လူရာချီ ဆန္ဒပြ

September 30, 2020

အိန္ဒိယတွင် အမျိုးသမီး ၁ ဦး အဓမ္မပြုကျင့်ခံရပြီး သေဆုံးခဲ့မှုရအပေါ်  လူရာချီ ဆန္ဒပြ

အိန္ဒိယနိုင်ငံအတွင်း မျိုးရိုးဇာတ်စနစ်မှာ ဇာတ်အနိမ့်ဆုံး မျိုးရိုးက အမျိုးသမီးတယောက်ကို ယောက်ျားတအုပ်စုက အဓမ္မပြုကျင့်ခဲ့တယ်လို့ အာဏာပိုင်တွေကပြောအပြီး စက်တင်ဘာ ၂၉ ရက်မှာ အမျိုးသမီး သေဆုံးခဲ့ပါတယ်။ ဒါကြောင့် နယူးဒေလီမြို့တော်က သူ့အလောင်းရှိရာ ဆေးရုံမှာ လူရာချီ စုရုံး ဆန္ဒပြခဲ့ကြပါတယ်။ ဓားစာခံ အမျိုးသမီးရဲ့ဖခင်က သူ့သမီးအတွက် တရားမျှတမှုကို ပေးဖို့ ဆေးရုံအပြင်မှာ ဆန္ဒပြနေတဲ့ ရာချီတဲ့လူတွေကို တောင်းဆိုခဲ့ပါတယ်။ ဆန္ဒပြသူတွေနဲ့ ရဲတွေ တွန်းတိုက်တိုးဝှေ့ခဲ့ကြပြီး ယာဉ်ကြောလည်း ပိတ်ဆို့ခဲ့ပါတယ်။ အသက် ၁၉ နှစ်အရွယ် ဒါလစ်မျိုးရိုးထဲက အမျိုးသမီးဟာ မြို့တော်ဒေလီနဲ့ ၆၂ မိုင်အကွာ ဟာ့သ်ရက်စ်ခရိုင် သူတို့အိမ်နားက လယ်ကွင်းထဲမှာ စက်တင်ဘာ ၁၄ ရက်က ယောက်ျားတစုရဲ့ တိုက်ခိုက် အဓမ္မပြုကျင့်တာကို ခံခဲ့ရပါတယ်။  ဒီအမှုနဲ့ပတ်သက်ပြီး ရဲက ယောက်ျား ၄ ယောက်ကို ဖမ်းဆီးခဲ့ပါတယ်။ တနင်္လာနေ့မှာ အမျိုးသမီးကို ဥတ္တာပရာဒေ့ရှ် ပြည်နယ်ဆေးရုံကနေ နယူးဒေလီမြို့ ဆက်ဖ်ဒါဂျန်ဆေးရုံဆီ လွှဲပြောင်းကုသပေးပေမယ့် ကုသဆဲမှာ သေဆုံးခဲ့တယ်လို့ အာဏာပိုင်တွေက ပြောပါတယ်။ ဒါလစ်မျိုးရိုးဇာတ်ဝင်တွေကတော့ သူတို့ဟာ အခြေအမြစ်မရှိတဲ့ အစွဲအလမ်းတွေကြောင့် ဥပဒေရဲ့ မျှတတဲ့ အကာအကွယ်ကို မရဘူးလို့ မကျေမနပ် ပြောဆိုကြပါတယ်။ ဒါလစ်တွေရဲ့ အခွင့်အရေးအတွက် တောင်းဆိုနေတဲ့ ဘင်းမ်အာမီပါတီက တက်ကြွလှုပ်ရှားသူတွေက ဆေးရုံ ရင်ခွဲရုံနားမှာ ကြွေးကြော်သံတွေကို ဟစ်ကြွေးခဲ့ကြပါတယ်။ ပါတီ ခေါင်းဆောင်ကလည်း တနိုင်ငံလုံးက ဒါလစ်ဇာတ် အနွယ်ဝင်တွေ လမ်းပေါ်ထွက် ဆန္ဒပြကြဖို့ ဆော်သြပါတယ်။ “ဓားစာခံ မိသားစုဟာ အထီးမကျန်ဘူး။ ကျနော်တို့အားလုံးက မိသားစုဝင်တွေပဲ”လို့လည်း ပြောပါတယ်။ ဒီအမှုကို အမြန်စီရင်နိုင်ဖို့ စုံစမ်းစစ်ဆေးမှု အမြန်လုပ်မယ်လို့ ခရိုင် အာဏာပိုင်တွေက ပြောပါတယ်။ အမျိုးသမီးရဲ့ အိမ်ရှိရာ ဥတ္တာပရာဒေ့ရှ် ပြည်နယ်ဟာ နိုင်ငံတွင်း အမျိုးသမီးတွေအတွက် လုံခြုံမှုအနည်းဆုံး ပြည်နယ်လည်း ဖြစ်ပါတယ်။ အိန္ဒိယမှာ အမျိုးသမီးတွေအပေါ် ပျမ်းမျှ ၁၅ မိနစ်တိုင်းမှာ အဓမ္မပြုကျင့်မှုတမှု ရှိနေတယ်လို့ ၂၀၁၈ အစိုးရ သတင်းအချက်အလက်တွေက ဆိုပါတယ်။ ဒါကြောင့် အိန္ဒိယနိုင်ငံဟာ ကမ္ဘာမှာ အမျိုးသမီးတွေအတွက် အဆိုးဆုံးနေရာအဖြစ် ဂုဏ်သိက္ခာကျဆင်းခဲ့ပါတယ်။
7 months Ago

