago

October 28, 2021

ဝက်လက်မြို့နယ် ‌ရွှေညောင်တော်ဘုရားအနီး လူသေအလောင်းအချို့ တွေ့ရှိ

စစ်ကိုင်းတိုင်း ဝက်လက်မြို့နယ်၊ အမှတ် ၃ လမ်းမကြီးလို့ခေါ်တဲ့ စစ်ကိုင်း-ကျောက်မြောင်း ဗျူဟာလမ်းဘေးက ရွှေညောင်တော်ဘုရားအနီးမှာ  ခရီးသွားပြည်သူတချို့ရဲ့ ရုပ်အလောင်းတွေ တွေ့တယ်လို့ ဒေသကာကွယ်ရေးအဖွဲ့တွေဆီက သိရပါတယ်။

“ဗျူဟာလမ်းဘက်က ရွာစဉ်လည်း ကျဲတယ်။ အသွားအလာလည်း နည်းတယ်။ ရွှေညောင်တော်ဘုရားဆိုတာကလည်း လူသူမနီးတဲ့နေရာ တည်ထားတာ။ အဲဒီနေရာကို စစ်တပ်က ခဏ ခဏ လာပြီး တပ်စွဲတယ်”လို့ ဒေသကာကွယ်ရေးအဖွဲ့ဝင်တစ်ဦးက ပြောပါတယ်။

‌ညှဉ်းပန်းသတ်ဖြတ်ထားတဲ့ ရုပ်အလောင်းတစ်လောင်းကို အောက်တိုဘာ ၂၆ ရက်က စတင်တွေ့ခဲ့ ရပြီး ဦးခေါင်းကို ကြေမွအောင်သေနတ်ဒင်နဲ့ ထုထားတဲ့ဒဏ်ရာအပြင် နာရွက်တစ်ဖက်နဲ့ လက်တဖက်လည်း ဖြတ်ထားတယ်လို သိရပါတယ်။

အောက်တိုဘာ ၂၇ ရက်ကလည်း သေဆုံးရုပ်အလောင်း နှစ်လောင်းထပ်မံတွေ့ရှိခဲ့ကာ သူတို့ရဲ့ ခန္ဓာကိုယ်မှာလည်း နှိပ်စက်ညှဉ်းပန်း သတ်ဖြတ်ထားတယ်လို့ ဆိုပါတယ်။

‌စစ်ကောင်စီယာဉ်တန်း မိုင်းဆွဲခံရပြီးနောက်ပိုင်း ခရီးသွားပြည်သူတချို့ကို ဖမ်းဆီးသတ်ဖြတ်ကာ ပစ္စတိုသေနတ်တလက်လည်းပါတဲ့ မိုင်းဆွဲသူ ၄ ယောက် ဖမ်းဆီးမိတယ်လို့ မြို့မရဲစခန်းက ကြေညာထားပါတယ်။

စစ်ကိုင်း-ကျောက်မြောင်းဗျုဟာလမ်းကို အသုံးပြုပြီး ပြည်သူတွေအနေနဲ့ ခရီးမသွားဖို့ ပြည်သူ့ကာကွယ်ရေးအဖွဲ့တွေက သတိပေးချက်ထုတ်ပြန်ထားပြီးလည်း ဖြစ်ပါတယ်။

1 month Ago
More News
Up