လူဝီစီယားနား

A d v e r t i s e m e n t With Us

October 29, 2020

ဟာရီကိန်း ဇီတာ လူဝီစီယားနားပြည်နယ်ကို ဝင်ရောက်

အမေရိကန် ပင်လယ်ကွေ့ ကုန်းတွင်းပိုင်းကို ၂၀၂၀ ပြည့်နှစ်အတွင်း တတိယမြောက် ဟာရီကိန်း ဇီတာ အောက်တိုဘာ ၂၈ ရက် အစောပိုင်းက ဝင်ရောက်ခဲ့ပါတယ်။  မုန်တိုင်းအဆင့် သတ်မှတ်ချက် ၂ ရှိတဲ့ ဇီတာဟာ တစ်နာရီ လေတိုက်နှုန်း မိုင် ၁၁၀ နဲ့ လူဝီစီယားနားပြည်နယ်ကို ဝင်ခဲ့တာပါ။  နယူးအော်လင်းပြည်နယ်မှာတော့ ဟာရီကိန်းကြောင့် မိုးကြီးခဲ့ပြီး လေပြင်းတွေကြောင့် သစ်ပင်တွေ လဲပြိုခဲ့ပါတယ်။  အခုအခါမှာတော့ ဇီတာဟာ မစ္စစ္စပီပြည်နယ် ဟေတီဘာ့ဂ် အရှေ့မြောက်ဘက် ၄၅ မိုင် အကွာမှာ ရှိပြီး တစ်နာရီ လေတိုက်နှုန်း မိုင် ၈၀ ရှိတယ်လို့ မိုင်ယာမီ အခြေစိုက် မိုးလေဝသဌာနက ဆိုပါတယ်။  ဇီတာဟာ အပူပိုင်းမုန်တိုင်းအဖြစ် အားပျော့သွားမယ်လို့ အမေရိကန်အမျိုးသား ဟာရီကိန်းစင်တာက အောက်တိုဘာ ၂၈ ရက်မှာ ပြောကြားခဲ့ပါတယ်။ 
4 months Ago

October 10, 2020

လူဝီစီယားနားပြည်နယ်တွင် ဒယ်လ်တာမုန်တိုင်း ဝင်ရောက်မှုကြောင့် ရေကြီး

မုန်တိုင်းအကြိမ်ကြိမ် ဝင်ရောက်ခဲ့တဲ့ အမေရိကန်နိုင်ငံ လူဝီစီယားနားပြည်နယ်ကို အောက်တိုဘာ ၉ ရက်က ဟာရီကိန်း ဒယ်လ်တာ ထပ်မံ ဝင်ရောက်ခဲ့ပါတယ်။  ဟာရီကိန်း ဒယ်လ်တာဟာ ည ၆ နာရီအချိန်က ခရီအိုကမ်းရိုးတန်းမြို့အနီး ဝင်ရောက်ခဲ့တယ်လို့ အမျိုးသားဟာရီကိန်းစင်တာ NHC က ပြောပါတယ်။  မုန်တိုင်းအဆင့် ၃ ရှိတဲ့ ဒယ်လ်တာဟာ တစ်နာရီ လေတိုက်နှုန်း မိုင် ၁၂၀ နဲ့ ဝင်ရောက်ခဲ့တာပါ။  မုန်တိုင်းကြောင့် မြစ်တွေ ရေလျှံခဲ့ပြီး ကမ်းရိုးတန်းကနေ ကုန်းတွင်းပိုင်း ဘေတန်ရုသ်အထိ လမ်းတွေ ရေကြီးနေတယ်လို့လည်း သိရပါတယ်။  အခုအခါမှာတော့ ဒယ်လ်တာဟာ အားပျော့သွားခဲ့ပြီး လေတိုက်နှုန်း တစ်နာရီ မိုင် ၉၀ နဲ့ ပြည်နယ်အလယ်ပိုင်းနဲ့အရှေ့မြောက်ပိုင်းဆီ ရွှေ့လျားနိုင်တယ်လို့ ကြိုတင်ခန့်မှန်းထားပါတယ်။  ဟာရီကိန်း ဒယ်လ်တာဟာ ဒီနှစ်အတွင်း အမေရိကန်ကို ဝင်ရောက်တဲ့ ၁၀ ကြိမ်မြောက် မုန်တိုင်းဖြစ်တယ်လို့ ရိုက်တာက ဖော်ပြပါတယ်။ 
5 months Ago
Up