February 24, 2020

ဝီကိလိခ်စ်တည်ထောင်သူကို ပြန်လွှတ်ပေးရန် လူရာချီ ဆန္ဒပြတောင်းဆို

ထောင်ဒဏ် ကျခံနေရတဲ့ ဝီကိလိခ်စ်အင်တာနက်စာမျက်နှာကို တည်ထောင်သူ ဂျူလီယာ အာဆန်ကို ပြန်လွှတ်ပေးဖို့ ဗြိတိန်နိုင်ငံရဲ့မြို့တော် လန်ဒန်တလွှားမှာ ရာနဲ့ချီတဲ့လူတွေ ဖေဖော်ဝါရီ ၂၂ရက်မှာ ချီတက်တောင်းဆိုခဲ့ကြပါတယ်။  သြစတြေးလျနိုင်ငံသား အာဆန်ကို ရာဇဝတ်သား လွှဲပြောင်းရေး သဘောတူညီချက်အရ အမေရိကန်နိုင်ငံဆီ လွှဲပေးမလားဆိုတာ လန်ဒန်တရားရုံးက ဖေဖော်ဝါရီ ၂၄ရက်မှာ ကြားနာဖို့ ရှိနေပါတယ်။  သတင်းပညာဟာ ရာဇဝတ်မှု မဟုတ်ဘူးလို့ ကြေညာထားတဲ့ ဆိုင်းဘုတ်တွေကို ဝှေ့ယမ်းရင်း ဆန္ဒပြသူတွေက လွှတ်တော်ရင်ပြင်ဆီ ချီတက်ခဲ့ပါတယ်။ အာဆန်ဟာ ကာလကြာရှည် အိမ်တွင်းအောင်း နေခဲ့ရလို့ ကျန်းမာရေး ထိခိုက်နေတယ်၊ သူ့သားကို အမေရိကန်ဆီ လွှဲပေးတာဟာ သေမိန့်ကျတာနဲ့ တူတူပဲလို့  ဆန္ဒပြပွဲမှာပါဝင်တဲ့ အာဆန်ရဲ့ဖခင် ဂျွန် ရှစ်ပ်တွန်က ပြောပါတယ်။ အာဆန်ကို လေးစားသူတွေက အာဆန်ဟာ အာဏာအလွဲသုံးမှုကို ဖော်ထုတ်သူလို့ ပြောကြပြီး ဝေဖန်သူတွေကတော့ အနောက်တိုင်းလုံခြုံရေးကို လှိုက်စားတဲ့ အန္တရာယ်ကြီးတဲ့ နိုင်ငံ့ ရန်သူလို့ ပြောပါတယ်။ ရာဇဝတ်သား လွှဲပြောင်းမှုဆိုတာဟာ အာဆန်ရဲ့ ဖော်ထုတ်မှုတွေကြောင့် ရှက်ရမ်းရမ်းပြီး နိုင်ငံရေး အကွက်ရွှေ့တာလို့လည်း ဂျွန်ရှစ်ပ်တွန်က ပြောပါတယ်။  အမေရိကန်အစိုးရရဲ့ လျှို့ဝှက်ချက်တွေကို အင်တာနက်ပေါ် ဖြန့်ချိမှုအတွက် အမေရိကန် အစိုးရက ဒေါသထွက်အပြီး အာဆန်ကို အစိုးရကွန်ပျူတာ ဖောက်ထွင်းမှု၊ သူလျှိုမှုတို့ အပါအဝင် ရာဇဝတ်မှု ၁၈ မှုနဲ့ လိုချင်နေတာပါ။  အသက် ၄၈ နှစ်အရွယ် အာဆန်ကတော့ ဗြိတိန်နိုင်ငံဆိုင်ရာ အီကွေဒေါသံရုံးထဲမှာ ၇နှစ်ကြာ ခိုလှုံနေထိုင်ခဲ့အပြီး ပြီးခဲ့တဲ့ဧပြီလက သံရုံးထဲကနေ ဖမ်းဆီးခေါ်ဆောင်တာ ခံခဲ့ရပါတယ်။
1 year Ago
Up